August: Saga Sigurðar jórsalafara, Eysteins ok Ólafs (Fagrskinna)

2020-03-09T08:32:36Z

Saga Sigurðar jórsalafara, Eysteins ok Ólafs (Fagrskinna)

Ny side

{| class="toccolours" border="1" width="100%" cellpadding="4" style="border-collapse:collapse"
|- style="background-color:#e9e9e9"
!align="center" valign="top" width="40%" | '''Velg språk''' !!align="center" valign="top" width="10%" | Norrønt !!align="center" valign="top" width="10%"| Islandsk !!align="center" valign="top" width="10%"| Norsk !!align="center" valign="top" width="10%"| Dansk !!align="center" valign="top" width="10%"| Svensk !!align="center" valign="top" width="10%"| Færøysk
|-
! Denne teksten finnes på følgende språk ►!! [[Fil:Original.gif|32px|link=Saga Sigurðar jórsalafara, Eysteins ok Ólafs (Fagrskinna)]] !! !! !! !! !!
|-
|}

<div class="toccolours"><center>Noen spesialtegn vises ikke på iPhone/iPad.</center></div>

<center>'''[[Fagrskinna]]'''</center>

<div class="toclimit-{{{1{{{limit3}}}}}}">__TOC__</div>

'''K. 72. Vm Iorsala Sigurð oc um hans frægð'''

[[Bilde:Sigurds færd fra landet.jpg|center|thumb|700px|<center>Gerhard Munthe:<br>'''Þa er þesser konongar .iii. hafðu styrt rikinu .iii. vætr. hafðe Sigurðr konongr buit færð sina af lande með myklum costnaðe. hanum fylgðu marger lender menn oc marger rikir bꝍndr hann hafðe allz .lx. skipa.'''</center>]]

(Þ)a er þesser konongar .iii. hafðu styrt rikinu .iii. vætr.<ref>1106</ref> hafðe Sigurðr konongr buit færð sina af lande með myklum costnaðe. hanum fylgðu marger lender menn oc marger rikir bꝍndr hann hafðe allz .lx. skipa. oc urðu ækki snembunir um sumaret. sigldi Sigurðr konongr um haustet af Norege oc vestr til Englanz oc com þar með allu liði sinu. Heinrekr Engla konongr sunr Viliams bastarðs fagnaðe hanum væl. dvaldest Sigurðr konongr um vætrenn i Englande. en um [varet æftir<ref>1107</ref> byriaðe hann færð sina til Vallanz. oc for vestr alla leið. þar til er hann com a Iacobsland. þar var hann annan vætr. þa varð hann osattr við iarll noccon. oc for sva þæirra viðrskifti at iarlenn rauf þa sætt um haustet. en Sigurðr konongr drap marga menn firir iarlenom. oc iarlenn komsk nauðulega undan. þar toc Sigurðr konongr mikit fe sumt með ranfange en sumt með utlausn þæirra manna er hann hafðe tekit i orrostu. at [nesta vare<ref>1108</ref> eftir byriaðe hann færð sina vestr til Spanialanz. oc þa er hann com til borgar þæirrar er heitir Lizibon. lagðe hann þar til hær sinum. oc atte þar orrastu oc vann borgena. oc fecc þar mikit fe. Ðaðan for Sigurðr konongr ut a Span hitt heiðna. þar gecc hann a land upp með allu liði sinu. oc atte þar aðra orrastu oc hafðe sigr. sva barsk at litlu siðar. at einn dag foro a mote Sigurði kononge oc liði hans vikinga galeiðir margar. oc lagðu at þæim. oc barðust við þa. var þar mikit mannfall oc nalega allt af heiðnum mannum. þar toc Sigurðr konongr atta galeiðir. oc drap af hvært manz barn. fiorðo orrostu atte Sigurðr konongr við castala noccon. þar sem heitir Alkasse. hann vann |<ref>''her er en lakune i B;'' „deest unicum folium“ ''har AM skr. i B2.''</ref> þenn castala oc feck mikit fe. Nu er Sighurðr konongr sighlði i gioghnum Norvasund. þa com i mot honom hærr hæiðinna manna oc atti hann þer ena fimtu oʀastu oc hafðe sighr. noccorre rið siðan com Sigurðr konongr þer sæm hæitir Forminterra. þar funnu þæir hælli æinn i bærghi noccoro oc sat þer mikit folc bæðe blamenn oc Særkir. þet var vighi mikit firir þvi at þet var beðe hoot oc bratt til at ganga. enn steinmur stoð ivir þværann hællin. þæir skutuz a um rið. oc þa sa konongrenn at þæir mundu æcki sysla at sva bunu. þa let konongrenn taca skip noccor er barkar hæita. oc let drængia með stærkum koðlum um hvarntvæggia stafnen siðan let han dregha scipin up a bærghit ivir hællizs dyrnar. oc gengo menn i skipinn meðr vopnum sinum oc boro griot i. enn siðann leto þæir ofann sigha skipinn firir bærghit. enn þæir er i voro skiponum boro ofan a hæiðna menn bæðe vopn oc griot oc rukku hæiðingiar af stæinvæggiumum þa geck Sigurðr konongr neðann i hællinn oc comuz up a stæinmurinn. sva sæghir Haldor skaldre.

