Flatøbogens Annaler

Fra heimskringla.no
Hopp til navigering Hopp til søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif


Islandske Annaler

X.
Flatøbogens Annaler


Af dr. Gustav Storm


Udgivne for
det norske historiske Kildeskriftfond
Christiania
1888



A. Aarene 1150 -1269, forsaavidt de indeholde selvstændige Tillæg.


[1150] orrosta vid Slanga þorp. Knutr flydi.

[1151] særdr Valldamar i Rois kelldu.

[1152] vig Knutz kongs Magnussonar. Eirekr enn helgi rikti .x. ar i Suidiod.

[1157] Valldemar rikti i Danmork .xx. vi. ar.

[1159] bęiar brenna i Oslu.

[1160] Magnus Heinriksson rikti i Suiþiod .vm eitt ar.

[1162] Karl Saurkuisson rikti .viii. ar i Svþliodu.

[1168] Solveig Jonsdottir gipt.

[1170] Knutr Eireksson rikti .xxx. ara i Suiþiod.

[1172] Bardagi a Sælings dals heidi.

[1183] Knutr rikti i Danmork .xx. ær Valldimars son.

[1184] Haralldr skrenkr var tekinn til hofþingia af Skanungum ok flydi fyrir Daunum.

[1192] Manndaudr mikill af sott a Islandi.

[1194] fysti leidangr i Hollsetaland.

[1200] vnnin Þetmerska af Donum. Sorkuir Karls son rikti .xii. ar i Suiþiod.

[1201] vnnin Holzseta af Donum.

[1208] Eirekr kongr rilcti i Suiþiod .ix. ar.

[1210]] Herfaur Dana i Pryzaland ok Samland. Mistron hertugi gaf skatta af Pulina landi Dana kongi.

[1222] druknan .xx. manna ok .vij.

[1224] Bodorda breytni Magnus byskups i messo.

[1234] þa hofuz ok ræn bædi nordr ok vestr. missætti hofþingia .x. setr . . . . . .. utfaur vid Sighuat Sturluson. . . . . fioræd vid Snorra.

[1235] Ræn ok stuldir i Vestfirdinga fiordungi ok Sunnlendinga fiordungi.

[1236] nordan ferd Sighuatz or Eyia firdi til Borgar fiardar. .x. hundrut manna foru med honum i Reykia hollt i efzstu viku. vij. menn drepnir fyrir Vrækiu i Kofa (!) vik. var prestr i einn. flegnir at fotum ok kasadir sem þiofar. andadiz Arni prestr at Lundi.

[1237] eklipsis lune. Sturla for Þorleifi. fiar ræn vid Þorleif. Abel feck Mathilldar.

[1238] eytt alþingi ok þotti þat odæmi. . . . . Gizur ok Kolbeinn foru at Sturlu med .mcc. Sturla sat i Gilsfirdi med .dccc.

[1240] kirkiu bruni a Elgisetri. . . . þa kom vt farkonu sott.

[1241] andadiz Valldimar rammi Dana kongr. Eirekr son hans rikti i Danmork .ix. ær ....... veginn Klængr Biarnarson at radi Vrækiu annan dag jola.

[1242] Þordr kakali kom vt. Kolbeinn for at honum ok læ vti a Tvilægru (!) ok letuz þar .iij. menn.

[1243] flockr vppi fyrir nordan land ok i Borgar firdi.

[1249] andadiz Snælaug i Bæ.

[1250] Oddr for at Sæmundi ok flydi þo vndan.

[1253] Brenna a :B'lugu myri. þar letuz .iij. Gizorar synir ok Þora kona hans. ok halfr þridi tugr manna allz . . . laugtekit at guds laug skylldu ræda ef a greindi ok landz log.

[1254] Grims eyiar ferd. þar fell Hreni Kodransson ok þeir .iiij. miklir flockar foru nordr vm land at Oddi Þorarins syni.

[1255] bardagi i Eyia firdi. þar fell Eyiolfr ofsi Þorsteins son ok .viij. menn. þar fell ok Finnbiorn ok .viii. menn af þeira lidi.

[1258] Sighuatr ok Sturla foru at Þoruardi nordr til Eyia fiardar en Þoruardr stock vndan nordr til Reykia dals. þa foru menn imillum ok funduzst þeir ok var ger sætt ok helltz eigi af Þoruardar hendi. Vigfuss rænti a Tanna brecku.

[1259] hallæri.

[1260] Juar Arnliotarson heimti skatt af hendi Noregs kongs ok villdu menn eigi giallda.

[1261] vtkuoma Halluardar gullskos i Hvitæ med brefum Hakonar kongs ok skipadr Rafni Borgarfiordr.

[1264] komu til Magnus kongs berfættu brædr af Skotlandi.

[1266] brann hallin i Biorgyn.

[1268] andadiz Gizor jarl .ij. idus januarij.

[1269] fæddr Gizorr galli ok hafdi nafn Gizorar jarls Þorualldz sonar.


B. Aarene 1283 -1394 (fuldstændigt).


1264 -1287


c i. likami Jons erchibyskups fluttr heim til Nidaros ok þarjardadr ok hyggia menn hann helgann. andadiz Margret drottning dottir Alexandri Skota kongs. vtquoma herra Rafns O. sonar. andadiz herra Erlingr Ꜳlfsson. ok Þordr prestr Sturluson. Þorarinn prestr Eigilsson. vtquama Erlendar logmannz. hofu þein Rafn Oddzson þa tilkall til erfda stada a Islandi. þa for mikil sott yfir Island. Margreta drottning hafdi gefit kirkiunni at Holum mottul sinn ok let Iorundr byskup ger''a or kapu er koll ud er drottningar nautr.

ba v. andadiz Martinus pafi. Karl kongr a Puli. Petr byskup i Orkn. Magnus jarl i Orkn. ok herra Sturla lògmadr. teknar nockurar kirkna eignir æ. Islandi vndir leikmanna valld eftir skipan herra Rafns Odzsonar. sott mikil fiardaudi ok do mart folk i sulti ok margir bęir eyddvz.

g e Vigdr Honorius septimus pafi. fall Philipp (!) Franka kongs. andadiz Þorfinnr byskup af Hamri. Andres byskup af Oslo kom i land med pafa brefum. andadiz herra Asgrimr Þorsteinsson. ok Biorn Sæmundarson. druknadi Þorualldr Steinmodsson med nockurum monnum. andadiz Þurid prior. fanz land vestr vndan Islandi. sott mikil vm vestfiordu.

f e andadiz Alexander Skota kongr. Dræp Eireks Christiphorussonar Dana kongs. Andres byskup af Oslo vigdi vigdi (!) Jorund byskup til Hamars. enn Dolgfinn byskup til Orkn. komu sendibodar Tatara kongs til Eireks Noregs kongs. Drepinn ok myrdr Eirekr Dana kongr. gerfir jarlar i Noregi Alfr ok Audun. Seet spiot a fundi einum standanda i lopti i Borgarfirdi. Gudmundr Hallzson kom vt med vtanstefningha brefum. andadiz Adalbrandr prestr.

e k. andadiz Honorius pafi. Andress byskup af Oslo. Jngibiorg drottning Eireks dottir. drap Hallkels Ogmundar sunar. Bæiar bruni i Tunsbergi. vtanferd Jorundar byskups ok herra Þoruardar Þorarinssonar. Alfr vtlægr gerr ok allir þeir er honum fylgdu ok sidan drepnir cc. ok xx. menn. Alfr komz i klaustr i Suiariki. heingdr Aslakr skeinkir ok þeir .viij. bansettir i Danmork allir þeir er drapu edr redu Eirek kong. a Tiburcius messodag sigldu Eirekr kongr ok Hakon hertugi af Biorgyn.


1287 - 1293


dc. h. vigdr Nichulaus pafi. vtquoma Jorundar byskups ok herra Þoruardar ok herra Olafs stallara. vtanferd Ꜳírna byskups ok herra Rafns. Jorundr byskup af Hamri tok pallium ok erkibyskups tign i Nidarosi. vigdr Þordr byskup til Grænlandz.

b. a. Herferd Eireks Noregs kongs til Damarkr (!). Þordr byskup for til Grenlandz. andadiz Rafn Oddzson. Eirekr kongr sendi Rolf til Islandz at leita Nyia landz. Jorundr Hola byskup for vm syslu Arna byskups at heimta aptr stadi ad radi Jorundar erchibyskups.

a n. Cristz ar m. cc. lxxxx. Eirekr Noregs kongr bar koronu fiorda dag pascha. hann brendi ok Lánga land a þui ari ok Suina borg a Fioni ok Falstr. vtanferd Jorundar byskups. andadiz jumfrv Margret dottir Eireks Noregs kongs. andadiz Magnus Suia kongr Birgisson. felli vetr mikill. vard Þorlakr Narfason logmadr. meiddr ok drepinn Ꜳlfr Erlingsson. for Rolfr vm Island ok krafdi menn til Nyia landz ferdar. byskuþa þing i Nidarosi.

g. n Heidnir menn brutu Akrs borg. bolna sot a Islandi. vtkuoma Arna byskups. gefnar kirkiu eignir prestum flestar i Schalholltz byskupsdæmi. snio vetr mikill. sætt Eireks kongs ok byskupanna i Biorgyn. missætti Jorundar erkibyskups ok korsbrædra i Nidarosi.

fe. r. andadiz Nichulas pafi. þa var pafa laust .iij. ær. skrinlagdr Thorlakr byskup. vtkuoma Jorundar byskups ok herra Þordar Hallzsonar ok herra Petrs af Moi med bodskap Eireks kongs vm kirkna mæl. vnnin aptr Akrs borg ok barizst .xl ok iiij. daga. patriachi (!) færdi krossinn helga i Krit. vtkuoma Christiphorus a Falkanum. crossuduz menn a Islandi til Jorsalaferdar. sott mikil.

d i. andadiz Eyiolfr abboti at Þueræ. Eirekr Noregs kongr feck Jsibel dottur sira Rodbertz sonar Rodbertz jarls af Brunsvik (!). vigd Agatha abbadis i Kirkiubæ. leikmenn toku nockurar kirkna eignir a Islandi med skipan Þoruardar Þorarins sonar. bætt Akrs borg af .iiij. kongum. kom vt herra Petr af Heidi ok skipadr allr Nordlendinga fiordungr. herra Lodinn af Bacha gerr vtlægr til Islandz. vtanferd herra Þordar ok Þorlaks logmannz.


