Alvíssmál - Revisjonshistorikk

Carsten på 6. jul. 2022 kl. 06:34

2022-07-06T06:34:15Z

Carsten på 10. jan. 2019 kl. 17:13

2019-01-10T17:13:42Z

Jesper på 31. mar. 2014 kl. 13:33

2014-03-31T13:33:16Z

JJ.Sandal på 22. des. 2013 kl. 17:52

2013-12-22T17:52:45Z

Vis endringer

Jesper på 21. sep. 2013 kl. 12:28

2013-09-21T12:28:37Z

Carsten på 9. sep. 2013 kl. 13:11

2013-09-09T13:11:05Z

Jesper på 16. jan. 2013 kl. 08:02

2013-01-16T08:02:02Z

JJ.Sandal: Alvíssmál

2013-01-12T08:09:57Z

Alvíssmál

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes i flere utgaver på følgende språk ► !! [[Fil:Original.gif|32px|link=Alvíssmál]] !! !! [[Fil:Norsk.gif|32px|link=Allvismål]] !! [[Fil:Dansk.gif|32px|link=Alvis Tale]] !! [[Fil:Svensk.gif|32px|link=Sången om Allvis]] !!
|-
! !! !! !! [[Fil:Norsk.gif|32px|link=Allvismål (Ludvig Holm-Olsen)]] !! [[Fil:Dansk.gif|32px|link=Alvis Tale (Karl Gjellerup)]] !! [[Fil:Svensk.gif|32px|link=Allvis' ordskifte (NFS)]] !!
|-
! !! !! !! [[Fil:Norsk.gif|32px|link=Alvisord (Alvíssmǫ́l)]] !! [[Fil:Dansk.gif|32px|link=Alvis-Maal]] !! [[Fil:Svensk.gif|32px|link=Sången om Allvis (PAG)]] !!
|-
! !! !! !! !! [[Fil:Dansk.gif|32px|link=Tor og Alvis]] !! [[Fil:Svensk.gif|32px|link=Allvis’s sång (AAA)]] !!
|-
! !! !! !! !! [[Fil:Dansk.gif|32px|link=Alvismål (C. A. E. Jessen)]] !! !!
|-
! !! !! !! !! [[Fil:Dansk.gif|32px|link=Sangen om Alvis (F.W.Horn)]] !! !!
|-
! !! !! !! !! [[Fil:Dansk.gif|32px|link=Alvismaal (FM)]] !! !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson biografi|GUÐNI JÓNSSON]] bjó til prentunar

<big>'''Alvíssmál'''</big></center>

Alvíss kvað:

<blockquote>
1.
 "Bekki breiða,
 nú skal brúðr með mér
 heim í sinni snúask;
 hratat um mægi
 mun hverjum þykkja,
 heima skal-at hvíld nema."
</blockquote>

Þórr kvað:

<blockquote>
2.
 "Hvat er þat fira?
 Hví ertu svá fölr um nasar?
 Vartu í nótt með ná?
 Þursa líki
 þykki mér á þér vera;
 ert-at-tu til brúðar borinn."
</blockquote>

Alvíss kvað:

<blockquote>
3.
 "Alvíss ek heiti,
 bý ek fyr jörð neðan,
 á ek undir steini stað;
 vagna vers
 ek em á vit kominn;
 bregði engi föstu heiti fira."
</blockquote>

Þórr kvað:

<blockquote>
4.
 "Ek mun bregða
 því at ek brúðar á
 flest of ráð sem faðir;
 vark-a ek heima,
 þá er þér heitit var,
 at sá einn, er gjöf er, með goðum."
</blockquote>

Alvíss kvað:

<blockquote>
5.
 "Hvat er þat rekka,
 er í ráðum telsk
 fljóðs ins fagrglóa?
 Fjarrafleina
 þik munu fáir kunna;
 hverr hefr þik baugum borit?"
</blockquote>

Þórr kvað:

<blockquote>
6.
 "Vingþórr ek heiti,
 ek hef víða ratat,
 sonr em ek Síðgrana;
 at ósátt minni skal-at-tu
 þat it unga man hafa
 ok þat gjaforð geta."
</blockquote>

Alvíss kvað:

<blockquote>
7.
 "Sáttir þínar
 er ek vil snemma hafa
 ok þat gjaforð geta;
 eiga vilja
 heldr en án vera
 þat it mjallhvíta man."
</blockquote>

Þórr kvað:

<blockquote>
8.
 "Meyjar ástum
 mun-a þér verða,
 vísi gestr, of varit,
 ef þú ór heimi kannt
 hverjum at segja
 allt þat, er ek vil vita."
 9.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sú jörð heitir,
 er liggr fyr alda sonum
 heimi hverjum í?"
</blockquote>

Alvíss kvað:

<blockquote>
10.
 "Jörð heitir með mönnum,
 en með ásum fold,
 kalla vega vanir,
 ígræn jötnar,
 alfar gróandi,
 kalla aur uppregin."
</blockquote>

Þórr kvað:

<blockquote>
11.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sá himinn heitir,
 erakendi,
 heimi hverjum í?"
</blockquote>

Alvíss kvað:

<blockquote>
12.
 "Himinn heitir með mönnum,
 en hlýrnir með goðum,
 kalla vindófni vanir,
 uppheim jötnar,
 alfar fagraræfr,
 dvergar drjúpansal."
</blockquote>

Þórr kvað:

<blockquote>
13.
 "Segðu mér þat, Avlíss,
 - öll of rök fira
 vörumk, dvergr, at vitir -:
 hversu máni heitir,
 sá er menn séa,
 heimi hverjum í?"
</blockquote>

Alvíss kvað:

<blockquote>
14.
 "Máni heitir með mönnum,
 en mylinn með goðum,
 kalla hverfanda hvél helju í,
 skyndi jötnar,
 en skin dvergar,
 kalla alfar ártala."
</blockquote>

Þórr kvað:

<blockquote>
15.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sú sól heitir,
 er séa alda synir,
 heimi hverjum í?"
</blockquote>

Alvíss kvað:

<blockquote>
16.
 "Sól heitir með mönnum,
 en sunna með goðum,
 kalla dvergar Dvalins leika,
 eygló jötnar,
 alfar fagrahvél,
 alskír ása synir."
</blockquote>

Þórr kvað:

<blockquote>
17.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé þau ský heita,
 er skúrum blandask,
 heimi hverjum í?
</blockquote>

Alvíss kvað:

<blockquote>
18.
 "Ský heita með mönnum,
 en skúrván með goðum,
 kalla vindflot vanir,
 úrván jötnar,
 alfar veðrmegin,
 kalla í helju hjalm huliðs."
</blockquote>

Þórr kvað:

<blockquote>
19.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sá vindr heitir,
 er víðast ferr,
 heimi hverjum í?"
</blockquote>

Alvíss kvað:

<blockquote>
20.
 "Vindr heitir með mönnum,
 en váfuðr með goðum,
 kalla gneggjuð ginnregin,
 æpi jötnar,
 alfar dynfara,
 kalla í helju hviðuð."
</blockquote>

Þórr kvað:

<blockquote>
21.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé þat logn heitir,
 er liggja skal,
 heimi hverjum í?"
</blockquote>

Alvíss kvað:

<blockquote>
22.
 "Logn heitir með mönnum,
 en lægi með goðum,
 kalla vindlot vanir,
 ofhlý jötnar,
 alfar dagsefa,
 kalla dvergar dags veru."
</blockquote>

Þórr kvað:

<blockquote>
23.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sá marr heitir,
 er menn róa,
 heimi hverjum í?"
</blockquote>

Alvíss kvað:

<blockquote>
24.
 "Sær heitir með mönnum,
 en sílægja með goðum,
 kalla vág vanir,
 álheim jötnar,
 alfar lagastaf,
 kalla dvergar djúpan mar."
</blockquote>

Þórr kvað:

<blockquote>
25.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé sá eldr heitir,
 er brennr fyr alda sonum,
 heimi hverjum í?"
</blockquote>

Alvíss kvað:

<blockquote>
26.
 "Eldr heitir með mönnum,
 en með ásum funi,
 kalla vág vanir,
 frekan jötnar,
 en forbrenni dvergar,
 kalla í helju hröðuð."
</blockquote>

Þórr kvað:

<blockquote>
27.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé viðr heitir,
 er vex fyr alda sonum,
 heimi hverjum í?"
</blockquote>

Alvíss kvað:

<blockquote>28.
 "Viðr heitir með mönnum,
 en vallarfax með goðum,
 kalla hlíðþang halir,
 eldi jötnar
 alfar fagrlima,
 kalla vönd vanir."
</blockquote>

Þórr kvað:

<blockquote>
29.
 "Segðu mér þat, Alvíss,
 - öll of rök fira
 vörumk, dvergr,at vitir,
 hvé sú nótt heitir,
 in Nörvi kennda,
 heimi hverjum í?"
</blockquote>