::'''260.'''
::Boðstyrcer let barka
::braghnengs værk a Særkium
::færg hafa gerðz firir gyghiar
::gagnstigh ovan sigha
::þar er i hall at hælli
::hær nænnin fiolmennum
::gonlar þings með gengi
::gnydrott þeðan sotti.

Hæiðingiar sottu þa innar i hællin a þet vighi er þer hofðu þæir gort ser. en Sighurðr konongr let flytia upp i hællinn viðu stora oc gerðo mikit bal. oc slogho i ælldi. varð þa sa ælldr sva mikill at allt hæiðinna manna þa brann. nema þat er up geck a vopn kristinna manna þetta hævir verit callat æitt hit mæsta fræmdar værc.

'''K. 73. Vm færð Sigurðar konongs til Sikilꝍyiar'''

Nu for Sighurðr konongr suðr til Sikilꝍyar oc var þer þa hofðingi ivir Rogæir iarl þer dvaldez Sighurðr konongr um vettrinn með iarlenom. oc hinn attanða dagr iola þa læiddi Sighurðr konongr Rogæir iarl til hasætis meðr ser oc gaf honom konongs nafn. Rogæiʀ konongr hellt siðann længe konongdome oc ꝍghslaðe mioc sitt riki i margha staðe. hann var kallaðr Rogæir riki. hans sun var Vilialmr konongr i Sikilꝍy. dꝍtr Vilialms konongs voro .iii. feck æinnar Hæinrekr kæisare. aðra dottor Vilialms konongs atti iallinn af Kapr. hina þriðiu dottor hans atti Margariz kusare.

'''K. 74. Nu kꝍmr Sigurðr konongr til Akrs'''

<ref>1109</ref>Sighurðr konongr for siðan ut ivir haf oc hellt skipum sinum til Akrsborghar for þeðann landvegis ut til Iorsalaborghar fann þer Balldvina er þa var konongr ivir Iorsalalannde var þer Sighurðr konongr i goðum faghnaðe. oc sialfr Baldvini konongr fylghðe honom ut til arennar Iorðanar. oc aftr til Iorsalaborghar. Gaf Baldvini konongr með raðe patriarchans af crossenom hælgha noccon lut oc margha aðra hælgha doma.

'''K. 75. Nu fara þæir baðir til Sættar Sigurðr konongr oc sva Baldvini'''

A þæiʀi somu tið for Balldvini konongr meðr hæʀ sinn til borghar þæiʀar a Syrlande er Sætt hæitir. Sigurðr konongr for auc meðr konongenom til þæiʀar somu borghar meðr herr sinn oc i þæiʀi ferð unnu þæir borghena Baldvini konongr oc Sigurðr konongr. Enn þeghar gaf Sighurðr konongr Baldvina kononge borghina oc sætti til varðvæizlu ivir borghina kristna menn sva sæghir Haldor scvaldre.

::'''261.'''
::Borgh hæiðna vann bræðer
::bæmia tikr af riki
::haðuz hværr við pryðe
::hilldr enn gaft af millde.