1293 - 1296


c. i vpphaf strids med Philippo Franka kongi ok Eduardi Engla kongi. skrida liop i Fagradal. þar letuz .xi. menn. sprack jord i sundr i landskialfta a Rangarvollum ok hus fellu ofan ok Rangæ fell or farveg sinum. forbodadir stada menn margir. herra Petr for vtan. komu vt Ionn ok Þorlækr logmenn ok herradir bædir ok herra Þordr. herra Erlendr ok herra Snorri. vtanferd herra Þoruardar. Visleifr af Ry brendi Hising.

b o. vigdr Adrianus heremita til pafa sancti spiritus dag ok kalladr Celestinus ok var pafi eigi allt til Jons voku. vid hans vigslu voru staddir .x. likþræir menn ok fengu allir heiisu med guds miskunn ok morg stormerki vrdu þar. hann resigneradi pauadom. aptr gangandi i einsetu. Þa var kosinn ok vigdr Benedictus einn af cardinalibus ok kalladr Bonifacius. Eirekr Dana kongr ok hertugi Christiphorus brodir hans toku erkibyskup af Lundi ok kostudu i myrkua stofu. Danmork i banni. Jorundr byskup setti klaustr at Stad i Reynis nesi ok a Modru vollum i Horgardal. fæddr Eigill er sidan var byskup. vard Haukr Erlendzson logmadr. vtkuoma Bærdar Hogna sunar med bodskap Eireks kongs. brunnu hallir erchibyskups i Nidarosi iola nott. andadiz Landa rolfr. ok herra Þoruardr Þorarinsson. braut kiol æ Borgarfirdi. Þar letuz .xiiij. menn.

ag e. Hertugi Eirekr af Langa landi feck Agnesar modursystr Eireks Noregs kongs. sætt Eireks Noregs kongs ok Eireks Dana kongs ok hertuga Valldimars. fanginn sira Karl brodir kongs af Franz. andadiz Liotr abboti at Þueræ. vtanferd herra Erlendz herra Þorlaks Sturlu Jonssunar. Þordr Narfason var logmadr. Eduardr Engla kongr striddi a Skotland. vtanferd Arna byskups. hualrettr mikill. herra Þorgils drottseti feck dottur Suia kongs. skipadr Nordlendinga flordungr Gudmundi skalldstikli. sóru .xij. bændr kirkna eignir a stadu (!) i Skalholltz byskups dæmi. vrdu .ix. stauckui vig a Islandi.


1297 - 1300


f e andadiz Arni byskup .xv. ꝁ † maii. Jonn erchibyskup af Lundi for or myrkua stofu. kardinali kom i Danmork ok leysti konginn ok brodur hans ok landit allt af pafa banni. herlid kom til Eduardar kongs æ England til lidveizlu fra kongi af Hispania. Franka kongr tok riki allt þat sem Eduardr Engla kongr atti fyrir sunnan sio. Engla kongr brendi Beru vik ok mikit af Skotlandi. sætt Jorundar erkibyskups ok korsbrædra af Nidarosi. Arni prestr Helgason hafdi vmbod vm allt Skalholltz byskupsdæmi. fanginn sira Jarl (!) brodir kongs af Franz af enskum monnum. Eduardr kongr fangadi jarl af Ros ok jarl af Munter ok jarl af Gerlotes (!). vard Teitr prior a Modru vollum. vtan stefnt bændum þeim er soru kirkiu eignir.

e v. vigdr Þorir abboti til Þuerær. Katrin abbauis til Reynis nes. kom af helgum domi Magnus jarls til Skalholltz. hofz strid med Bonifacio pafa ok cardinalibus. sætt Noregs kongs ok Dana kongs. vtkuoma Þorlaks logmannz. andadiz Eirekr abboti af Michials klaustri. seen cometa.

d .k andadiz Eirekr Noregs kongr Magnusson .vj. idus julij. Hakon hertugi brodir hans tok þa kongdom i Noregi ok var koronadr a allra heilagra messodag. Hakon hertugi son Magnus kongs er nu vard kongr feck Evfemiam greifa dottur. andadiz Petr byskup af Skaurum ok Tiorfi prestr. Runolfr abboti i Videy ok Biarni abboti af Þingeyrum. þui vottadi Laurencius er vard byskup at .ij. menn hefdi hann þa seet at honum syndiz heilags mannz yfirbragd hafa. Arna byskup Þorlaksson ok Biarna abbota. i framferd Biarna abbota sa menn lios skina til stadarins a Þingeyrum enn klockur sialfar hringduz. vtanferd Arna prestz Helgasonar. Runolfr abboti af Veri hafdi vmbod vm allt Skalholltz byskupsdæmi. vtkuoma herra Sturlu med brefum þeim sem vtan stefndu tylft bonda ok tylft handgeinginna manna. braut Hollta biarna buzu vid Færeyiar ok tynduz .j. manna. vtanferd Snorra Jngimundarsonar. vtkuoma herra Erlendz. herra Eyiolfs Asgrimssonar. herra Jonn logmadr sagdr af nafnbot. bardiz Tattara kongr i Armenia ok i Campus Damasci ok i Egipta landi ok hafdi iafnan sigr ok drap solldan i siduzstu ok fridadi Jorala (!) land.


1300 - 1301


cb .a Cristz ar .m. ece. andadiz Jonn Skota kongr. vigdur Hoskulldr abboti til Þngeyra. elld(l) vpp kuoma hin .v. i Heklu felli med sua miklum fædæmum at fiallit rifnadi sua at siaz mun mega medan Island er bygt. j þeim elldi leku laus biorg stor sem kol a afli sua at af þeira samkuomu vrdu brestir sua storir at heyrdi nordr vm land ok vida annars stadar. Þadan flo vikr sua mikil a bæinn i Næfrhollt at brann þak af husum. vind var af landzsudri sa er bar nordr vm land sand med sua miklu myrkri at engi madr vissi huart var nætt edr dagr vti ne inni medan sandinum dreif a jordina ok huldi sua alla jord med sandi amedal Vatzskardz ok Uxarheidar. annan dag eftir fauk sandrinn sua at menn fætu trautt leid sina i summum stodum. Þessa .ij. daga þordu menn eigi a sio at roa fyrir myrkri. Þetta gerdiz fyrir midsumar ok vard alldri myrkra vm nott vm skamdegi. a þeim tima kom vpp elldr i Sikiley ok brendi vpp .ij. byskupsdæmi. settu natt jola vard landskialfti sua mikill fyrir sunnan land at ofan fell bær i Skardi eystra. þar i kirkiunni var mikill mælmpottr festr vid brunæsinn. hon''um bardi sua vid ræfr kirkiunar af skialftanum at braut pottinn. kistur .ij. stodu i anddyrinu. þeim bardi sua saman af landskialftanum at þær brotnudu i smænn mola. þa vard hallhæri (l) mikit ok fiærfellir. vtkuoma herra Oddz Þoruardar sunar. vtanferd herra Þorlaks. herra Sturlu ok Jons Einarssonar. andadiz herra Bærdr Serksson. þa kom or þyduersku kona su er vera kuez dottir Eireks kongs ok Margretar dottur Alexandri Skotakongs ok kuez selld hafa verit af Ingibiorgu Erlings dottur. fest dottir Eireks kongs Joni jarli Magnussyni or Orkn. skiption vid Færeyiar. letz halfr fiordi tugr mannz. voru lógmenn Þordr ok Þorsteinn. Skip kom i Dyrafiord Gullskorinn. þar kom vt Philippus Lopzson. Suartr Þorleifsson. ok Thomass Snartarson.


1301 - 1303


a n. andadiz herra Snorri Ingimundarson. ok herra Oddr Þoruardarson. Eclipsis lune. seen cometa vm allt Island. þa var brend þessi sama kona er vera quaz dottir Eireks kongs ok halshogginn bondi hennar . vtkuoma herra Ꜳlfs or Kroki med bodskap Hakonar kongs ok herra Sueins langs ok skipadr Skaga fiordur ok herra Kolbeins. þa komu vt .ij. norænir logmenn. herra Lodinn af Backa ok Bærdr Haugnason. fædd jumfru Jngibiorg dottir Hakonar kongs. andadiz Bærdr kanziler. Hernadr Lokuland i Sudr eyium. hann drap Ion fostbrodur sinn ok konu hans ok sonu .ij. ok .xi. skorar af karlmonnum ok .vij. skorar af bornum ok brendi margar bygdir. eru .cccc. i skor. Eduardr Engla kongr striddi a Skotland. Einn rikr hofþingi striddi a sialfa Romam. siþan gerdi hann sætt vid Bonifacium pafa. sua at hann feck systr dottur pafans. enn herra pafi vann þat til fridar heilagri kristni at hann sialfr veitti brudkaup þeira ok lofadi at eta kiot a palmsunnu dag. en fyrirbaud at nockurr madr skylldi slikt gera eptir hans dæmum. vtkuoma herra Jons er verit hafdi logmadr. missætti med Jorundi byskupi (!) ok korsbrædrum i Nidarosi. herra pafi stefndi erkibyskupi a sinn fund. enn hann for eigi leingra enn i Paris. manndaudr enn mikli Fliotum ok i Skaga firdi. Cometa var sen af kaupmonnum i hafi vm Michials messo skeid. syndiz hon þeim meiri ok dockari enn adrar stiornur ok var kleppr nidr ok for huern aftan ófugt fra landnordri til nordrs. fyrir sunnan land var see (!) cometa hælfan mænad nær vetr nottum.

g. n. Eklipsis lune .xix. ꝁ†. februarij. suarit Hakoni kongi land ok þegnar a Islandi. ok iattat logbok i hans valld til vmbotar med rædi allra bezstu manna. andadiz Valldimar Birgisson Suia kongr. Olafr abboti at Helga felli ok herra Visleif af Ry. herra Vidkunnr af Biarkey. vtanferd herra Alfs or Kroki ok herra Sueins langs. herra Lodins af Backa. herra Erlendz ok Bærdar Hognasunar. andadiz herra Eyiolfr Ꜳsgrimsson. ok Gudmundr Sigurdarson ok Snorri Markusson logmenn. heingdr Audunn hesta korn. aftr reka fleyit mikla til Noregs. Jorundr Hola byskup let hefia song at nyiu kirkiu at Modru vollum er hann hafdi gera latid. Oometa var sen i Biorgyn moti langafostu enn i Roma fyrir pascha. Hernadr Karela nordan æ Noreg. Hakon kongr sendi mot þeim Augmund jungadanz med miklu lidi. var Þordr Narfason logmadr.

f s. andadiz herra Þorlakr. Arni byskup i Stafangri ok Jonn prestr Ormsson. vtkuoma herra Erlendz. herra Þordar Hallzsonar. herra Bærdar logmannz. herra Sueins langs. andadiz Bonifacius pafi. ok Eyuindr byskup ok Markus byskup af Maun. Narfi byskup. herra Sturla. Arni byskup Þorlaksson vigdr til Skalholltz. vtanstefnt Jorundi byskupi. Runolfi abbota af Veri. ok herra Þordi. herra Sighuati. morgum odrum handgeingnum monnum ok bændum. brotin kirkia i Hollti vndir Eyia fiollum. vigdr Benedictus pafi ok kalladr enn Bonifacius. andadiz Jonn Helgason. Jonn prestr Ormsson (!). Krakr Thomasson. Loptr Gislason.