Alvíss kvað:

<blockquote>
30.
 "Nótt heitir með mönnum,
 en njól með goðum,
 kalla grímu ginnregin,
 óljós jötnar,
 alfar svefngaman,
 kalla dvergar draumnjörun."
</blockquote>

Þórr kvað:

<blockquote>
31.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé þat sáð heitir,
 er sá alda synir,
 heimi hverjum í?"
</blockquote>

Alvíss kvað:

<blockquote>
32.
 "Bygg heitir með mönnum,
 en barr með goðum,
 kalla vöxt vanir,
 æti jötnar,
 alfar lagastaf,
 kalla í helju hnipin."
</blockquote>

Þórr kvað:

<blockquote>
33.
 "Segðu mér þat, Alvíss,
 - öll of rök fira
 vörumk, dvergr, at vitir -:
 hvé þat öl heitir,
 er drekka alda synir,
 heimi hverjum í?"
</blockquote>

Alvíss kvað:

<blockquote>
34.
 "Öl heitir með mönnum,
 en með ásum bjórr,
 kalla veig vanir,
 hreinalög jötnar,
 en í helju mjöð,
 kalla sumbl Suttungs synir."
</blockquote>

Þórr kvað:

<blockquote>
35.
 "Í einu brjósti
 ek sák aldrigi
 fleiri forna stafi;
 miklum tálum
 kveð ek tældan þik:
 Uppi ertu, dvergr, of dagaðr,
 nú skínn sól í sali."
</blockquote>

{{DEFAULTSORT:Alvissmal}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 5: / Linje 5: @@
 ! Denne teksten finnes i flere utgaver på følgende språk ► !! [[Fil:Original.gif|32px|link=Alvíssmál]] !!  !! [[Fil:Norsk.gif|32px|link=Allvismål]] !! [[Fil:Dansk.gif|32px|link=Alvis Tale]] !! [[Fil:Svensk.gif|32px|link=Sången om Allvis]] !!
 |-
-!  !!  !!  !! [[Fil:Norsk.gif|32px|link=Alvisord (Alvíssmǫ́l)]] !! [[Fil:Dansk.gif|32px|link=Alvis Tale (Karl Gjellerup)]] !! [[Fil:Svensk.gif|32px|link=Allvis' ordskifte (NFS)]] !!
+!  !! [[Fil:Original.gif|32px|link=Alvíssm&#491;&#769;l]] !!  !! [[Fil:Norsk.gif|32px|link=Alvisord (Alvíssmǫ́l)]] !! [[Fil:Dansk.gif|32px|link=Alvis Tale (Karl Gjellerup)]] !! [[Fil:Svensk.gif|32px|link=Allvis' ordskifte (NFS)]] !!
 |-
 !  !!  !!  !!  !! [[Fil:Dansk.gif|32px|link=Alvis-Maal]] !! [[Fil:Svensk.gif|32px|link=Sången om Allvis (PAG)]] !!

@@ Linje 11: / Linje 11: @@
 !  !!  !!  !!  !! [[Fil:Dansk.gif|32px|link=Tor og Alvis]] !! [[Fil:Svensk.gif|32px|link=Allvis’s sång (AAA)]] !!
 |-
-!  !!  !!  !!  !! [[Fil:Dansk.gif|32px|link=Alvismål (C. A. E. Jessen)]] !!  !!
+!  !!  !!  !!  !! [[Fil:Dansk.gif|32px|link=Alvismål (C. A. E. Jessen)]] !! [[Fil:Svensk.gif|32px|link=Sången om Alvis (KL)]] !!
 |-
 !  !!  !!  !!  !! [[Fil:Dansk.gif|32px|link=Sangen om Alvis (F.W.Horn)]] !!  !!

@@ Linje 20: / Linje 20: @@
 |-
 !  !!  !!  !!  !! [[Fil:Dansk.gif|32px|link=Alvis og Tor]] !! !!
 |-
 |}

@@ Linje 18: / Linje 18: @@
 |-
 !  !!  !!  !!  !! [[Fil:Dansk.gif|32px|link=Alvismal (B.C.Sandvig)]] !! !!
 |-
 |}

@@ Linje 16: / Linje 16: @@
 |-
 !  !!  !!  !!  !! [[Fil:Dansk.gif|32px|link=Alvismaal (FM)]] !! !!
 |-
 |}