'''K. 76. Nu fær hann til Garðz'''

Siðan for Sighrðr konongr aftr til Akrsborgar oc toco þer scip sin. foro brot af landeno oc for þa Sighurðr konongr með liði sinu til Myclagarz oc aðr enn hann sighlde upp i sund. þa la hann halvann manoð raðann byʀ. fyrir þvi at hann villdi þa sighla. er seghlum hans være æket fram at skipe. firir þvi at þa matte sia af hvaro tvæggia landeno i oll sæghl hans firir þvi at þou voro oll af pellum. oc þa er hann sighlde at Miklagarðe let Alæxius kæisare uppluka borghliði þvi er hæitir Gullvarta. gecc þa Sighurðr konongr inn i borghina oc voro oll stræti firir hanum dreghinn með pællum Sighurðr konongr mælti við menn sina at þæir skylldu lata ser fatt umm finnaz. þo at þæir sæ þa luti er æighi væri oftsenir i Norðlondum oc sva gerðo þæir gengo sva a pellinn sæm þa at bært være strætit. Alæxius kæisare faghnaðe Sighurðe kononge væl oc feck hanom dyrleghar hallir oc liði hans.

'''K. 77. Vm paðrhæims læik'''

Nu bauð Alæxius kæisare Sighurðe kononge hvart hann villde at æfnat væri til læiks þess er kallaðr er paðræims læikr. eða villdi hann þiggia iammikit gull af hanom sæm læikr costaðe enn þet var vi scippund gullz. Sighurðr konongr kous læikinn oc likaðe þet kæisaranum væl oc let nu bua læikinn oc hafðe sa læikr falegha aðr sen veret eða læikinn. þer var mikill fiolde þæira Norðmanna er gek . . . . . . . . . . . . . . . . . . . . . . . . . . .<ref>''her er en lakune i A, i A2 af AM betegnet ved'' „desunt multa“: ''da der foreløbig også er lakune i B, mangler der her i værket et stykke.''</ref>

|<ref>B</ref> . . . . . . . . . gort veret i Norege. hann let oc gera virkit við Agðanes. oc kirkiu norðr i Vagom. oc lagðe eignir til. Ꝍysteinn konongr let oc gera skip i Niðarose. æftir þui sem var Ormrenn lange. let þar gera a dreca hafuð oc bua gulli. oc callaðe Dreca. Ꝍysteinn konongr com Iamtalande undir sik. fyrstur Noregs kononga.

'''K. 78. Vm andlat Sigurðar konongs oc þæirra brꝍðra. oc um skyrsl Harallz gilla'''

[(A) þrettanda are rikis þæirra brꝍðra Sigurðar konongs. oc Ꝍysteins konongs<ref>1115-16</ref>. toc sott Olafr konongs broðer þæirra oc andaðest. var lik hans iarðat i Niðarose at Kristkirkiu. en [.vii. vætrum siðar<ref>1122-23</ref> fecc Ꝍysteinn konongr sutt oc andaðest suðr a Stimi a Hustaðum. var siðan lik hans fꝍrt norðr i Niðaros oc iarðat at Kristkirkiu. hans dauða harmaðe hværr maðr i Norege. en siðan reð Sigurðr konongr einn landeno. Fam vætrom æftir andlat Ꝍysteins konongs com vestan af Irlande sa maðr er callaðr var Haralldr. oc lezk vera sun Magnus bærfꝍz. hann hafðe veret callaðr a Irlande gillikrist. oc þa er Haʀalldr kom til Sigurðar konongs. oc bar sitt mal firir hann. oc beiddist at gera skirslr til faðernis ser. en Sigurðr konongr bar þetta mal firir vini sina oc var lengi aðr um raðet en lofat være. at Haʀalldr skylldi troða skrar. oc sanna sva faðerni sitt. en þat varo .vii. plogiarn gloande. oc þar giecc Haʀalldr æftir berom fotom. oc .ii. biscupar leiddu hann. oc hæfir þesse skirsl frecost veret gorr i Norege. Haʀalldr varð væl skirr. oc syndi þa Sigurðe kononge heila fꝍtr sina. oc allum þeim sem við varo stadder. Sigurðr konongr toc þa væl Haʀallz frenzemi oc hafðe hann með ser innan hirðar. oc let væl ifir hanum. en Magnusi syni Sigurðar konongs var þungt til Haʀalldz. oc marger aðrer vicu æftir Magnusi um þat sama mal. Magnus sunr Sighurðar konongs fecc Kristinar dottor Knuz lavarðar oc Ingibiorgar dottor Harallz konongs. systur Malmfriðar drotningar er Sigurðr konongr faðer hans atte. þa er Sigurðr konongr var staddr i Vik austr. fecc hann sott oc andaðezk. oc hafðe þo lengi aðr haft mikit vanheilendi. var lic Sigurðar konongs flutt til Asloar oc hvilir hann i Hallvarzkirkiu i steinvæggenom syðru megin firir utan korenn. þa hafðe Sigurðr konongr raðet Norege [.vii. vætr oc .xx.<ref>1130</ref> siðan Magnus konongr bærfꝍtr faðer hans fell i fra.