1303 - 1305


ed. i. tekinn Bonifacius pafi af monnum cardinalanna ok settr i iarn. vt tekinn siþan af sinum monnum ok andadiz litlu sidarr. teknar af predicorum ok berfættum brædrum allar generales remissiones. Franka kongr ok allt riki hans i banni af pauanum. tekinn jarl af Flændr af Franka kongi ok inn kastadr. tekit vpp herads þing a Islandi. vm Vestfirþinga fiordung ok Nordlendinga fiordung tuo i huorum fiordungi. alþingi ecki vppi haft af þeim luta landz. vtanferd herra Alfs or Kroki. Eduardr Engla kongr vann England (!). Hakon kongr tok Roma skatt af Islandi. Greifi Iacob gaf halft Halland Hakoni kongi. enn kongrin atti ædr halft. Skipa tion ok manna. rak vndan Hornstrondum i miklum stormi næsta dag eftir Petrs messu. Haukr Snorri ok Gudmundr lógmenn hofdu verit allir senn a þingi. ok sagdi sin laug huerr vm skattgialld.

c. i Vigdr Clemens pafi. strid med Suia kongi ok brædrum hans Magusi (!) ok jungherra Eireki. Hakon Noregs kongr for til lidueizlu vid Magnus (!) mæg sinn med .xi. þushundrad manna. enn adr hann kom voru þeir sættir. fundr Noregs kongs ok Suia kongs a Gullbergs heidi ok þar sættuz þeir. Danir dræpu Halluard bæt fyrir Noregs kongi ok .Ix. manna. sætt Noregs kongs ok Dana kongs. vtkuoma herra Erlendz ok herra Sighuatz. andadiz Ormr prestr Dagsson. Gizorr Hafrbiarnarson. tekin aftr varnadarbref a Islandi. Franka kongr let drepa Lokulant. eklipsis lune. kaupmenn þeir er vt letu or Gauta vik vrdu aftr reka ok quoduz set hafa margygi ok hafstramb ok morg skripi onnur. Þeir letu vt siþan litlu fyrir vetr nætr. vigdr Andres dreingr til Videyiar. Gudmundr til Helga fellz. gefnir stadir prestum i Skalholltz byskupsdæmi. Þa kom vt herra Ꜳlfr or Kroki ok var skipadur Nordlendinga fiordungr ok Austfirdinga fiordungr. hann for med sua þungan bodskap at hann beiddi at huerr leikmadr a landinu skylldi gefa kongi alin af hueriu hundradi þui sem menn ætti. margur hafdi hann adrar fæheyrdar beizslur. þa gerdu Nordlendingar at honum faur a Hegranes þingi ok Oddeyrar þ'ingi. þa vard hann sua ræddr at hann vissi varla huar hann skylldi hafa sik. saladiz hann litlu sidar i Dynhaga i Horgardal. var siþan borit at morgum islendzskum monnum i Noregi at þeir hefdi drepit hann. enn þat var þo eigi satt þui hann andadiz or sott. Clemens erchibyskup kosinn til paua.


1305 - 1307


b o. Eduardr Engla kongr let drepa Vilhialm valisok ok brytia i stycki ok senda i alla hofudstadi i Englandi. frost sua mikit i þyduersku landi ok Franz sem verda i Noregi sua at menn geingu af Raudstock til Danmerkr yfir Eyra sund a isi. andadiz herra Jonn Raudsson. moti mællt a alþingi bodskap þeim sem herra Ꜳlfr hafdi vt flutt. vtanferd herra Bærdar Hognasonar logmannz. vtkuoma herra Hauks Erlendzsonar logmannz. ok herra Sueins langs. haf iss fyrir nordan land nær allt sumar. fimtæn alna þyckr iss yfir Eyra sund. skirdir sendibodar Tattara kongs i Roma. skip þat er vt let at Gæsum tyndiz nordr fyrir Melracka slettu ok komz engi madr af. andadiz Biarni prestr Helgason. ok Snorri Sturluson. ætladi Clemens pafi vt yfir hafit at skira Tattara kong. braut skip a Eyrum. kom vt Jonn murti. andadiz Runolfr abboti i Veri ok herra Jonn logmadr. kynia sott for vm allt land. Giszor galli vo þann mann er Hauskulldr het.

a f. komu vt sendibodar erchibyskups brodir Biorn ok sira Lafrans at visitera huartueggia byskups dæmi Skalholltz ok Hola ok samdi þeim vel Arna byskup. enn greinir vrdu i medal Jorundar byskups ok Lafrans. andadiz Eduardr kongr i Englandi. herra Eduardr vngi son hans vard kongr eftir hann ok feck dottur Philippi Franka kongs. fæddr sira Einar Haflidason. vtkuoma herra Bærdar med kongs brefum ok rettar botum. vigdr Lodmundr abboti til Þyckuabæiar i Veri. fæddr Þorleifur Suarts son.


1308 - 1310


gf e. andadiz Gudmundr abboti at Helgafelli. Þa var kosinn til abbota brodir Þordr af Videy ok var vigdr næsta drottinsdag eftir Michials messo. a þeim degi var ok vigd kirkia at Helgafelli. vtanferd sendibodanna brodur Biarnar ok sira Lafranz ok herra Bærdar Hognasonar ok herra Hauks Erlendzsonar. ok Gizorar galla. herra Arni byskup ok herra Haukr settu lærdra manna spital i Gaulueria bæ i Floa. vtan stefnt Jorundi byskupi at Holum af erkibyskupi ok sira Lafranz. Dana kongr heriadi i Suiþiod. landz skialfti fyrir sunnan land ok felIu nidr xviij bęir enn . vi. menn do. Risu Lidungar moti Suium. Suiar drapu af þeim a þridia tigi. Lafranz hafdi tekid saung af klaustrinu at Munkaþuera a paschum. heybruni mikill i Skalhollti. Arni byskup gerdi vigslur vm haustid i Huammi. andadiz Þordr Narfason.

e k. Brann kirkia i Skalhollti fyrir Pm.ls messo af loptelldi ok husbunadr stadarins nær allr bækr ok kantara kapur. kalekum vard borgit flestum ok hóklum. episcopalia brunnu. skrini ens heilaga Thorlaks vard borgit med helgum dom hans. þotti þat flestum vndr a huersu litilli stundu kirkian brann. þa var farit vm alIt Island at bidia til kirkiugerdar. geingu menn þar all vel vndir. vig herra Kolbeins Biarnasonar er Karlamagnus Magnusson Andressonar vó fyrir þa sok at hann hefdi lætid kueda flim vm hann. enn herra Kolbeinn duldi ok baud vndan færzlu. vtanferd Arna byskups. strid med Hakoni Noregs kongi ok Eireki hertuga mags efni hans. Þa vard Gizur galli hirdmadr Hakonar kongs. Drepsott en mikla fyrir nordan land. andadiz Hauskulldr abboti at Þingeyrum. andadiz Jorundr erchibyskup enn kiorinn Eylifr korti til erkibyskup. vig Fliotabiarnar. var inn kastad sira Lafranz ok "fluttr i fiotrum aptr til Islandz okleiddi þat til af missætti þeira Jorundar byskups ok einkannliga af þui er hann hellt med Jorundi erchibyskupi þa er voru deilur þeira korsbrædra. Drepinn Augmundr jungidanz. ofridr i Noregi af Suium. andadiz Gamli prestr at Hauskulldz stodum margir prestar ok leikmenn. Hual rettr mikill. for Þordr byskup af Grænlandi.


1310 - 1313


d k. Cristz ar m. ece. x. vtkuama Arna byskups med kirkiu vid ok margar gessimar adrar er Hakon kongr ok drottningin ok adrir enir bezstu menn i Noregi hofdu gefit til stadarins i Skalhollti. sua at þat er allra manna mæI at engi byskup hefdi meiri sæmdar ferd farit til Noregs enn hann sidan Island vard cristid. vtkuoma herra Bardar Haugna sunar. ok Jons Erlendzsonar. vig Orms steypis. ok þeira Karlamagnus ok Þorsteins Finnbogasunar. andlat sira Grims vnga. kom til Islandz bref Clementis pafa i hueriu þat stod at menn skylldu leggia peninga sina til frelsis Iorsala landi ok gefnar miklar afgiftir þeim aullum er til villdi leggia. þui at solldan af Babilon hafdi heriat i Kiprum ok Armeniam. vtkuoma herra Sueins langs. bolnasott sua mikil at menn funudu isundr. vigdr Gudmundr abboti til Þingeyra. Hakon kongr hafdi leidangr vti eftir jol ok for moti Eireki hertuga þui hann brendi Vikina. þar fell Þorir pinghofdi. Hakon kongr sendi Gizor galla a Finnmork eftir skatti er ecki hafdi feingiz vm morg ær. med honum for Valtirr Þretta pæls brodir.

c. b. landz skialfti eftir jol. ausku fall vida vm land. næstu nætt fyrir Pælsmesso. sa menn lios mikit a himni nær alla nætt vm nordrætt milli vestrs ok landsudrs ok tok meirr vpp enn a midiann himin. Þetta lios var sua mikit at menn sa i husum inni sem þa er miok er liost af degi. kennimanna fundr i Franz i Vihennia. andadiz Thomas Krakson. vpphaf kirkiu smidar ennar miklu i Skalhollti. Gizor galli kom aftr af Finnmork med skatt Hakonar kongs.

ba f. komu sendibodar herra pafa til Noregs. andadiz Euphemia drottning. herra Christiphorus. herra Þordr. herra Loptr. Þerri leysu sumar. kom vt herra Juar holmr. Gizor galli. vard vti mart manna.

g .f andadiz J orundr byskup at Holum Brigdar messo. efldi hann klaustr at Stad ok Modru vollum ok let vpp gera kirkiu heima at Holum ok þryda med klockum ok skruda. for vtan med erendum Hola kirkiu sira Þorsteinn ok Sniolfr prestr. var vigdr Audun Þorbergsson byskup til Hola. var hann adr kanunkr i Nidarosi. feck Gizor galli Þuridar Ogmundardottar Þordarsonar or Bæ. var Gizor særdr vm sumarit a Gæseyri. var at þui herra Vlfr af Dunga ok ij. skipshafnir. la hann .xij. manadi i særum ok vard alheill. hallæri mikit a Islandi. Þetta sumar kom Marteinn Finna kongr til Hakonar kongs.


1313 - 1316


f s. vtkuoma Audunar byskups ok herra Ketils. ok þa komu vt bref vm pafa tiundir. andadiz Clemens pafi. andadiz Arni byskup af Biorgyn. andadiz Þordr Grænlendinga byskup. andadiz herra Biarni Erlingsson. ok Philippus Franka kongr. suikinn keisarinn a pascha daginn med þeim hætti. at þa er hann hafdi tekit corpus domini. þa var borit eitr i kalekinn er hann drack af ok þar af feck hann bana. for Arni byskup til Grænlandz. Audun byskup let taka vpp bein Gudmundar byskups .vi. ꝁ†. nouembris. vard Iohannes pafi .xx. ok ij. andadiz Jngialldr byskup af Hamri. vigdr Einar Haflidason krunu vigslu.

c c. kirkiu bruni a Stad a Reykia nesi. laugtekit nymæla bref a alþingi. þat sem herra Ketill hafdi vt. þurku sumar. missætti vard millum Audunar byskups ok sira Kodrans. susperandi byskup hann ab officio et beneflcio enn Kodran appellauit til erchibyskups. var ok Sniolfr i sliku. vann hann þat til sættar at hann þa Greniadarstad. let Audun byskup sueria ser eida nær alla presta. giordiz ok missætti millum Gudmundar abbota ok brædra af' Þingeyrum af annarri alfu. enn Andunar byskups af annarri vm tiunda mæl. var sira Lafranz at Þingeyrum ok heilt allt med brædrum. vigdr sira Eigill Eyiolfsson til prestz. vtanferd Gizors galla. komu sendimenn af Armenia til Hakonar kongs. herra Ketill kom vt i Dyraflrdi. jarteinagiord fyrir aheit ok arnadar ord jumfru Marie. fæddr Arni Þordarson.

dc .b herra Eirekr Sueinbiarnar son kom vt i Huitæ. fæddr Eirekr dotturson Eireks kon.gs. fæddr Magnus minni skiolldr dotturson Hakonar kongs. Drepnir margir menn a Halogalandi af Ruzsum. vtkuoma herra Gudmundar or Hlid. hofdu gerst florir ok xx. riddarar a einum degi i Noregi. brann kirkia ok klaustr a Modru vollum i Horgardal .ij. nættum eftir krossmesso vm haustid. gerr timbrstofa at Holum. vt kuoma herra Grims. Brann klaustr i Nidarholmi. af settr Þorir abbota dæmi at Munkapueræ. var sira Eigill at Holum scola meistari enn Einar klerkr Haflidason lærdiz hia honum. Giordizst Lafranz professus monachus ad Þingeyrum jn capite jeiunij. ok hans son Ꜳrni. appeleradi Gudmundr abboti adr vm vetrinn til erchibyskups. var þa enn mesti agi i meda (!) Þingeyramanna ok herra byskups. sigldi Gudmundr abboti vm sumarit. ok var i Noregi tua uetr. læstu brædr klaustr fyrir byskupi ok sua kor at hann nædi ecki vid brædr at tala. var brodir Biorn prior. feck byskup at kalla mat af stadnum ok hans menn.


