JJ.Sandal på 24. des. 2013 kl. 12:31

2013-12-24T12:31:20Z

Vis endringer

JJ.Sandal på 20. des. 2013 kl. 21:58

2013-12-20T21:58:01Z

Jesper på 17. mar. 2013 kl. 14:03

2013-03-17T14:03:57Z

JJ.Sandal: Krákumál

2013-01-11T21:06:27Z

Krákumál

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes på følgende språk ► !! [[Fil:Original.gif|32px|link=Krákumál]] !! !! !! [[Fil:Dansk.gif|32px|link=Krákumál (B. C. Sandvig)]] !! !!
|-
! !! [[Fil:Original.gif|32px|link=Krákumál (Fornaldarsögur Norðurlanda)]] !! !! !! [[Fil:Dansk.gif|32px|link=Krákumál (C. C. Rafn)]] !! !!
|-
|}

<center>'''[[Carmina Scaldica]]'''

Udvalg af norske og islandske skjaldekvad ved [[Finnur Jónsson]] G.E.C. Gads Forlag - København 1929

<big>'''Krákumál'''</big></center>

<blockquote>1.
 ''Hjoggum vér með hjörvi''.
 Hitt vas æ fyr löngu,
 es á Gautlandi gingum
 at grafvitnis morði.
 Þá fingum vér Þóru,
 þaðan hétu mik fyrðar,
 es lyngölun lagðak,
 Loðbrók at því vígi;
 stakk á storðar lykkju
 stáli bjartra mála.

 2.
 ''Hjoggum vér með hjörvi''.
 Heldr vask ungr, es skífðum
 austr í Eyrasundi
 undarn frekum vargi.
 Ok fótgulum fogli
 fingum vér, þars sungu
 við háseymða hjalma
 hörð járn, mikils verðar;
 allr varð ægir sollinn,
 óð hrafn í valblóði.

 3.
 ''Hjoggum vér með hjörvi''.
 Hátt bárum þá geira,
 es tvítøgir tölðumk,
 ok tjör ruðum víða.
 Unnum átta jarla
 austr fyr Dínu mynni;
 gera fingum þá gnóga
 gisting at því vígi;
 sveiti fell í sollinn
 sæ, týndi lið ævi.

 4.
 ''Hjoggum vér með hjörvi''.
 Heðins kvánar varð auðit,
 þás Helsingja heimtum
 til heimsala Óðins.
 Lögðum upp í Ívu,
 oddr náði þá bíta,
 öll vas unda gjalfri
 á sú roðin heitu;
 grenjaði brandr við brynjur,
 bensildr klufu skjöldu.

 5.
 ''Hjoggum vér með hjörvi''.
 Hygg engan þá frýðu,
 áðr á Heflis hestum
 Herrøðr í styr felli.
 Klýfrat ægis öndrum
 annarr jarl in frægri
 lunda völl til lægis
 á langskipum síðan;
 sá bar siklingr víða
 snart framm í styr hjarta.

 6.
 ''Hjoggum vér með hjörvi''.
 Herr kastaði skjöldum,
 þás rægagarr rendi
 ræstr at gumna brjóstum.
 Beit í Skarpa-skerjum
 skœrubíldr at hjaldri;
 roðinn vas randar máni,
 áðr Rafn konungr felli;
 dreif ór hölda hausum
 heitr á brynjur sveiti.

 7.
 ''Hjoggum vér með hjörvi''.
 Hátt grenjuðu rottar,
 áðr á Ullarakri
 Eysteinn konungr felli.
 Gingum golli fáðir
 grundar vals af bröndum,
 (rækyndill smó rauðar
 rítr) at hjalma móti;
 svíra virtr ór sárum
 sveif of hjarna kleifar.

 8.
 ''Hjoggum vér með hjörvi''.
 Hafa gátu þá rafnar
 fyr Inndyris-eyju
 œrna bráð at slíta.
 Fingum fálu hestum
 fullan verð at sinni,
 (ilt vas eins at gæta)
 með uppruna sólar;
 strenghömlur sák stíga,
 stökk malmr á skör hjalmi.

 9.
 ''Hjoggum vér með hjörvi''.
 Háðum rendr í dreyra,
 þás benstara bræddum
 fyr Borgundarholmi.
 Hreggský slitusk hringa,
 hratt almr af sér malmi;
 Völnir fell at vígi,
 vasat einn konungr meiri;
 val rak vítt of strandir,
 vargr fagnaði tafni.

 10.
 ''Hjoggum vér með hjörvi''.
 Hildr vas sýnt í vexti,
 áðr Freyr konungr felli
 í Flæmingja veldi.
 Náði blár at bíta
 blóði smeltr í gyltan
 Högna kufl at hjaldri
 harðr bengrefill ferðum;
 mær grét morginskœru
 mörg, en tafn fekkst vörgum.