===Tekst med fotnoter===

'''K. 72. Vm Iorsala Sigurð oc um hans frægð'''<ref>''Overskr. A:'' Nu hevir Sighurðr buit færð sina</ref>

(Þ)a er þesser [konongar .iii.<ref>[''omv. A.''</ref> hafðu styrt rikinu<ref>landinu ''A.''</ref> |<ref>160</ref> .iii. vætr.<ref>þa ''tf. A;'' 1106</ref> hafðe Sigurðr konongr buit færð sina af<ref>or ''A.''</ref> lande með myklum costnaðe. hanum fylgðu marger lender menn oc marger rikir bꝍndr hann hafðe allz .lx. skipa. oc urðu ækki snembunir<ref>mioc snemmbunir ''A;'' sein(!) ''B.''</ref> um sumaret. sigldi Sigurðr konongr<ref>''ul. B'' (''alene'').</ref> um haustet af<ref>ut af ''A.''</ref> Norege oc vestr til Englanz oc com þar<ref>um haustit ''tf. A.''</ref> með allu liði sinu. Heinrekr Engla konongr sunr Viliams bastarðs<ref>batarðs (batarðar ''B1-2'') ''skr. B.''</ref> fagnaðe hanum væl. dvaldest Sigurðr konongr<ref>þer ''tf. A.''</ref> um vætrenn i Englande. <ref>''ny linje A.''</ref>[en um<ref>[Vm ''A.''</ref> [varet æftir<ref>1107</ref> byriaðe hann<ref>Sigurðr konongr ''A.''</ref> færð sina til Vallanz. oc for<ref>hann þet sumar ''tf. A.''</ref> [vestr alla leið<ref>[alla leið vestr ''A.''</ref>. [þar til<ref>[til þess ''A.''</ref> er hann com a Iacobsland. þar var<ref>dvaldez ''A.''</ref> hann annan vætr. þa varð hann osattr við iarll noccon. oc for sva þæirra viðrskifti at iarlenn rauf þa sætt<ref>er þæir hofðu sin a milli gort ''tf. A.''</ref> um haustet. en Sigurðr konongr drap marga menn firir iarlenom. oc iarlenn komsk nauðulega undan. þar toc [Sigurðr konongr<ref>[konongrenn ''A.''</ref> mikit fe sumt með ranfange<ref>rane ''A.''</ref> en sumt með utlausn þæirra manna er hann hafðe<ref>aðr ''tf. A.''</ref> tekit [i orrostu<ref>[meðr vallde ''A.''</ref>. <ref>''nyt kap. A med overskr.:'' Vm færð Sigurðar konongs til Spanialanz</ref>at<ref>A ''B1-2.''</ref> nesta vare<ref>are ''A;'' 1108</ref> eftir byriaðe hann<ref>Sigurðr konongr ''A.''</ref> færð sina vestr til Spanialanz. oc þa er hann com til borgar þæirrar er [heitir Lizibon<ref>[''omv. A.''</ref>. lagðe hann þar<ref>hina fyrstu ''tf. A.''</ref> til hær sinum. oc atte þar orrastu oc vann<ref>hann ''tf. A.''</ref> borgena. oc fecc þar mikit<ref>allmikinn sighr oc ''A.''</ref> fe. Ðaðan for Sigurðr konongr [ut a Span hitt<ref>[a Span ''A.''</ref> heiðna. þar gecc hann a land upp með allu<ref>''ul. A.''</ref> liði sinu. oc atte þar aðra orrastu oc hafðe sigr. sva barsk at litlu siðar. at einn dag [foro a<ref>[com i ''A.''</ref> mote Sigurði kononge oc liði hans vikinga galeiðir<ref>galæiðr ''A.''</ref> margar. oc lagðu at þæim. oc barðust við þa. var<ref>varð ''A.''</ref> þar mikit mannfall oc nalega allt af heiðnum mannum. þar toc Sigurðr konongr atta galeiðir<ref>galæiðr ''A.''</ref>. oc drap af hvært manz barn. fiorðo orrostu atte Sigurðr konongr við castala noccon. þar<ref>þenn ''A.''</ref> sem heitir Alkasse. hann vann |<ref>''her er en lakune i B;'' „deest unicum folium“ ''har AM skr. i B2.''</ref> þenn castala oc feck mikit fe. Nu er Sighurðr konongr sighlði i gioghnum Norvasund. þa com i mot honom hærr hæiðinna manna oc atti hann þer ena fimtu oʀastu oc hafðe sighr. noccorre rið siðan com Sigurðr konongr þer sæm hæitir Forminterra. þar funnu þæir hælli æinn i bærghi noccoro oc sat þer mikit folc bæðe blamenn oc Særkir. þet var vighi mikit firir þvi at þet var beðe hoot oc bratt til at ganga. enn steinmur stoð ivir þværann hællin. þæir skutuz a um rið. oc þa sa konongrenn at þæir mundu æcki sysla at sva bunu. þa let konongrenn taca skip noccor er barkar hæita. oc let drængia með stærkum koðlum um hvarntvæggia stafnen siðan let han dregha scipin up a bærghit ivir hællizs dyrnar. oc gengo menn i skipinn meðr vopnum sinum oc boro griot i. enn siðann leto þæir ofann sigha skipinn firir bærghit. enn þæir er i voro skiponum boro ofan a hæiðna menn bæðe vopn oc griot oc rukku hæiðingiar af |<ref>161</ref> stæinvæggiumum þa geck Sigurðr konongr neðann i hællinn oc comuz up a stæinmurinn. sva sæghir Haldor skaldre.