1316 - 1319


b. o. vtanferd Þorir (!) abbota. andadiz Ketill byskup af Stafangri og orir byskupsson. hafdi Hakon kongr vti leidangr ok for til Suia rikis. Þar fellu hertugaarnir badir Eirekr ok Valldemar. enn vm haustid er kongr for burt fraus inni eitt skip hans er styrdi herra Giardar. Suiar logdu at þeim enn þeir vorduz vel. þa var Gizorr galli skotinn i gegnum aflvoduann a vinstra armlegg med spioti. þa var þeim heitit gridum ok fangadir sidan allir ok hognir nema Giardar ok Gizor. þeim var inn kastat i ymbrodógum vm haustid ok i iarn settir. litlu sidar var herra Giardar hogginn enn Gizor sat eptir til pascha. fall Nicholas ok Gregorius sona Jacobs greifa.

a. o. vtanstefnt bædum byskupum a Islandi ok herra Ketli ok logmonnum bædum .vj. handgeingnum monnum ok vj. bændum. tok logsogn herra Grimr Þorsteinsson ok Erl. H. son. braut staupul ok mikit af kirkiu i Skalhollti a Þorlaksmesso dag fyrir jol. vtleystr Gizor galli af turninum i Suia riki laugardag fyrir pascha ok kom aftr Noreg á fuud Hakonar kongs.

g t. andadiz Hakon kongr Magnusson atta idus maij. Birgir brosa[1] kongr i Suiþiod suellti inni .ij. brædr sina til bana. Eirek hertuga ok Valldemar mæga Hakonar kongs. Eirekr langa hertugi atti Jngibiorgu dottur Hakonar kongs er sidann var kollud hertuginna. þeira son var jungherra Magnus. andadiz Haflidi prestr Steinsson af Breidabolstad. hann hafdi verit hirdprestr Eireks kongs. Þa (!) bar þa er hann var med honum at Margret dottir Eireks kongs at þui er hon vottadi sialf siþan adr hon var brend i Nord-nési. at þa er ek var sagdi hon þetta sama port ofan flutt ok mik skylldi flytia til Skotlandz var þa hia postula kirkiu einn islendkr (!) prestr er Haflidi het hia faudur minum Eireki kongi ok þa er klerka þraut saunginn hof sira Haflidi vpp. veni creator. ok þann ymna sungu þeir vt sua sem ek var a skip borin. Þetta sama sannadi sira Haflidi þa er honum var sagt at su sama Margret var brend i Noregi. vtan ferd Arna byskups. vtan ferd herra Ketils. Snorra logmannz. veginn Jonn i Bolungar vik.


1319 - 1324


fe .k Cristz ar m. ccc. xx. andadiz Arni byskup Helgason atta ꝁ†. februarij. kiorinn til byskups i Skalhollt Ormr Þorsteinsson. tekinn til kongs Magnus Eireksson dotturson Hakonar kongs yfir Noreg Suia riki ok Gotland. vtkuoma herra Ketils. ok Snorra logmannz. var suarit Magnusi kongi land. kirkiu braut i Steinvm. isa vor. braut skipit Skankann fyrir austfiordum. var þar a Þorir abboti ok sira Sniolfr. komuz allir menn lifs æ land. for Audun byskup vtan. vppi Þorskafiardar þing. andadiz Jonn murti Eigilsson. ok Hafþorr Jonsson. vtkuoma Gudmundar abbota at Þingeyrum. braut Grandabuzsu fyrir Melracha slettu. druknudu þar af .iij. menn. andadiz Ormr electus Þorsteinsson.

d. k. andadiz Ormr Steinsson. vigdr til Skælholltz Skutu grimr. kom huita biorn mikill af isum nordr a Stróndum ok drap . viij. menn i Heliar vik ok reif alla i sundr enn æt summa. hann var drepinn a Vitalis messo. andadiz Grimr byskup. oæran mikit æ Islandi ok do menn vida af sulti. kiorinn Jonn Halldorsson.

c .b andadiz Hakon byskup af Stafangri ok Helgi byskup. vigdr Jonn Halldorsson til byskups i Skalhollt. enn Salomon til Osloar. Eirekr til Stafangrs. andadiz Audun byskup. vtanferd Þoris abbota ok sira Snævlfs a Laxabolla. vtkuoma sira Eigils med kosnengs bref brodur Lafranz.

b g kom vt Jonn byskup Freygerdarson. vtan ferd Lafranz electi. andadiz Þorir abboti. vetr allhardr ok sua vær. batnadi at Jons messo Hola byskups. braut Krafsinn er Lafranz varæ vid Halogaland. sat hann hia erchibyskupi.

ag .f vigdr Laurencius Kalfsson til byskups at Holum. kom vt þat sumar. tekin af Þordi abbota stett fra Helgafelli. enn vigdr Þorsteinn Þorualldzson til abbota. andadiz herra Sæbiorn ok Juar nef. fæddr Hakon Gizorarson.


1324 - 1327


f s. tekinn abbota stett af Andresi i Videy enn vigdr Helgi Sigurdarson til abbota. kiorinn Bergr abboti til Munka þuerár. lógtekit festum corporis Christi a alþingi. gerdu þeir Laurencius byskup ok Gudmundr abboti pactum vm' tiunda mæl sua at Huammr i Vatzdal skylldi ęuenliga liggia vndir Þingeyra klaustr.

e c. kom ecki skip til Islandz enn .vij. sigldu i burt. at paschum tok Markarfliot vpp sua þat tok eigi i kne vm stund dags. þa tok kirkiu or stad a Breidabolstad i Fliotzhlid ok sakadi ecki. vin fætt i Skalholltz byskups dæmi. sua at lagdr var messosaungr i summum staudum. laugtekin Magnus messa enn lofat at vinna .v. daga vm jol. ok gefit leyfi miduiku daga fyrir jola fostu ok langa fostu. Knutr possi fastnadi frv hertuginnu. vtkuoma brodur Jngimundar Skutusonar med bodskap Eylifs erchibyskups. voru þeir herra Jonn Halldorsson ok Þorlakr abboti skipadir domendr at dæma milli þeira Laurentij byskups ok brædra a Modru vollum. ridu þeir nordr ok voru Olafsmesso fyrri a Modru vollum ok gerdu pactum milli Hola kirkiu ok Modru vallar klostrs. voru þeir ath Holum Olafs voku sidarri. var þat pactum at brædr a Modru vollum ok klaustrid skylldi vndir valldi Hola byskups.

d .c Do suartfygli sua mart[2] vestfiordu at eydd voru fuglberg vm sumarit. Reistuz brædr a Modru vollum vpp vhlydni ok villdu riufa fyrri giord Jons byskups ok Þorlaks abbota. reid Jon byskup ok Þorlakr abboti enn vm sumarit nordr ok letu stefna Laurencium byskup til Modru valla. kom hann þa eigi ifyrst. þui hann sagdi þa ent hafa sitt valld fyrra pacto gerfu. foru þeir sua hart at Lafranze byskupi at buit var vid at þeir mundi suspendera hann. enn Laurencius byskup gerdi pro bono pacis at þat pactum var þa gi ort at brædr a Modru vollum skylldu stiorna gozi a Modru vollum. sendi Laurencius byskup sira Eigil Eyiolfsson til Noregs med brefum a archibyskups fund. for hann vtan a Gæseyri. Jon byskup sendi sira Arngrim sinna vegna. vard su lykt a mælum þeira at med vitrleik sinum vann sira Eigill aull Maudru valla mæI. kom þar til gifta hans ok klerkdomr Laurenci byskups.


1327 - 1331


cb o. Brann Cristz kirkia i Þrandheimi. vpp hafit klaustr a Modru vollum. andadiz Þorsteinn abboti at Helgafelli. kiorinn til abbota Þorkell Einarsson. vard eclipsis sole (!) vida vm Island. vtkuoma sira Eigils a Eyrum ok færdi Laurencio byskupi þau bref er þat vottudu at vndir Holabyskups valldi skylldi vera klaustrid a Modru vollum. Eylifr erchibyskup send i Laurencio byskupi mitram þa sem bezst er a Holum.

a .o Snorri logmadr let skera. vegbónd a alþingi isundr. sæz margygr af landi sudr fyrir Nesium. strid medal Knutz possa ok herra Juars rófa. fothoggin Asbiorn teddi ass. kom vt liknesci Gudmundar byskups ok heim til Hola. Laurencius byskup let smidat .ij. texta ok kalek. vigdr til prestz Þorsteinn Hallzson. gert Laurencius skrin at Holum. vtkuoma sira Arngrims med organum.

g t. Cristz ær m. ccc. xxx. andadiz Laurencius byskup. hann dreymdi ædr litlu at hann þottiz hallda aheilags mannz beini. hann gaf risa[3] Egli vigslu gull sitt er i voru helgir domar Ions byskups. þa kom huita daga hrid vm allt land i fardogum. þa vard hinn mesti fiærfellir. vtanferd sira Eigils. vigdr Einar Haflidason til prestz. gras leysu sumar. komu bref pafa til Jons byskups hann bad ser peninga moti Romverium. tekin logsogn af Snorra Narfasyni. andadiz Audfinnr byskup af Biorgyn. sira Finnr af postola kirkiu. ok Knutr possi. herra Grimr tok lógsogn i Stafhollti. vtkoma herra Hauks. Kiorinn Hakon til byskups. manntapi i Grimsey. Gisli Philippusson veitti breudkaupit et fiolmenna i Haga. Katrinar systur sinnar. þar var Jonn byskup Halldorsson. herra Ketill. herra Eirekr. Snorri logmadr.

f l. Manntapi or Vestmanna eyium. fimtigir karla ok .iij. konur .iij. born. secundo nonas martij. Morduig Torræds Þormodar sonar. vig Porualldz Hauskulldzsonar. hallæri mikit vm allt land. herra Eirekr vard aftr reka i Crossbuzunni. sira Benedikt særdr ok la i reckiu leingi vetrar. kom skip i Dyrafiord ok annat i Skutilsfiord. vigdr herra Eigill byskup til Hola in festo sancte trinitatis af herra Hakoni byskupi i Biorgvin þui Eilifr erkibyskup var ei til færr sakir krankleika ok vtkuoma hans. Þorsteinn Illhugason þæ Greniadarstad.