 11.
 ''Hjoggum vér með hjörvi''.
 Hundruðum frák liggja
 á Eynæfis öndrum,
 þars Englanes heitir.
 Siglðum vér til snerru
 sex dœgr, áðr lið felli;
 áttum odda messu
 við uppruna sólar;
 varð fyr várum sverðum
 Valþjófr í styr hníga.

 12.
 ''Hjoggum vér með hjörvi''.
 Hrunði -dögg af sverðum
 brún í Barðafirði
 bleika ná- fyr hauka.
 Umði almr, þars oddar,
 allstrítt bitu skyrtur
 at slíðrloga sennu
 Svölnis hamri þœfðar;
 rendi ormr til unda,
 eitrhvass drifinn sveita.

 13.
 ''Hjoggum vér með hjörvi''.
 Heldum Lakkar tjöldum
 hátt at Hildar leiki
 fyr Hjaðninga vági.
 Sjá knáttu þá seggir,
 es sundruðum skjöldu
 at hræsíldar hjaldri,
 hjalm slitnaðan gotna;
 vasat sem bjarta brúði
 í bing hjá sér leggja.

 14.
 ''Hjoggum vér með hjörvi''.
 Hörð kom ríð á skjöldu,
 nár fell niðr til jarðar
 á Norðimbralandi.
 Vasat of eina óttu
 öldum þörf at frýja
 Hildar leiks, þars hvassir
 hjalmstofn bitu skjómar;
 vasat sem unga ekkju
 í öndvegi kyssa.

 15.
 ''Hjoggum vér með hjörvi''.
 Herþjófi varð auðit
 í Suðreyjum sjálfum
 sigrs á várum mönnum.
 Varð í randar regni
 Rögnvaldr fyrir hníga,
 sá kom harmr of hölða
 hæstr at sverða gusti;
 hvast kastaði hristir
 hjalms strenglágar palmi.

 16.
 ''Hjoggum vér með hjörvi''.
 Hverr lá þverr of annan;
 glaðr varð geira hríðar
 gaukr at sverða leiki.
 Léta örn né ygli,
 sás Írlandi stýrði,
 (mót varð malms ok rítar)
 Marstan konungr fasta;
 varð í Veðrafirði
 valtafn gefit hrafni.

 17.
 ''Hjoggum vér með hjörvi''.
 Hundmargan sák falla
 morginstund fyr mæki
 mann at odda sennu.
 Syni mínum hneit snimma
 slíðra þorn við hjarta;
 Egill lét Agnar ræntan
 óblauðan hal lífi;
 glumði geirr við Hamðis
 gránserk, bliku merki.

 18.
 ''Hjoggum vér með hjörvi''.
 Haldorða sák brytja
 ekki smátt fyr ulfa
 Endils niðja bröndum;
 vasat á Víkaskeiði,
 sem vín konur bæri;
 hroðinn vas ægis asni
 ófár í dyn geira;
 skorin vas Sköglar kápa
 at skjöldunga hjaldri.

 19.
 ''Hjoggum vér með hjörvi''.
 Háðum sverðs at morgni
 leik fyr Lindiseyri
 við lofðunga þrenna.
 Fár átti því fagna
 (fell margr í gin ulfi,
 haukr sleit hold með vargi,
 at heill þaðan kœmi;
 Íra blóð í ægi
 œrit fell of skœru.

 20.
 ''Hjoggum vér með hjörvi''.
 Hárfagran sák røkkva
 meyjar dreng of morgin
 ok málvini ekkju.
 Vasat sem varmar laugar
 vínkers Njörun bæri
 oss í Álasundi,
 áðr Örn konungr felli;
 böðmána sák bresta,
 brá því fira lífi.

 21.
 ''Hjoggum vér með hjörvi''.
 Há sverð bitu skjöldu,
 þás gollhroðinn glumði
 geirr við Hildar næfri.
 Sjá mun í Önguls-eyju
 of aldr mega síðan,
 hversu at lögðis leiki
 lofðungar framm gingu;
 roðinn vas út fyr eyri
 ár flugdreki sára.

 22.
 ''Hjoggum vér með hjörvi''.
 Hví sé drengr at feigri,
 at hann í odda éli
 öndurðr látinn verði?
 Opt sýtir sá ævi,
 es aldrigi nistir,
 (ilt kveða argan eggja)
 örn at sverða leiki;
 hugblauðum kømr hvergi
 hjarta sitt at gagni.