::'''260.'''
::Boðstyrcer let barka
::braghnengs værk a Særkium
::færg hafa gerðz firir gyghiar
::gagnstigh ovan sigha
::þar er i hall at hælli
::hær nænnin fiolmennum
::gonlar þings með gengi
::gnydrott þeðan sotti.

----
Nedenfor gengives versenes formentlig rigtige form her og i det følgende.
----

::Bǫðstyrkir lét barka
::(bragnings verk á Serkjum
::fræg hafa gǫrzk) fyr gýgjar
::gagnstíg ofan síga,
::þars í hall at helli
::hernenninn fjǫlmennum
::gǫndlar þings með gengi
::gnýþrottr neðan sótti.

Hæiðingiar sottu þa innar i hællin a þet vighi er þer hofðu þæir gort ser. en Sighurðr konongr let flytia upp i hællinn viðu stora oc gerðo mikit bal. oc slogho i ælldi. varð þa sa ælldr sva mikill at allt hæiðinna manna þa brann. nema þat er up geck a vopn kristinna manna þetta hævir verit callat æitt hit mæsta fræmdar værc.

'''K. 73. Vm færð Sigurðar konongs til Sikilꝍyiar'''

Nu for Sighurðr konongr suðr til Sikilꝍyar oc var þer þa hofðingi ivir Rogæir iarl þer dvaldez Sighurðr konongr um vettrinn með iarlenom. oc hinn attanða dagr iola þa læiddi Sighurðr konongr Rogæir iarl til hasætis meðr ser oc gaf honom konongs nafn. Rogæiʀ konongr hellt siðann længe konongdome oc ꝍghslaðe mioc sitt riki i margha staðe. hann var kallaðr Rogæir riki. hans sun var Vilialmr konongr i Sikilꝍy. dꝍtr Vilialms konongs voro .iii. feck æinnar Hæinrekr kæisare. aðra dottor Vilialms konongs atti iallinn af Kapr. hina þriðiu dottor hans atti Margariz kusare<ref>''sål. rettet'' (''Fsk.'') ''fra'' kæisare; ''i A selv ser det dog ud som om skriveren havde begyndt på et'' u ''efter'' k, ''men rettet det til'' æ.</ref>.