1331 - 1335


ed .k andadiz Snorri Narfason .vij. idus martij. vtanferd herra Ketils ok herra Eireks. andadiz Eylifr erchibyskup .iiij. nonas nouembris. sæz elldr i austri nær vm allt Island .ij. nættum fyrir Barbaru messo. bęiarbruni i Biorgyn. Ræntir kaupmenn i Sudr eyium ok tekit af þeim skip þat er Gullsudin het. enn Glodin kom til Noregs ok voru þeir þo ræntir er þar voru æ. Druknan Sturlu Snorrasonar. a þessu ari drap Þorleifr Þorbiorn prest Michials messo dag þa er hann var skryddr ok stod fyrir alltari. siþan lagdi þessi Þorleifr sialfan sik med knifi til bana i kirkiunni. Einarr prestr Haflidason þa Hoskulldzstadi.

c p andadiz sira Benedict Solmundarson .x. ꝁ†. nouembris. Meistari Pæll archielectus for or landi a pafa gard. herra Erlingr[4] ok Hafþorissynir ok Vifr Saxason helldu Tunsbergshus fyrir Magnusi kongi ok geingu siþan a kongs valld enn kongrinn gaf þeim bædi lif ok eignir sinar enn Vlfr kom ecki a kongs fund ok rymdi or landi. kom vt herra Eirekr med tipum er Iohannes pafi hafdi dictat ok kom þat eitt skip til Islandz. ij. ærum fyrr var bęiar bruni i Biorgyn.

b g vtanferd Jons byskups. andadiz sira Biarni Olafsson. herra Haukr Erlendarson. vtkuoma sira Vigfusar med brefum af pafa gardi er nuncius pafa hafdi til Noregs. ok voru byskupar bædir Jonn ok Eigill stefndir til Noregs vm reikning pafa tiundar. for Jonn byskup vtan enn sira OIafr til ætladr Hola kirkiu vegna ok vard hann strandar glopr. andadiz Þorsteinn prestr Illhugason. var Olafi presti gefinn Greniadarstadr.

a. g. krafinn vt fiordungr kirkiu tiunda eftir brefi herra Jons byskups. vtkuoma herra Jons byskups. Magnus kongr feck Blancie drottningar. vtan ferd herra Eigils byskups. særdr sira Asgrimr prestr i Vatzfirdi i kirkiu gardi af Þorarni Eirekssyni pentur. sira Sniolfr var med Hakone byskupi i Biorgyn. hafdi hann vmbod nuncij pafa at taka reikning af byskupum a Islandi ok for til Islandz vm sumarit.


1335 - 1339


gf l. herra Magnus kongr krunadr i Suia riki æn erchibyskups rædi ok annarra valldzmanna i Noregi. heyrdizst stynr mikill i skala i Kirkiu bæ sua sem til siuks mannz af allri alþydu miok optliga leingi sumars enn ecki fanz til nylundu þo leitad væri. a þui sumri kom vatzhrid mikil sua at ross naut ok saudfe do af a Rangar vollum ok vm Skalholltz sueit sua at hundrudum skipti af serhueriu a tueimr dægrum. þann vetr eftir jol kom snioln'id sua mikil at marga bæi i sueitum lagdi vndir. sua fellu ok hus nidr fyrir sunnan land ok margir fengu storskada. frv Blannz hon var dottir hertuga af Flændr ok brodurdottir kongs af Franz. Arni abboti af Lysu var halshogginn vid England ok oIl hans skipshofn. Eigill byskup sat i Þrandheimi annan vetr þui honum gaf eigi i burt vm sumarit.

e. l. komu .v. menn af Noregi er ætludu til Skotlandz austr vid Stafafell æ. .xx. alna longu skipi. voru þeir komnir miok at þrotum ok foru samsumars til Noregs. vtkuoma Eigils byskups a Eyrum. hliop griot skrida æ bæ nordr i Myrkær dal. letuz .vij. menn. komu .iij. skip miok snemma a Eyrar. leet eitt jnn i hofn þegar. enn .ij. rak vpp a Skeidi fyrir vestan Olfausæ. komuz menn til landz spiltiz fiarhlutr enn tyndizst mikill. Manntapi or Flatey a Breidafirdi. letuz .xj. menn .v. nonas octobris.

d c. vtan ferd herra Jonns Halldorssonar byskups. ok herra Ketils. tyndizst Þrænda skip nordr i Vogum med allri ahaufn vtan menn er komuz med bæti æ haf vt ok vrdu þeir fundnir af kaupmonnum ok fluttir hingat til landz. vnninn risi nordr a Morkum .xv. alna hærr af vikuerskum manni er Halldorr het ok odrum .iij. hans kumpanum ok hetu allir sudrgongu til lifs ser ok æ hinn heilaga Olaf kong. Gudmundr abboti at Þingeyrum lagdi abbota stett.


1339 - 1340


c h. andadiz herra Jonn byskup af Skalhollti in purificatione beate virginis. kiorinn Jonn Eindridason abboti af Seliu. hliop skrida a bæ i Kios er a Tindzstodum het in festo Agathe. letuz .ix. menn. kom landz skialfti sua mikill fyrir sunnan land .x. ꝁ †. junij. at monnum ok fenadi kastadi til iardar sua at onyttizst. hus fellu mest vm Skeid ok Floa ok Hollta manna repp ok vidaz hitt nedrra milli Þiors ær ok eystri Rang ær. enn fioldi bæia fellu allir til jardar edr tok hus or stad. letuz nockur born ok gamal menni. jordin rifnadi vida til vndirdiupa vpp sprettandi heitt vatn ok kallt. hraupudu fioll enn hamrar sprungu vida isundr. vthuerfdizst Hollt i Hollta manna repp ok færdi or stad. eclipsis solis in translacione Thome archiepiscopi. sæzst stiarna a himni vm hædegis skeid. þann sama aptan syndiz ollum monnum i Steinum vndir Eyiafiollum alblodugt allt vti þat er fyrir augu bar til þess er menn logduz til suefns. Þessi syn likt bar ok fyrir Suein Þordarson ok Magnus Steinmodsson þann sama aftan a Kolbeinsstodum i Borgar firdi. vigdr herra Jonn secundus byskup til Skalholltz in festo Jacobi ok let i haf hinn næsta dag eftir ok kom vt i Hualfirdi in vigilia Bartholomei enn heim i Skalhollt nesta dag eftir festum decollationis baptiste. andadiz Arni Olafsson af Leiru backa ok Eyiolfr Brandzson gammr. hann andadiz i hafi nær Hialltlandi ok var fluttr hingat til landz ok grafinn i Skalhollti. sundrþycki medal Magnus kongs ok valldz manna i Noregi. lagin þingstefna austr i Vik a Baghhusi fra Mariu messo sidarri ok til Michials messo. kom vpp huerr i Heingla fiollum .x. fadma huern veg ok var þar ædr slett jord. andadiz Gudmundr abboti. hann sæladiz at Munkaþueræ ok var fluttr nordan til Þingeyra. hyggia margir hann vera helgann mann. vrdu ok margir merkiligir fyrirburdir i hans likferd.

ba .g Cristz ær m. ece. lx. Skipadr Biorn abboti til Þingeyra. andadiz Kolbeinn Þorfinnzson ræz madr at Holum. enn sira Einar Haflidason tok radin. vetr sua godr fyrir sunnan land at menn mundu trautt þuilikann. funduz egg vndan fuglum i Floa nær midri goi a ausku dag ok optliga siþan æ einmænadi. smz .ij. tungl a himni af morgum monnum i Gaulueria bæ a Gregorius messo aftan. annat eftir þui sem von var i landzsudri. enn annat i landnordri.


1341 - 1343


g t. andadiz herra Jonn byskup Eindridason. a Gudmundar dag. veginn Styrkær i Nesi vppstigningar dag af Sigurdi Gyridar syni. elldz vppkuoma i Heklu felli .vj. drottins dagin næsta eptir. med sua miklum fædæmum ok ausku falli at eyduz margar sueitir þar i nændir ok myrkr sua mikit enn fyrsta dag vti sem þa er suartazst er i husum a hævetri vm nætr. dunur vm allt land sem hiæ væri auskufall vm Borgar fiord ok Skaga sua ad fenadr fell af ok hueruetna þar i milli. menn foru til fiallzins þar sem vpp varpit var ok heyrdiz þeim sem biargi storu væri kastat innan vm fiallit. þeim synduzst fuglar fliuga i elldinum bædi smair ok storir med ymsum lætum. hugdu menn vera sælir. huitasalt sua mikit læ þar vm huerfis opnuna at klyfia mætti hesta af ok brennu steini. vj. skip i Hualfirdi ædur vt letu .iiij. andadiz herra Egill byskup Eyiolfsson at Holum. byskups laust landit. vtkuoma Aslaks korsbrodur af Nidarosi sendr af Pæli erchibyskupi at visitera allt Island. þa kom vt Botolfr Andresson skipadr af konginum hirdstiori vm allt Island. andadiz Benedictus pafi secundus. vetr godr. vtanfel'd brodur Jons Sigurdarsonar.

f l. andadiz herra Eirekr Sueinbiarnarson ok herra Ketill Thorlaksson. Þorkell dunk. sira. Jon Kollsueinsson ok Rafn Jonsson af Glaumbæ druknadi hann i Piorsæ. braut skip a Langa nesi. lifdu menn. annat braut fyrir Gauta vik fluttir af .ij. menn ok bætz farmr. enn skipit rak vmhuerfis Island. aflimadr Arnor Þordarson hægra hendi ok vinstra footi austr vid Selialandz foss. af radum Þorsteins Nichulassonar gunnhylltings enn tilskipan Jons Hallzsonar. eklipsis lune. vig Þorsteins gunnhylltings. brudkaup Botholfs ok Steinunar Rafns dottur i Glaumbæ gert med miklum metnadi. til bodit monnum vm allt Island. vetanferd sira Aslæks. vigdr Klemens pafi.

e .d vigdr Ormr byskup Aslæksson til Hola Jonn byskup Sigurdarson til Skællholltz. Þorsteinn byskup til Biorgyniar. Guthormir byskup til Stafangrs. Jonn byskup skalla (!) til Grænlandz ok lifdi Ꜳrni byskup a Grænlandi. at ovitanda Pæli erchibyskupi. vt kuoma Orms byskups. braut skipit vid Þiorsær sand. druknadu af .xviij. menn.


1343 - 1346


vtkuoma Jons byskups austr i Reydar firdi. braut skip er æ[5] Snorri fotr. druknadi hann ok .v. menn adrir. braut Lysu buzsuna i pollinum a Eyrum. lesti Postula sudina ok vard aftr reka a Seleyri. J Grinda vik sponbraut Augualldznes buzsuna. do af .ij. menn. braut Katrinarsudina vid Nyia hraun. brend systir ein i Kirkiubæ er Kristin het er gefiz hafdi pukanum med brefi. hon hafdi ok misfarit med guds likama ok kastad aftr vm nædahustre lægiz med morgum leikmonnum. Jonn byskup fangadi Arngrim Eystein ok Magnus brædr i Þyckua bæ fyrir þat er þeir hofdu bart a Þorlaki abbota sinum. þeir vrdu ok opinberir at saurlifi sumir at barn eign. var Arngrimr settr i tæ iarn enn Eysteinn i hals iarn. Hola byskup fangadi .iij. brædr a Modru vollum ok iarnadi fyrir þær sakir hann gaf þeim. andadiz Finnr Augmundarson. sira Jonn Kodransson. Snorri dalr. frv Vilborg ok Þordis Marteins dottir.

dc p. Sira Einar Haflidason feck Breidabolsad. vigdr Eirekr abboti til Þingeyra. giorduz byskupar hardir vid lærda ok leika a Islandi. Brattr feck Odnyiar ok þotti þat tidendi at herra Ormr lagdi mikla peninga vt af Holastad med honum fatækum ok veitti brudkaup hans heima at Holum med miklum kosti. Veginn Þretta pall i Dolum vestr. sidan vm vorit vogu synir Pæls i Langa vatz dal þa sem þeir kendu at vist vm vig fodur sins het Halldor, huortueggi. Jonn byskup vigdi hælf kirkiu i Aluidru.

b g Veginn Helgi Halldorsson ad Melum. v. skip komu af hafi i Hualfiord enn et setta braut i Kuigu vogum. vtan ferd Orms byskups. sira Einars Haflidasonar. sira Runolfs. sucku nidr margir bæir i Orka dal af vatna voxtum.

a l. andadiz Pæl erchibyskup i Nidarosi enn kiorinn Ꜳrni vædi. strid med Franka kongi ok Engla kongi. kom Fracka kongr a flotta ok fellu af honum .iij. kongar ok .ij. hofþingiar ok .xl. þeira manna er eingi var minni at nafnbot enn iarl edr byskup. vtkuoma Orms byskups ok Einars Haflida sonar ok braut skipit Rosinbergina vid Melracka slettu i spon ok tyndiz fiær lutr miok allr enn menn helldluzst. Drozseta buzsan i Hualfirdi. kom vt HoIti bondi Þorgrimsson. medr hirdstiorn yfir ollu landinu. Druknun Boduars Bærdarsonar med si num monnum.


