Erling Skjalgson

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

Naturlyrikk og romantikk

Per Sivle

Viser og Kvad

Gyldendalske Boghandel

Nordisk Forlag

Kristiania og København

1920

Erling Skjalgson

I.

Fagrare og frøknare

fanst inkje Kar

fraa nørdst i Noreg

og ned til Lindesnes.

Og beid inkje betre

Hjarta-Botn

hjaa Mann millom Kjølen

og Moster-Øy.

Laak var den Lagnad

som lagde Mein-Sperre,

so han og Haraldson

inkje høvdest,

— vart det til Vanske

og Vondt fyr baade,

mykje Møda,

ja, Livs-Mein attaat.

For stride og strake

som Staur dei var,

straks dei seg trudde

Retten til;

— og gjekk so Gjerdi

slik ho det gjorde.

Men tunge Taaror

hev Noreg turka

fyr Olav og Erling

og gjer det atter,

— og signar samstundes

sælt deira Minne.

For baae dei brøytte

med Framtids-Brodd

til kvar sin Kant

paa Kara-Gjerd

vonfull Veg

fyr vaart Folke-Vel

og Lukka fyr Liv

i Noregs Land.

II.

Seig imot Sole

ei Skuta inn

fyr slake Segl

i skrælen Vind.

Det var Erling Skjalgson

som stemnde til Stranda,

— men denne Gongen

med kløyvd Panna.

Flaug det som Eld

yver Jadar-Land,

at myrda var Rogalands

gjævaste Mann.

Og Aalmugen auka

som Vaarflaum fraa Fjellet,

der Rygje-Kongen

laag stiv under Tjeldet.

Sume jamra,

og sume svor,

sume stod bleike

utan eit Ord.

Daa steig ei Røyst

som tok med seg alle:

«Hemn og Daud

yver Fitjaskalle!»

Der stend ein Flokk

av hard-barka Menn

her ifraa Sole

si næmaste Grend,

eingong bundne

til Træle-Yrke;

men no so eig dei

sin eigen Styrke.

Trælar, sanka

fraa Aust og fraa Vest,

kaupte og selde

som Ukse og Hest.

«Friskt Mot!» sa han Erling,

«eg vil deg kje verre

enn: sjølv kann du verta

din eigen Herre.

Fyrst lyt hjaa meg

du tena deg fri,

og forare gjeng det,

di meir du tek i.

Sidan du fær

— som her eg skal lova —

Rudnings-Land

til Aaker og Stova.

Og dermed du hev,

um du yrkjer trutt,

din Heim paa Grunn

som du sjølv hev rudt.

Og hugs so paa

i tung-lyndte Rider,

at det er paa Lukka

di eigi du smider.»

Og Havren han voks,

der Lyngen han gjekk,

og fleire og fleire

sin Fri-Rett fekk,

vart festa til Grunnen

paa likaste Maate;

for Mannen huglegg

sin eigen Brote.

Og Erling Skjalgson

skal liva, han,

i Smaa-Manns Minne

kring Noregs Land.

Til seinste Ætter

Soga vaar mæler:

han skapa Menn,

og Nordmenn, av Træler.