 23.
 ''Hjoggum vér með hjörvi''.
 Hitt telk jafnt, at gangi
 at samtogi sverða
 sveinn í móti einum.
 Hrøkkvit þegn fyr þegni,
 þat vas drengs aðal lengi,
 æ skal ástvinr meyja
 einarðr í dyn sverða.

 24.
 ''Hjoggum vér með hjörvi''.
 Hitt sýnisk mér raunar,
 at forlögum fylgjum,
 fár gengr of sköp norna.
 Eigi hugðak Ellu
 at aldrlagi mínu,
 þás blóðvali bræddak
 ok borð á lög keyrðak;
 vítt fingum þá vargi
 verð í Skotlands fjörðum.

 25.
 ''Hjoggum vér með hjörvi''.
 Hitt lœgir mik, jafnan
 at Baldrs föður bekki
 búna veitk at sumblum.
 Drekkum bjór af bragði
 ór bjúgviðum hausa;
 sýtira drengr við dauða
 dýrs at Fjölnis húsum;
 eigi kømk með æðru
 orð til Viðris hallar.

 26.
 ''Hjoggum vér með hjörvi''.
 Hér vildi nú allir
 burir Áslaugar bröndum
 bitrum hildi vekja,
 ef vandliga vissi
 of viðfarar ossar,
 hvé ófáir ormar
 eitrfullir mik slíta;
 móðernis fekk mínum
 mögum, svát hjörtu dugðu.

 27.
 ''Hjoggum vér með hjörvi''.
 Harðla líðr at ævi,
 grimt stendr grand af naðri,
 góinn byggvir sal hjarta.
 Væntum hins, at Viðris
 vöndr í Ellu standi;
 sonum mínum man svella
 sinn föður ráðinn verða;
 munuat snarpir sveinar
 sitt kyrt vesa láta.

 28.
 ''Hjoggum vér með hjörvi''.
 Hefr fimm tøgum sinna
 folkorrostur framðar
 fleinþings boði ok eina.
 Minst hugða ek manna,
 at mér vesa skyldi
 (ungr namk odd at rjóða)
 annarr konungr fremri;
 oss munu æsir bjóða,
 esat sýtandi dauði.

 29.
 Fýsumk hins at hætta,
 heim bjóða mér dísir,
 sem frá Herjans höllu
 hefr Óðinn mér sendar.
 Glaðr skalk öl með ásum
 í öndvegi drekka,
 lífs eru liðnar stundr,
 læjandi skalk deyja.</blockquote>

<div class="toccolours">'''Krákumál''', norrønt dikt av ukjent forfatter, overlevert på Island. Krákumál gir seg ut for å være Ragnar Lodbroks dødssang; han minnes sine bedrifter, priser heltelivet og venter sin grufulle død med et smil: "Leende skal jeg dø!" er diktets siste ord. Ragnars hustru Aslaug ble kalt Kráka, og Krákumáls navn henger muligens sammen med det.

Kildetekst: SNL</div>

{{DEFAULTSORT:Krakumal}}

[[Kategori:Alfabetisk indeks]]
[[Kategori:Tekster på norrønt]]
[[Kategori:Finnur Jónsson]]
[[Kategori:Dróttkvæði og Rímur]]

@@ Linje 19: / Linje 19: @@
-<blockquote>1.
+<blockquote>
 <br>''Hjoggum vér með hjörvi''.
 <br>Hitt vas æ fyr löngu,
@@ Linje 361: / Linje 362: @@
 <br>í öndvegi drekka,
 <br>lífs eru liðnar stundr,
-<br>læjandi skalk deyja.</blockquote>
+<br>læjandi skalk deyja.

@@ Linje 3: / Linje 3: @@
 !align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
 |-
-! Denne teksten finnes på følgende språk ► !! [[Fil:Original.gif|32px|link=Krákumál]] !!  !!  !! [[Fil:Dansk.gif|32px|link=Krákumál (B. C. Sandvig)]] !!  !!
+! Denne teksten finnes på følgende språk ► !! [[Fil:Original.gif|32px|link=Krákumál]] !!  !! [[Fil:Norsk.gif|32px|link=Norsk dikting etter vikingtidi]] !! [[Fil:Dansk.gif|32px|link=Krákumál (B. C. Sandvig)]] !!  !!
 |-
 !  !! [[Fil:Original.gif|32px|link=Krákumál (Fornaldarsögur Norðurlanda)]] !!  !!  !! [[Fil:Dansk.gif|32px|link=Krákumál (C. C. Rafn)]] !!  !!

Krákumál - Revisjonshistorikk

JJ.Sandal på 24. des. 2013 kl. 12:31

JJ.Sandal på 20. des. 2013 kl. 21:58

Jesper på 17. mar. 2013 kl. 14:03

JJ.Sandal: Krákumál