'''K. 74. Nu kꝍmr Sigurðr konongr til Akrs'''

<ref>1109</ref>Sighurðr konongr for siðan ut ivir haf oc hellt skipum sinum til Akrsborghar for þeðann landvegis ut til Iorsalaborghar fann þer Balldvina er þa var konongr ivir Iorsalalannde var þer Sighurðr konongr i goðum faghnaðe. oc sialfr Baldvini konongr fylghðe honom ut til arennar Iorðanar. oc aftr til Iorsalaborghar. Gaf Baldvini konongr með raðe patriarchans af crossenom hælgha noccon lut oc margha aðra hælgha doma.

'''K. 75. Nu fara þæir baðir til Sættar Sigurðr konongr oc sva Baldvini'''

A þæiʀi somu tið for Balldvini konongr meðr hæʀ sinn til borghar þæiʀar a Syrlande er Sætt hæitir. Sigurðr konongr for auc meðr konongenom til þæiʀar somu borghar meðr herr sinn oc i þæiʀi ferð unnu þæir borghena Baldvini konongr oc Sigurðr konongr. Enn þeghar gaf Sighurðr konongr Baldvina kononge borghina oc sætti til varðvæizlu ivir borghina kristna menn sva sæghir Haldor scvaldre.

::'''261.'''
::Borgh hæiðna vann bræðer
::bæmia tikr af riki
::haðuz hværr við pryðe
::hilldr enn gaft af millde.

::Borg heiðna vann bræðir
::benja tíkr af ríki,
::háðisk hver við prýði
::hildr, en gaft af mildi.

'''K. 76. Nu fær hann til Garðz'''

|<ref>162</ref> Siðan for Sighrðr konongr aftr til Akrsborgar oc toco<ref>toc ''A2.''</ref> þer scip sin. foro brot af landeno oc for þa Sighurðr konongr með liði sinu til Myclagarz oc aðr enn hann sighlde upp i sund. þa la hann halvann manoð raðann byʀ. fyrir þvi at hann villdi þa sighla. er seghlum hans være æket fram at skipe. firir þvi at þa matte sia af hvaro tvæggia landeno i oll sæghl hans firir þvi at þou voro oll af pellum. oc þa er hann sighlde at Miklagarðe let Alæxius kæisare uppluka borghliði þvi er hæitir Gullvarta. gecc þa Sighurðr konongr inn i borghina oc voro oll stræti firir hanum dreghinn með pællum Sighurðr konongr mælti við menn sina at þæir skylldu lata ser fatt umm finnaz. þo at þæir sæ þa luti er æighi væri oftsenir i Norðlondum oc sva gerðo þæir gengo sva a pellinn sæm þa at bært være strætit. Alæxius kæisare faghnaðe Sighurðe kononge væl oc feck hanom dyrleghar hallir oc liði hans.

'''K. 77. Vm paðrhæims læik'''

Nu bauð Alæxius kæisare Sighurðe kononge hvart hann villde at æfnat væri til læiks þess er kallaðr er paðræims<ref>paðrheims ''A1.''</ref> læikr. eða villdi hann þiggia iammikit gull af hanom sæm læikr costaðe enn þet var vi scippund gullz. Sighurðr konongr kous læikinn<ref>''sål. A1-2;'' læikm̅ ''A.''</ref> oc likaðe þet kæisaranum væl oc let nu bua læikinn oc hafðe sa læikr falegha aðr sen veret eða læikinn. þer var mikill fiolde þæira Norðmanna er gek . . . . . . . . . . . . . . . . . . . . . . . . . . .<ref>''her er en lakune i A, i A2 af AM betegnet ved'' „desunt multa“: ''da der foreløbig også er lakune i B, mangler der her i værket et stykke.''</ref>

|<ref>B</ref> . . . . . . . . . gort veret i Norege. hann let oc gera virkit við Agðanes. oc kirkiu norðr i Vagom. oc lagðe eignir til. Ꝍysteinn konongr let oc gera skip i Niðarose. æftir þui sem var Ormrenn lange. let þar gera a dreca hafuð oc bua gulli. oc callaðe Dreca. Ꝍysteinn konongr com Iamtalande undir sik. fyrstur Noregs kononga.

