Ragnarsdrápa

Fra heimskringla.no
Hopp til: navigasjon, søk
Har du husket å støtte opp om ditt favoritt kulturprosjekt? → Bli en Heimskringla-venn og gi et bidrag til Heimskringla.no.

Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif Norsk.gif Dansk.gif
Original.gif


Carmina Scaldica


Udvalg af norske og islandske skjaldekvad ved Finnur Jónsson
G.E.C. Gads Forlag - København 1929


Bragi enn gamli
Ragnarsdrápa


1.
Vilið Hrafnketill heyra,
hvé hreingróit steini
Þrúðar skalk ok þengil
þjófs iljablað leyfa.

2.
Nema svát góð hins gjalla
gjöld baugnafaðs vildi
meyjar hjóls hinn mæri
mögr Sigurðar Högna.

3.
Knátti eðr við illan
Jörmunrekr at vakna
með dreyrfáar dróttir
draum í sverða flaumi.
Rósta varð í ranni
Randvés höfuðniðja,
þás hrafnbláir hefndu
harma Erps of barmar.

4.
Flaut of set, við sveita,
sóknar alfs, í golfi
hræva dögg, þars höggnar
hendr sem fœtr of kendusk;
fell í blóði blandinn
brunn ölskála (runna
þat's á Leifa landa
laufi fátt) at höfði.

5.
Þar, svát gerðu gyrðan
golfhölkvis sá fylkis,
segls naglfara siglur
saums andvanar standa;
Urðu snemst ok Sörli
samráða þeir Hamðir
hörðum herðimýlum
Hergauts vinu barðir.

6.
Mjök lét stála støkkvir
styðja Gjúka niðja
flaums, þás fjörvi næma
foglhildar mun vildu,
ok bláserkjar birkis
(ball) fagrgötu allir
(ennihögg ok eggjar)
Jónakrs sunum launa.

7.
Þat sék fall á fögrum
flotna randar botni;
Ræs göfumk reiðar mána
Ragnarr ok fjölð sagna.

8.
Ok ofþerris æða
ósk-Rán at þat sínum
af fárhuga fœra
feðr veðr boga hugði,
þás hristi-Sif hringa
hals- hin böls of fylda
bar til byrjar drösla
-baug ørlygis draugi.

9.
Bauða sú til bleyði
bœti-Þrúðr at móti
malma mætum hilmi
men dreyrugra benja.
Svá lét æ, þótt etti,
sem orrostu letti,
jöfrum ulfs at sinna
með algífris lifru.

10.
Letrat lýða stillir
landa vanr á sandi
- þá svall heipt í Högna -
höð glamma mun stöðva,
es þrymregin þremja
þróttig Heðin sóttu,
heldr an Hildar svíra
hringa þeir of fingi.

11.
Ok fyr hönd í hólmi
hveðru brynju Viðris,
feng-eyðandi, fljóða
fordæða nam ráða.
Allr gekk herr und hurðir
Hjarranda framm kyrrar
reiðr at Reifnis skeiði-
raðaralfs mari -bráðum.

12.
Þá má sókn á Svölnis
salpenningi kenna.
Ræs göfumk reiðar mána
Ragnarr ok fjölð sagna.


Brage Boddesson (Brage den gamle), norsk skald som skal ha levd i første halvdel av 800-tallet. Av hans dikt Ragnarsdrápa finnes en del sitert i Snorres Edda. Brage Boddesson beskriver der bildene på et skjold han har fått av kong Ragnar Lodbrok, det er Jormunreks drap, Gefion og oksene, Tor som fisker Midgardsormen m.m. Språk, stil, sagnform og den relativt ufullkomne metrikk tyder på at diktet er svært gammelt; det kan være fra 800-tallet, selv om det ikke lar seg føre avgjørene bevis for at det virkelig er ekte. Kildetekst: SNL

HEIMSKRINGLA er et privat initiativ. Prosjektet mottar ikke noen form for offentlig støtte. Vi har kun utgifter og ingen faste inntekter. Kostnader til teknisk drift og utstyr bæres av privatpersoner. Alle økonomiske bidrag mottas derfor med stor takk. Ønsker du eller ditt foretak å støtte prosjektet økonomisk? Ta gjerne kontakt med oss, eller bruk vårt norske kontonummer 97105024499. Du kan også støtte oss via vårt Vipps-nummer 78431. For utenlandske bidrag bruk vårt IBAN-nummer NO6897105024499, med SWIFT-kode: DNBANOKK eller SEPA-kode: SKIANOBB. En kan også overføre penger til HEIMSKRINGLA via PayPal eller vippse via mobilen til 78431. Vi selger også fast annonseplass på venstre sidemeny til rimelig pris. Alle bidragsytere krediteres med navn for sine bidrag.