Carsten på 9. sep. 2020 kl. 12:28

2020-09-09T12:28:26Z

JJ.Sandal på 22. des. 2013 kl. 15:29

2013-12-22T15:29:40Z

Vis endringer

Jesper på 25. nov. 2013 kl. 20:30

2013-11-25T20:30:56Z

JJ.Sandal: Hervararkviða

2013-01-12T09:09:10Z

Hervararkviða

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes på følgende språk ► !! [[Fil:Original.gif|32px|link=Hervararkviða]] !! !! !! [[Fil:Dansk.gif|32px|link=Hervarkvadet (NMP)]] !! !!
|-
|}

<center><big>'''[[Eddukvæði]]'''</big> '''Sæmundar-Edda'''

[[Guðni Jónsson|GUÐNI JÓNSSON]] bjó til prentunar

<big>'''Hervararkviða'''</big></center>

<blockquote>1.
 Hitt hefr mær ung
 í Munarvági
 við sólar setr
 segg at hjörðu.</blockquote>

Hirðir kvað:

<blockquote>"Hverr er einn saman
 í ey kominn?
 Gakk þú greiðliga
 gistingar til!"</blockquote>

Hervör kvað:

<blockquote>2.
 "Muna-at ek ganga
 gistingar til,
 því at ek engi kann
 eyjaskeggja;
 segðu hraðliga,
 áðr heðan líðir:
 hvar eru Hjörvarði
 haugar kenndir?"</blockquote>

Hirðir kvað:

<blockquote>3.
 "Spyj-at-tu at því;
 spakr ertu eigi,
 vinr víkinga,
 ertu vanfarinn;
 förum fráliga,
 sem okkr fætr toga,
 allt er úti
 ámátt firum!"</blockquote>

Hervör kvað:

<blockquote>4.
 "Men bjóðum þér
 máls at gjöldum;
 mun-a drengja vin
 dælt at letja:
 fær engi mér
 svá fríðar hnossir,
 fagra bauga,
 at ek fara eigi."</blockquote>

Hirðir kvað:

<blockquote>5.
 "Heimskr þykki mér,
 sá er heðra ferr
 maðr einn saman
 myrkvar grímur;
 hyrr er á sveimun,
 haugar opnask,
 brenn fold ok fen;
 förum harðara."</blockquote>

Hervör kvað:

<blockquote>6.
 "Hirðum-at fælask
 við fnösun slíka,
 þótt um alla ey
 eldar brenni;
 látum okkr eigi
 liðna rekka
 skjótla skelfa,
 skulum við talask."

 7.
 Var þá féhirðir
 fljótr til skógar
 mjök frá máli
 meyjar þessar;
 en harðsnúinn
 hugr í brjósti
 um sakar slíkar
 svellr Hervöru.</blockquote>

Hon sá nú haugeldana .... ok gengr til hauganna ok hræðist ekki, ok óð hon eldana sem reyk, þar til er hon kom at haugi berserkjanna. Þá kvað hon:

<blockquote>8.
 "Vaki þú, Angantýr,
 vekr þik Hervör,
 eingadóttir
 ykkur Sváfu;
 sel þú mér ór haugi
 hvassan mæki,
 þann er Svafrlama
 slógu dvergar.

 9.
 Hervarðr, Hjörvarðr,
 Hrani, Angantýr!
 vek ek yðr alla
 undir viðar rótum,
 hjálmi ok með brynju,
 hvössu sverði,
 rönd ok með reiði,
 roðnum geiri.

 10.
 Mjök eruð orðnir
 Arngríms synir,
 megir meinsamir,
 at moldar auka,
 er engi skal
 sona Eyfuru
 við mik mæla
 í Munarvági.

 11.
 Hervarðr, Hjörvarðr,
 Hrani, Angantýr!
 Svá sé yðr öllum
 innan rifja
 sem þér í maura
 mornið haugi,
 nema sverð selið,
 þar er sló Dvalinn;
 samir-a draugum
 dýrt vápn fela."</blockquote>

Þá svarar Angantýr:

<blockquote>12.
 "Hervör dóttir,
 hví kallar svá?
 Full feiknstafa
 ferr þú þér at illu!
 Ær ertu orðin
 ok örvita,
 villhyggjandi,
 vekr menn dauða.

 13.
 Gróf-at mik faðir
 né frændr aðrir;
 þeir höfðu Tyrfing
 tveir, er lifðu;
 varð þó eigandi
 einn um síðir."</blockquote>

Hervör kvað:

<blockquote>14.
 "Segðu einn satt mér,
 svá láti áss þik
 heilan í haugi,
 sem þú hafir eigi
 Tyrfing með þér;
 trautt er þér at veita
 arf, Angantýr,
 eingabarni."</blockquote>

Angantýr kvað:

<blockquote>15.
 "Hnigin er helgrind,
 haugar opnask,
 allr er í eldi
 eybarmr at sjá;
 atalt er úti
 um at lítask;
 skyntu, mær, ef þú mátt
 til skipa þinna."</blockquote>

Hervör kvað:

<blockquote>16.
 "Brennið eigi svá
 bál á nóttum,
 at ek við elda
 yðra hræðumk;
 skelfr-at meyju
 muntún hugar,
 þótt hon draug sjái
 i durum standa."</blockquote>

Angantýr kvað:

<blockquote>17.
 "Segi ek þér, Hervör,
 - hlýð þú til enn,
 vísa dóttir, -
 þat er verða mun:
 sjá mun Tyrfingr,
 ef þú trúa mættir,
 ætt þinni, mær,
 allri spilla.

