Maríu jartegnir - Frá fátœkium manni

Fra heimskringla.no
Hopp til navigering Hopp til søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif Dansk.gif


Maríu jartegnir


Frá fátœkium manni


C. R. UNGER

Christiania 1871


B (varianter fra A)


Frá fátœkium manni

Sá atburðr er hér ok sagðr, at í einhveriu þorpi var einn fátœkr maðr, sá er sér bað matar ok klæða, ok þar sem hann fékk, þá vann hann til atvinnu[1] sér. Ok af verkaupi ok af ölmusu þeiri, er hann þá[2], þá tók hann þat í vanda sinn at gefa iafnan til Maríu þakka af[3], alldri hafði hann svá litíð um[4] at véla. En þá er sá timi kom, er dróttinn villdi þenna góða[5] mann kalla til sín, þá tók hann sótt, en í sóttinni þá bað hann guðs móður, at hon skylldi þat með sinni milldi af syni sínum þiggia, at hann fœri til himinríkis sælu, þá er hann andaðiz. Ok litlu fyrir andlát hans þá kom siálf móðir miskunnar til hans ok sagði svá: „Kom þú, minn enn kærasti unnandi[6], ok muntu hafa himinríkis fagnað, sem þú batt.“ Þetta heyrðu allir menn mælt, þeir er fyrir[7] þessum enum siúka manni sátu. En hann einn sá hina helgu Maríu. Ok eptir þetta andaðiz hann, ok kómu helgir englar dróttins ok báru sál hans til himinríkis fagnaðar. Ok nú nýtr hann[8] þar eilífs fagnaðar, sem guða móðir hét honum[9] at eilífu með öllum guðs heilögum mönnum.




Fotnoter:

  1. saal. A; matar B.
  2. tók A.
  3. saal. A; ok B.
  4. umb A.
  5. tilf. A.
  6. vinr A.
  7. yfir A.
  8. hon A.
  9. hon A.