'''K. 78. Vm andlat Sigurðar konongs oc þæirra brꝍðra. oc um skyrsl Harallz gilla<ref>gilli ''B1-2.''</ref>'''

[(A) þrettanda are rikis þæirra brꝍðra Sigurðar konongs. oc Ꝍysteins konongs<ref>1115-16</ref>. toc sott Olafr konongs broðer þæirra oc andaðest. var lik hans iarðat i Niðarose at Kristkirkiu. en [.vii. vætrum siðar<ref>1122-23</ref> fecc Ꝍysteinn konongr sutt oc andaðest suðr a Stimi a Hustaðum<ref>''rettet;'' Fastaðum ''B.''</ref>. var siðan lik hans fꝍrt norðr i Niðaros oc iarðat at Kristkirkiu. hans dauða harmaðe hværr maðr i Norege. en siðan reð Sigurðr konongr einn landeno. Fam vætrom<ref>þar ''tf. B'' (''alene'').</ref> æftir andlat Ꝍysteins konongs com vestan af Irlande sa maðr er callaðr var |<ref>163</ref> Haralldr. oc lezk vera sun Magnus bærfꝍz. hann hafðe veret callaðr a Irlande gillikrist. oc þa er Haʀalldr kom til Sigurðar konongs. oc bar sitt mal firir hann. oc beiddist at gera skirslr til faðernis ser. en Sigurðr konongr bar þetta mal firir vini sina oc var lengi aðr um raðet en lofat være. at Haʀalldr skylldi troða skrar. oc sanna sva faðerni sitt. en þat<ref>''B'' (''alene'').</ref> varo .vii. plogiarn gloande. oc þar giecc Haʀalldr æftir berom fotom. oc .ii. biscupar leiddu hann. oc hæfir þesse skirsl frecost veret gorr i Norege. Haʀalldr varð væl skirr. oc syndi þa Sigurðe kononge heila fꝍtr sina. oc allum þeim sem við varo stadder. Sigurðr konongr toc þa væl Haʀallz frenzemi oc hafðe hann með ser innan hirðar. oc let væl ifir hanum. en [Magnusi syni<ref>[''sål. rettet i Fsk. fra'' Magnus sonr</ref> Sigurðar konongs var þungt til Haʀalldz. oc marger aðrer vicu æftir Magnusi um þat sama mal. Magnus sunr Sighurðar konongs fecc Kristinar dottor Knuz lavarðar oc Ingibiorgar dottor Harallz konongs. systur Malmfriðar<ref>''sål. B1-2;'' Malfriðar ''B.''</ref> drotningar er Sigurðr konongr faðer hans atte. þa er Sigurðr konongr var staddr i Vik austr. fecc hann sott oc andaðezk. oc hafðe þo lengi aðr haft mikit<ref>''sål. B1-2;'' mikil ''B.''</ref> vanheilendi. var lic Sigurðar konongs flutt til Asloar oc hvilir hann i Hallvarzkirkiu i steinvæggenom syðru megin firir utan korenn. þa hafðe Sigurðr konongr raðet Norege [.vii. vætr oc .xx.<ref>1130</ref> siðan Magnus konongr bærfꝍtr faðer hans fell i fra.

----

'''Noter:'''
<references />

[[Kategori:Alfabetisk indeks]]
[[Kategori:Tekster på norrønt]]
[[Kategori:Kongesagaer]]
[[Kategori:Finnur Jónsson]]

Saga Sigurðar jórsalafara, Eysteins ok Ólafs (Fagrskinna) - Revisjonshistorikk

August: Saga Sigurðar jórsalafara, Eysteins ok Ólafs (Fagrskinna)