 18.
 Muntu son geta,
 þann er síðan mun
 Tyrfing bera
 ok trúa magni;
 þann munu Heiðrek
 heita lýðar,

 sá mun ríkstr alinn
 und röðuls tjaldi."</blockquote>

Hervör kvað:

<blockquote>19.
 "Ek vígi svá
 virða dauða,
 at ér skuluð
 allir liggja
 dauðir með draugum
 í dys fúnir;
 sel mér, Angantýr,
 út ór haugi
 dverga smíði;
 dugir-a þér at leyna."</blockquote>

Angantýr kvað:

<blockquote>20.
 "Kveðk-at þik, mær ung,
 mönnum líka,
 er þú um hauga
 hvarfar á nóttum
 gröfnum geiri
 ok með Gota málmi,
 hjálmi ok með brynju
 fyrir hallar dyrr."</blockquote>

Hervör kvað:

<blockquote>21.
 "Maðr þóttumk ek
 mennskr til þessa,
 áðr ek sali yðra
 sækja réðak;
 sel þú mér ór haugi,
 þann er hatar brynjur,
 hlífum hættan
 Hjálmars bana."</blockquote>

Angantýr kvað:

<blockquote>22.
 "Liggr mér und herðum
 Hjálmars bani,
 allr er hann útan
 eldi sveipinn;
 mey veit ek enga
 moldar hvergi,
 at þann hjör þori
 í hendr nema."</blockquote>

Hervör kvað:

<blockquote>23.
 "Ek mun hirða
 ok í hendr nema
 hvassan mæki,
 ef ek hafa mættak;
 uggi ek eigi
 eld brennanda,
 þegar loga lægir,
 er ek lít yfir."</blockquote>

Angantýr kvað:

<blockquote>24.
 "Heimsks ertu, Hervör,
 hugar eigandi,
 er þú at augum
 í eld hrapar;
 heldr vil ek selja þér
 sverð ór haugi,
 mær in unga,
 mák-at ek þér synja."</blockquote>

Hervör kvað:

<blockquote>25.
 "Vel gerðir þú,
 víkinga niðr,
 er þú seldir mér
 sverð ór haugi;
 betr þykkjumk nú,
 bragningr, hafa
 en ek Nóregi
 næðak öllum."</blockquote>

Angantýr kvað:

<blockquote>26.
 "Veizt eigi þú,
 - vesöl ertu mála,
 fláráð kona, -
 hví þú fagna skalt;
 sjá mun Tyrfingr,
 ef þú trúa mættir,
 ætt þinni, mær,
 allri spilla."</blockquote>

Hervör kvað:

<blockquote>27.
 "Ek mun ganga
 til gjálfrmara;
 nú er hilmis mær
 í hugum góðum;
 lítt ræki ek þat,
 lofðunga niðr,
 hvé synir mínir
 síðan deila."</blockquote>

Angantýr kvað:

<blockquote>28.
 "Þú skalt eiga
 ok una lengi,
 hafðu á hulðu
 Hjálmars bana;
 tak-at-tu á eggjum,
 eitr er í báðum;
 sá er manns mjötuðr
 meini verri.

 29.
 Far vel, dóttir,
 fljótt gæfak þér
 tolf manna fjör,
 ef þú trúa mættir,
 afl ok eljun,
 allt it góða,
 þat er synir Arngríms
 at sik leifðu."</blockquote>

Hervör kvað:

<blockquote>30.
 "Búið ér allir,
 - brott fýsir mik, -
 heilir í haugi,
 heðan vil ek skjótla;
 helzt þóttumk nú
 heima í millim,
 er mik umhverfis
 eldar brunnu."</blockquote>

{{DEFAULTSORT:Hervararkvida}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Guðni Jónsson]]
[[Kategori:Den eldre Edda]]

@@ Linje 4: / Linje 4: @@
 |-
 ! Denne teksten finnes på følgende språk ► !! [[Fil:Original.gif|32px|link=Hervararkviða]] !!  !!  !! [[Fil:Dansk.gif|32px|link=Hervarkvadet (NMP)]] !! [[Fil:Svensk.gif|32px|link=Hervars kväde]] !!
 |-
 |}

@@ Linje 3: / Linje 3: @@
 !align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
 |-
-! Denne teksten finnes på følgende språk ► !! [[Fil:Original.gif|32px|link=Hervararkviða]] !!  !!  !! [[Fil:Dansk.gif|32px|link=Hervarkvadet (NMP)]] !!  !!
+! Denne teksten finnes på følgende språk ► !! [[Fil:Original.gif|32px|link=Hervararkviða]] !!  !!  !! [[Fil:Dansk.gif|32px|link=Hervarkvadet (NMP)]] !! [[Fil:Svensk.gif|32px|link=Hervars kväde]] !!
 |-
 |}

Hervararkviða - Revisjonshistorikk

Carsten på 9. sep. 2020 kl. 12:28

JJ.Sandal på 22. des. 2013 kl. 15:29

Jesper på 25. nov. 2013 kl. 20:30

JJ.Sandal: Hervararkviða