1346 - 1349


g m vtan ferd Jons byskups ok Orms byskups i Hualfirdi a einu skipi ok byskups laust a landinu. xiij. skip komu af Noregi til lslandz ok braut .ij. letuz .xxx. manna af odru. enn vij. skip voru fyrir. þa kom skip af Grænlandi þat er sott hafdi til Marklandz ok attian menn æ þa var eitt skip ok xx. a Islandi vm vetrin. byskupar a Islandi gerduzst sua hardir vid landz folkit sua at landz folkit þottizst varla mega vndir bua. hofdu Nordlendingar samtok moti Ormi byskupi leikmenn at þeir villdu hafa fornann vana. bædir byskupar foru vtan a einu skipi i Hualfirdi. Jtem bolna sott mikil vm allt land ok andadiz fiolldi folk (!). Ꜳrni vadi vigdr til erchibyskups i Nidarærosi (!) a pafa gardi ok kom aptr i Noreg med pallium. vtanferd Snorra Ketilssonar. ok andadiz a sudr vegum. andadiz Jngimundr Eyuindarson. Valgerdr Þordar dottir.

fe .l Þriu skip letu vt æ Gæsum eitt sigldi vp a Gæseyri. annat kom til Noregs. þridia tyndizst. vtkoma Jons byskups Sigurdarsonar med brefum Orms byskups ok Eirekr prestr Þorsteinsson. ok settu þing at Holum. kom þar saman bænda fioldi[6] af Nordlendinga fiordungi ok villdu med engu moti vndir Jon byskup leggia ok ecki sættaz vid Orm byskup. Jon byskup reid sudr Kiol ok tok sott þegar hann kom heim ok læ framan til Magnus messo. ok andadiz sidan. frosta vetr sua mikill a Islandi at fraus sioinn vmbergis landit sua at rida mætti vmbergis af hueriu andnesi vm alla fiordu. fell snior mikill. grasleysu sumar. andadiz Hollti hirdstiori ok hormudu þat fair ok Rannueg Gestz dottir.

d c. J þenna tima kom drepsott sua mikil vm alla nordr halfuna at alldri kom slik fyrri siþan londin bygduz. fyrst kom sottin vpp i Babilone a Serklandi vt i Affrica. sidan for hon higat i Iorsala borg ok eyddi næliga borgina. Þadan for hon nordr yfir Jorsalahaf ok vm alla Romaniam ok sua nordr eftir londum ok vm pafa gard ok eyddi allt næliga.


1349 - 1350


vigdi paflnn æna Rodanum. voru þar vt æ kastadir daudir menn. Gaf pafi þat af guds haIfu at þat skylldi þeira kirkiugardr þui ei mætti iarda folkit fyrir mannfæd ok sott. siþan for hon vm Franka riki ok vm Saxland ok sua til Englandz ok eyddi næliga allt England ok þat til marks at ei lifdi meirr eftir i borginni Lundunum enn .xiiij. menn. j þann tid sigldi kuggr einn af Englandi ok var a mart folk ok lagdi inn vid Biorgyniar vog ok var litt ruddr. sidan andadiz folkit allt af skipinu. enn þegar vpp kom gozit i byinn a (!) skipinu þa do þegar beiarfolkit. þa for sottin vm allann Noreg ok eyddi sua at eigi lifdi eftir einn þridiungr folksins i landinu. Englandz kvggr sauck nidr med nær ollu gozinu ok daudum monnum ok vard eigi ruddr. fleiri skip ok buzsur sucku nidr ok rak vids vegar. en sama sott for vm Hialltland Orkneyiar Sudreyiar ok Færeyiar. þat var kyn sottarinnar a (!) menn lifdu eigi meirr enn eitt dægr edr .ij. med hordum stinga. eftir þat setti at blodspyiu ok for þar aundin med. af þessi sott sæladizst Ꜳrni erchibyskup ok allir korsbrædr i Nidarosi vtan einn lifdi eftir er Lodinn het. ok hann gerdi electionem kiosandi Olaf abbota af Holmi til erchibyskups. þa alldadiz Þorsteinn byskup af Biorgyn ok Guthormir byskup af Stafangri ok Halluardr byskup af Hamri. Þessi sott kom eigi til Islandz. letti med þeim hætti af drepsottinni at Clemens pafi het at syngia skylldi messu þa er hann hafdi componat flm sinnum ok standa a knæm med liosi. nockuru sidar andadiz Clemens pafi. vigdr Gyrdr Juarsson til byskups i Skalhollti. herra Gilsbrikt til Biorgyniar af Salomone i Oslo. enn þeir voru astantes Ormr ok herra Jon skalli. þui at þeir einir byskupar lifdu i N oregi.

c h. Cristz ær m. ece. l. vigdr Johannes pafi. kom Magnus kongr ok drottning Blanz til Biorgyniar gaf hann Eireki syni sinum Suia riki enn Hakoni Noreg ok setti þa i konga sæti ok skipadi þeim hird enn siaIfum ser ætladi hann til rikis Halogaland Island Færeyiar ok Hialltland. elldz vpp kuoma i Hnappafells joki (!) ok myrkr sua mikit at eigi sa vegu vm middegi ok al eyddiz allt Litla herat. gerdizst Ormr Eysteinsson drozseti i Noregi skipadr af herra Hakoni vnga. kom ecki kaupskip til Islandz. andadiz Stephann aboti. fæddr Jonn Hakonarson. vigdr Arngrimr abboti at Þingeyrum. var Olafr Biarnarson hirdstiori.


1350 - 1357


b .h vtkuoma herra Gyrdz byskups. andadiz herra Grimr. Olafr erchibyskup kom vtan af curia. andadiz Þorlakr abboti. ok Þorsteinn abboti. hogginn a alþingi med domi Guthormir Asgrimsson. Magnus kongr for i Ruzaland ok striddi vid Ruzsa ok hafdi ætlat at leida þa til almenniligrar truar. gætu Noregsmenn vnnit nockurar borgir enn ecki vanz at meira. herra Biarni var þar med konginum. vtkuama Orms byskups ok hafdi kongs bref. at vtan voru stefndir margir mikils hmttar bændr þeir sem samtok hofdu haft imot honum.

ag t. Vigdr Eyiolfr abboti i Þyckabæ. kom aftr Augustinus regla i Videy ok vigdr þangat Biorn abboti enn Ꜳsgrimr abboti til Helga fellz. syndizst blodugt Olafs liknesei Þorsteini presti at Hofdabrecku. foru bændr af Nordlendinga fiordungi æ kongs fund. var Þordr Eigils sun logmadr.

f d. andadiz Gudmundr Snorrason Oddr Suarthofdason. Engla kongr striddi vid Franka kong ok leet Franka kongr fiorar þushundir. hallæri mikit a sio ok landi. vtkuoma bænda or Nordlendinga fiordungi med kongs brefum at kongr villdi byskupa lata engar nyiungar fremia imoti þegnum sinum ok baud Ormi byskupi at leysa þa. veginn Gudmundr Gunnarson.

e. d. vtan ferd Orms byskups i Hualfirdi. vtkuoma Juars holms Vigfussonar og hafdi leigt landit allt vm .iij. ær ok var skipadr hirdstiori.

d q. vtan ferd Gyrdz byskups. all hardr vetr vpp fra atta degi batnadi eigi fyrr enn hinn dyra dag ok vard enn mesti fiærfellir. andadiz sira Pæll Þorsteinsson. Loptur Þordar sun. Ragneidr Audunar dottir.

ch .p andadiz Ormr byskup Ꜳslaksson.

a v. vtkuoma Gyrdz byskups. Jonn byskup skalli for a pafa gard at inpetrera byskupstolinn a Islandi. prestar i Hola byskups dæmi af sogdu hlydni vid Arngrim abbota. þui hann var borinn hinum liotuzstum mælum. [var Arngrimr ok afsettr officiolatu ok abbota dæmi ok sagdiz iattaz hafa vndir predicara lifnat. tok Þorsteinn Hallzson officiciolatum[7]. drepinn Sigurdr diakni Asgrimsson i Skalhollti hina þrettandn nott i jolum af klerkanna vidreign ok vard alldri vist siþan huerr gert hafdi. fangadi Benedict Kolbeinsson þann mann er Biorn het. huerr er kendiz at hann hefdi legit med .ij. kuum. var hann kuiksettr enn kunum saukt fyrir siofar hamra. hafdi engi þetta fyrr kennz sua menn myndi. Jonn murti Nichulæsson vo mann er het Jonn Styrmisson. ok for alldri vtan ok lifdi meirr enn þriatigi vetra siþan og vard sott daudr. andadiz Rafn Sueinbiarnarson. Þorkell Markusson. bæiar bruni at Stad a Olldu rygg.


1357 - 1359


g m vtkuoma sira Eyiolfs Brandzsonar korsbrodur af Nidarosi. ok Eysteins Asgrims sunar. voru þeir skipadir af Olafe erchibyskupi visitatores a Islandi. sogdu þeir at Jonn byskup skalli væri aftr kominn af pafa gardi. ok Olat'r erehibyskup gaf honum ok skipadi med speciali mandato dompni pape byskupstolinn at Holum ok hann var confirmatus ok þui lyst a kor i Cristz kirkiu. Þat sama sumar komu vt Arni Þordarson ok Andres Gislason med hirdstiorn yfir Austfirdinga fiordung ok Sunnlendinga fiordung. enn Þorsteinn Eyiolfsson fra Vrdum vm Nordlendinga fiordung ok Vestfirdinga fiordung. þessir .iiij. leigdu allir landit med skauttum ok skylldum vm .iij. ær af konginum. foru visitatores kirkiunnar vegna. enn þessir fyrr nefndir vm allt Island aflandi ok heimtandi peninga af lærdum ok leikum sem þeir kunnu at fæ. atti vndir þessu at standa landzfolkit ok þynkt med þessum afdrætti. skipudu þeir Arngrim aftr i abbota stett at Þingeyrum gefandi eingan gaum at heiti hans. edr annarri vfrægd er æ honum var. Sigurdr Gudmundarson logmadr. hogginn Tume Starkadarson eftir dome.

f m vtkuoma Jons byskups skalla. braut skipit Benedictz bætinn j spon er hann var æ. lifdu menn allir. reid hann heim til Hola. lagdi Þorsteinn Hallzson i hond honum officiolatus jnsigli æn lærdra manna radi engis skilrikis kraft af honum. gæfu allir menn sik lærdir ok leikir vndir hans hlydni.


