Á sprengisandi (Grímur Thomsen)

Velg språk	Norrønt	Islandsk	Norsk	Dansk	Svensk	Færøysk
Denne teksten finnes på følgende språk ►

Íslensk kvæði og vísur

Grímur Thomsen

Á sprengisandi

Ríðum, ríðum og rekum yfir sandinn,

rennur sól á bak við Arnarfell,

hér á reiki er margur óhreinn andinn,

úr því fer að skyggja á jökulsvell.

Drottinn leiði drösulinn minn,

drjúgur verður síðasti áfanginn.

Þey þey! þey þey! þaut í holti tóa,

þurran vill hún blóði væta góm,

eða líka einhver var að hóa

undarlega digrum karlaróm.

Útilegumenn í Ódáðahraun

eru kannske að smala fé á laun.

Ríðum, ríðum, rekum yfir sandinn,

rökkrið er að síga á Herðubreið,

álfadrottning er að beisla gandinn,

ekki er gott að verða á hennar leið.

Vænsta klárinn vildi eg gefa til

að vera kominn ofan í Kiðagil.