1359 - 1361


ed. q. Cristz ar .mº cccº .lxº. Ormr Eysteinsson drozseti var af sleginn vndir konganna bodi[8]. Eirekr kongr Magnusson eitradr i Suia riki og þar af andadiz hann. drottningin andadiz af barn burd. Gyrdr byskup ok Andres i Mork ok margir menn adrir letu vt ok er þeir komu skamt fra landi austr vndan Vestmanna eyium sock nidr skipit med ollu gozi enn menn allir lupu i bæt. tok bætrin xl. manna med iarteign en (!) heilaga Þorlaks sa er ei var uanr ad bera meirr enn halfan þridia tug manna. kistu heila rak vpp æ Eyrum er i var brent silfr Skalholltz kirkiu ok pontificalia byskupsins. vtkuoma Orms langa i Hualfirdi. atti hann Olafs sudina var þat allra skipa stærst. gerdu Nordlendingar imoti Joni skrafeifu hirdstiora samblæstr ok villdu eigi yfir reid hans hafa ok mættu honum at Þueræ i Vestrhopi nærri .ccc. manna. stauck hann þa sudr vm land ok feck enga yfir reid vm Nordlendinga fiordung. elldz vpp kuoma i Trolla dyngium ok eydduz margir bæir i Mydal af osku falli en vikrina rak allt vestr a Myrar. enn sa elldinn af Sniofellz nesi. mann fall vid Myvatn. halfr niundi tugr[9] mannz i þrimr kirkiu soknum. Markuss barkadr for heim at Ormi at Krossi kona hans[10] synir .ij. ok veitandi honum averka enn sum halldandi fyrir ok þar fyrir var Markuss kona hans'[11] sonr dæmd daudamenn a Lambeyiar þingi af .xij. monnum ok siþan let Ꜳrni Þordarson er þa hafdi konungs valld hoggua þau eftir dominum.

c n. Baurduzst æ alþingi menn. Ꜳrna Þordarsonar ok Jons Guthormssonar. særdr Suartr Þorleifsson miok ok Klofa gizor ok nockut Philippus Þorleifsson. voru þeir allir Ꜳrna menn. vtkuoma Smids Andressunar med hirdstiorn vm allt Island ok leigt vm .iij. vetr. hafdi vt morg kongs bref. þat sumar foru vtan Gyrdr byskup ok Helgi abboti ok . v. sæmiligir prestar med Ormi langa ok nærri .lxxxx. manna. hyggia menn at þetta skip hafi farizst med allri ahofn. þetta sama haust reisti Þorsteinn Hallzson sik imot Joni byskupi ok let alla presta milli Oxnadals heiðar ok Reykiar dals hand leggia ser hlydni ok komu til Hola Katrinar messo ok afsogdu Joni byskupi hlydni allir nefndir prestar ok leikmenn or Eyiafirdi. kolludu hann Grænlendinga byskup enn toku Þorstein ser til yfir mannz. funduz þeir Smidr ok Ꜳrni Þordarson ok bundu sina vinattu med fastmælum. vard Jonn Gudthormsson logmadr skra veifa.


1362


b .h fundr æ Holum Tiburtius messo. komu nordan Eyfirdingar allir lærdir sem leikir. Þar kom Smidr ok officialis af Skalhollti. vard engi sætt. foru Eyfirdingar vtan æ feriu. Þorstein Hallzson Stephann Gudmundr lægr prestar. Þorsteinn Eyiolfsson Olafr Petrson leikmenn toku Haloga land. greip Hreidar darri bædi skip ok gozs. færdi leikmenn til konungs i halldi enn sira Þorsteinn andadiz ok allir hans kumpanar. brann kirkia i Haukadal ok allr skrudinn med. Smidr Andresson fangadi Ꜳrna Þordarson ok gaf honum at sauk Barkadar mæl. baud Ꜳrni aull þeira mæl fram til kongs ok þo Smidr villdi hann i fanghelsi hafa. huat er Smidr villdi med engu moti hans þau bod hafa. ok leet hoggua hann i Lambey. friadag næsta fyrir Johannis messo baptiste. var lik Arna fært jnnan mænadar til Skalholltz ok grafinn þar i kirkiu gardi. eftir allþingi reid Smidr nordr vm land ok med honum margir Sunnlendingar ok eigi ort halfr fiordi tugr manna. Eyfirdingar hofdu niosnar menn ok kom saman mikill lydr a Grund i Eyiafirdi a Seliomanna voku. voru þeir Smidr þar fyrir. Eyfirdingar toku a þeim hus. vard þar bardagi ok let Smidr þar sitt lif. Jonn Guthormsson. Iarpr Hannis Jonn langr Biarni Magnusson Gudmundr Andresson ok Þorualldr Helgason. enn af Eyfirdingum. fellu Andress Ormsson. Steinn Bryniolfsson. Magnus. Biorn Þordarson. Gudmundr Halldorsson. einn er eigi nefndr. fellu allz xiiij. vard samkuomanrri midium morni. enn lokit var ollum vigum eftir dagmæl. var þar grid gefin Ormi Snorra syni Þorgeiri Eigils syni ok ollum odrum þeira kumpanum. hafdi Ormr med ser flest aull tygi þau er þeir hofdu att. margir menn fenga þar lemstr ok lima læt. þetta kuat Sniolfr vm fundinn.


Miok eggþunn aux
i iardar faux
suiku lyda lif
enn lestu hlif.
dreif hrotta hregg
vm heila vegg
gaf ei huilldar hlid
hard feingiat lid.
Sonr Kolbeins sitt
suerd reyndi fritt.
vard Þorsteins vigr
vel long ok digr.
med huerri hann
hugar þrydi vann.
fra ek stæla storm
miok sturla Orm
þar er kysti kyrr
kirkiunnar dyrr.
kuad hann þurfa þers
at þylia vers
þo er bænin bezst
honum byrgi mest.
Jonn skreiddiz skiott
skra veifa hliott
kamars eygat vt
vid ærna sut.
su en liota leid
leitz virdum greid
þeim er fylgdi þann
þreklausa mann.
Smidr vardiz vel
feck virdum hel
hans brandrin brei dr
þa er bardizst reidr
honum fylgir fast
i fleina kast
sueit huergi hrædd
hrings serkium klædd.
kilpr herdi haugg
hialm gridr taugg
vel huórs ok hrein
rett holld sem bein.
med þunga þraut
þegn falla laut
hiors neytti hagl'
her falli bragr.


Jtem vtanferd Jons byskups sat hann i Þrandheimi vm vett'in ok feck engan letta af Olafi erchibyskupi i sinum malum. hofuz Kisa mæl. vo Nichulas Ꜳla.


1362 - 1369


a n. vigdr Þorarinn byskup til Skælholltz ok kom vt ok heim til stols sins ok sua lonn byskup. helldu Eyfirdingar samri vhlydni vid byskup sem ædr. kom Nichulas Broddason vt med logsogn ok profadiz eftir vm sumarit a alþingi landradamadr. var Ormr Snorrason logmadr. vig Snorra Þorleikssonar.

gf c. Suikin med eitr kong Eirekr Magnusson ok Blanzia hans frv i einu storu hofi. vigdr Gunnsteinn abboti til Þingeyra. vig Jons Benedictzsonar a Mariu messo sidarri. kuiksettir Selbelgiu synir.

c .d vt kuoma herra Arna suælu byskups. ok vard hann sæhafi fra Færeyium. þa voru .iij. byskupar æ Islandi þann vetr. vo Jonn klafi Arnbiorn. veginn Jonn hordr af Atla. veginn Erlendr af Arna.

d q. Suikit Suia riki vndan Magllusi kong i ok hann sialfr handtekinn i stridi ok innkastadr. toku Suiar Albrikt til kongs yfir Suia riki. Hakon kongr feck Margretar dottur Valldimars Dana kongs. vtkuoma J uars gallta i Kolbeinsærosi. godr vetr. andadiz b. Eysteinn.

c .i Kom vt Andress Gislason med hirdstiornn. geingu tylftareidar a alþingi fyrir Grundar mæl.

ba v forgeck skip er æ vetr Narfi Þorleifsson. Jonn grarofa vo ein bonda vm kuelldit fyrir Mariu messo.

g m. vtkuoma Juars holms hafdi hann vmbod yfir pafa tiundum. andadiz Gudny abbadis fra Stad enn vigd Oddbiorg. andadiz Þorarinn byskup. veginn Eyiolfr Butason. setid fyrir sira Pæli Þorsteinssyni i Kækiskordum ok særdir menn fyrir honum af Joni kyrtli. var Snorri officialis.


1369 - 1375


f e. land flæmdir þyduærskir or Biorgyn fyrir Hakone kongi. vigdr herra Oddgeirr byskttp til Skælhollttz. andlat abbotans i Videy. enn vigdr Jonn Gudmundarson til abbota. vtkuoma Otheirs (!) byskups. Cristz ar .mº, eccº. lxxº. haugginn Jonn klafi eftir domi. veginn Valgardr. andlat Gizsorar galla.

e r. vtanferd Jons byskups. for hann til Roms ok feck styrktar bref af Vrbano pafa med hans bulla til byskups stolsins at Holum. andadiz Haflidi abboti. vigdr Arni abboti til Þuerar. hallæri mikit. vor hart. varla saudgraus at Jons messo baptiste. Einar officialis. Sunnifu sudin a Gæseyri. kom vt Þorgautr Jonsson med hirdstiorn vm allt land. Þorsteinn Eyiolfsson logmadr. Druknadi Klofa gizorr. andadiz Helgi Dadason. tekinn af Hroi a þingi fyrir mord vig.

de h. vtkuoma Jons byskups med brefum pafans. geingu til sættar allir Eyfirdingar leikir ok lærdir. hallæri mikit vetr hardr. Druknun Pæls Þorleifssonar. tekinn af Klofa oddr fyrir morg illuirki.

b. h. andadiz Olafr erchibyskup ok herra Gilsbrikt. manndaudr allmikill vm allann Noreg. vigd (!) Benedict byskup til Biorgyniar. Biarni Kolbeinsson vó a dyra dag þann mann er ÞorkeI[12]. andadiz Klofa þorrbiorn.

a n. herra Þrondr kiorinn til erchibyskups. kom Sunnifu sudin i Siglu fiord. fangadi Þorgautr þann mann vt af Þingeyra kirkiu er Einar dyntr het. profadizst hann sidan mordingi ok var kuiksettr.

g n. vtanferd Othgeirs byskups af Skalhollti. fell sætt a med Hakoni 'kongi ok þyduerskum. kom Magnus kongr aptr i land ok skipadr Andres Sueinsson hirdstiori a Islandi. andadiz Boduar prestr bard. vetr sua hardr ok vór at eingi mundi slikt. grasvoxtr ængi haf isar framan til Bartholomeus messo. vtanferd Jons byskups a Mariu bollanum er hann hafdi reisa lætid. kalladi kongrinn ser skipit. Jtem letz Magnus kongr i sio med sinum monnum. kom hans lik eins a land ok kalla menn hann helgann. geck fyrir Sunnifu sudin. var þar æ Andres Gislason. seen cometa vndir Eyiafiollum. ecki skip at Islandi. veginn Pæll hoppr. vo Snorri nautztá einn bonda er Þorsteinn het. huala vetr.


1375 - 1379


fe r. Vetr sua godr[13] Islandi at engi mundiþ uilikann. fellu fatækir menn vm allt land sua at morgum hundrodum sætti. vt kuoma Jons byskups i Vestmanna eyium. vó Boduar Jonsson Kolbein Benedictzson drottins daginn at fiorum vikum. komu .vj. skip til Islandz enn .ix. hofdu til ætlat. Sigurdr logmadr.

d i. vetr sua hardr at fen adr var at protum kominn at langa fostu. hetu menn þa fyrir nordan land a Gudmund byskup til ærnadar ordz med samþycki Jons byskups at gefa alin af hueriu hundradi ok fara med a pafa gard at tekin yrdi vpp helgi hans. skipadiz vid þat heit hardIa vel. vard engi fellir. for burt medr gozinu Sigurdr prestr Loptzson ok Þorsteinn prestr Bryniolfsson. vt kuoma Andres Sueinssonar med hirdstiorn vm allt Island. ok Þorsteinn Eyiolfsson med logsógn vm halft land. i Straumsfirdi fyrir vetr nætr. sira Þorsteinn Ionsson vard rædsmadr at Holum. andadiz sira Snorri officialis af Skalhollti. geck fyrir skipit er a var SkuIi Þordarson. Jonn Teitzson. Klofa biorn logmadr.

c .i andadiz Eyiolfr abboti i Veri. vigdr Runolfr abboti Magnusson. suar'l'it land a alþingi Hakoni kongi af þrennum tylftum. vig Nichulas prestz Þorsteinssonar i Hollti i Onundarfirdi a Petrs messo. vig Halldors Kolbeinssonar i Þingey i Borgarfirdi a almenniligu þingi logmannanna Þorsteins ok Sigurdar. andadiz Sigurdr prestr Loptzson ok prior Erlendr a Modru vollum. vo Eirekr Hall Solmundarson.

b .a andadiz Jonn abboti af Videy. vigdr Patll abboti. vtanferd herra Othgeirs byskups ok Andres hirdstiora ok Gudmundar Sigurdar sunar. bolna sott mikil i Noregi. andadiz sira Petr af Gilsbacka. vig Jons Brandzsonar. andadiz Asgrimr abboti at Helgafelli. vigdr þangat Gudmundr Arason til abbota Joni byskupi af Holum. andadiz Benedict Kolbeinsson. andadiz Þorleifr Suartzson. hogginn Þorstein.


1379 - 1382


ag e. Komu .vi. skip til Islandz ok i bolna sott .v. ok for vm allt land ok vard mikill manndaudr. andaduz .xij. prestar fyrir sunnan land ok nockurir fyrir nordan land. lagdi þegar hridir[14] æ at .v. vikum. ok stora sniofa sua at fenti fe. forgeck skip er Olafr Þorsteinson var i. vetr hardr ok fellir litill. andadiz kong Hakon ok ætla menn godann mann. enn tekinn til kongs Olafr vngi son hans ok Margretar dottur Valldimars kongs af Danmork yfir Noregh. ok nu er Cristz ar .mº. eccº, lxxxº. andadiz Gudmundr Sigurdar son. vo Þorleifr nef Þorlæk huarm.

f e. vig Guthorms Ormssonar. a sunnudaginn i fardogum. i Snoks dal. vo hann Þorsteinn Ionsson. gras vǫxtr litill regn sua mikil[15] vm. haustid at skridr hlupu vida þar sem alldri hofdu hlaupit. spilltizst andvirki manna. andadiz herra Þrondr erchibyskup. ok herra Othgeir byskup af Skætlhollti. suarid land Olafi kongi Hakonarsyni i Noregi. andadiz Botholfr byskup af Stafangri enn vigdr þangat herra Hallgeirr Asmundarson til byskups af Þrandi erchibyskupi enn nockuru sidar kom herra Olafr byskup af pafa gardi er þar hafdi vigdr verit til Stafangrs. vard herra Hallgeirr at ryma. skipadr drozseti i Noregi herra Augmundr Finnzson. for sott mikil yfir allt Island. andadiz Thorleifr prestr Bergþorsson. Eirekr riki Magnusson. Hakon Gizorarson. Bryniolfr riki Biarnarson. var sira Halldor Loptzson ræds madr at Holum. vtkuoma Rafns Botolfs sonar. hafdi Olafr kongr veitt honum logsogn vm. hælft land æ medan Rafn lifdi. letz Grimr prestr i Huitæ.

e r. kom til Islandz Andres Sueinsson hirdstiore skipadr af kong Olafi. Jtem bref Vrbani pafa kom til Noregs ok vpp lesit at huerri kirkiu ok Robertus er kalladiz pafi bodadr bannsettr. kosinn sira Hakon Juarsson til erchibyskups af ollum korsbrædrum. ok ætladi i burt til pafa ok komz eigi lengra enn i þyduersku land þar fretti hann at vigdr var til erchibyskups a pafa gardi einn danskr leikmadr er Nicholas het. for geck skip stadarins i Skalhollti. komz at folkit a bæti til Grænlandz med miklum iarteinum. kendizst Jonn kiagi þriu mord ok var kuiksettr siþan. vard endiligr vegr a Kisa mælum ok vann Syslu oddr. eflduz flockar ok fridleysi.


1382 - 1386


d. b. Suarit Island kong Olafi Hakonar syni i logrettu. kom skip af Grænlandi til Noregs er þar hafdi verit .ij. vetr ok i nockurir menn þeir er kuomuz af Thorlaks sudinni ok sogdu andlæt Alfs byskups af Grænlandi ok hafdi hann þa andazst fyrir sex vetrum. Jtem vighdr herra Michael byskup a pafa gardi til Skalholltz. var hann ædr penitentiarius i Rom danskr at ætt. Jtem letz Einarr bondi Eireksson af skipi. Helgi ok Krækr Pælssynir ok margir adrir rosknir menn. þa vrdu ok hormulig tiþendi i Orkn (!) at drepinn var Vilhialmr byskup. andadiz sira Martein Þiodolfsson.

cb .a fyrir geck skip Hakonar Jonssonar ok letuzst nær .lxxxx. manna. kong Olafr for til Danmerkr. tekinn af Nichulas Broddason eftir domi. hofuzst Ꜳsgeirsær mæl. Vigfuss Flosason i banni ok skriptadi a pafa gard fyrir nog brot. var Pæll prestr officialis. fyrir burdir storir fyrir sunnan land.

a n. vtkuoma herra Michaels byskup. var hann fluttr a land austr fyrir MydaI. ok .x. menn med honum enn skip þat atti hustru Margareta. rak þat vndan ok letz af huert mannz barn ok fallz rekinn vid HiaIltland edr Færeyiar. þa rak ok vndan .iiij. Islandz faur til Grænlandz ok voru þar .ij. vetr med heilu ok holldnu. Gudmundr Ormsson ok Eirekr Gudmundarson ridu heim at Þordi Jons syni a iolum ok fongudu hann. var hann sidan hogginn eftir domnefnu Orms Snorrasonar. ok æ sama ari hogginn Jonn Snorrason. þrongdr med manna gangi Gudmundr ok Ormr a þingi. seen cometa.

g .n andadiz Nichulas erchibyskup. hafdi hann ecki officium byskupligt gert ok engar vigslur gert ok eigi born fermt . Item andadiz herra Ogmundr Finzson drozseti i Noregi. kiorinn herra Vinalldi til erchibyskups. ræn ok stuldir vm Vestfirdinga fiordung ok Sunnlendinga fiordungh af monnum Gudmundar Ormssonar. vtanferd Eireks Gudmundarsonar. do mart folk af hual i Skagafirdi.


1387 - 1389


f. s. fiogur skip komu inn i Hualtiord er verit hofdu .ij. vetr a Grænlandi. þar var æ Biorn Einarsson. vtkuoma Eireks Gudmundarsonar med hirdstiorn. ok Narfua Sueinssonar med lògsogu yfir hælft land. skipadir bædir af Ogmundi drozseta. ok þotti þat nylunda. vtan ferd Andres Sueinssonar. enn Þorstein Eyiolfsson tok af honum hirdstiorn. fun[16] kaupmanna i Hualfirdi vid Sumarlida. efldizst hann sidan med flockum ok fram ferdum. strid mikit med drottning Margretu ok Albrikt vard hann fanginn ok synir hans .ij. fell mart manna. nær þushund allz.

ed i. vig Eireks Gudmundarsonar. var hann bædi hirdstiori ok hirdmadr. fangadr Hallsteinn Pals son ok vard lauss. syslu deilur miklar a Islandi. embættis lausir margir prestar i Skalholltz byskupsdæmi ok margar nylundr giorfar af Michele byskupi. vo Skallason saklausann mann at rettum. Gudmundr Þorsteinson Gudlaug Gudmundarson a Nichulas messu dag i kirkiugardinum at Sauda feIIi. huarf Gudmundr Ormsson i Færeyium um nætt med vndarlighum hætti. tok Greipr syslu madr þar slika peninga sem Gudmundr hafdi att ok kalladi kongs gozs eftir orskurdi sakir þungra sakargifta. kom skip i Dyrafiord. hofuz Huals ær mæl. vtkuoma Þorkels prestz sæIs ok HaIIz Magnus sonar at heimt[17] subsidium pallij erchibyskups vegna. hofuz þa mæI þeira sira Einars Haflidasonar. vetr godr grasvoxtir mikill.

c .i vtan ferd Biarnar Einarssonar. ok Michiels byskups. sira Halldors Lopzsonar. var hogginn Gudmundr Þorsteinsson med domi. skarr i Dyra firdi. særdr Gudmundr af Bryniolfi ok sua Bryniolf (!) af Gudmundi. enn Vigi sparri hio allt nef af Einari Olafs syni var Einar særdr fleirum særum. let vt skip i Dyra firdi. flutt bein Þordar Jonssonar til Stafhollz i kirkiu gard eftir skipan officialis ok samþycki allra lærdra manna ok hyggia menn hann helgann mann. andadiz sira Ari i Reykiahollti. for krefdu sott andadiz mart manna. komu .xi. skip til Islandz. enn .iij. voru fyrir. sua ecki for burt. tok Margreta drottning rikis stiorn i Noregi ok Danmork. fanginn Hallsteinn Pælsson. ok kuiksettr. kendiz hann .iiij. mord. vtan ferd Þordar Sigmundarsonar. særdr Erlendr. letz Juarr krokr af dryckiuskap. meira vin kom til Islandz enn menn myndi fyrr.


1389 - 1390


b o Cristz ar .mº. cccº. lxxxxº. vt kuoma Vigfussar Juarssonar med hirdstiorn yfir allt land. veginn Markus Þorsteinsson i Skogum af þeim manni er atti dottur hans er Sæmundr het. vó Magnus Sturluson þann mann er Guthormir het. vetr hardr. sumar regnsamt sua at onyttizst andvirki manna. var byskups laust ok engi officialis i Skalholltz byskups dæmi ok allr kristinn domr þar litt standandi. onduduzst prestar margir. enn fioldi i burtu reknir af landinu. enn hinir þo flestir sem eftir voru embættislausir. andadiz Gudmundr abboti at He... felli. mann tapar miklir a Sniofellz nesi ok sua vidara. Vór sua hart at kuldum ok sniofum at varla voru saudgraus at Petrs messo vm sumarit. elldz vpp kuoma i Heklu felli hin .vij. med sua miklum fadæmum af gny ok dunum at heyrdi vm allt landit. eydduz Skard ok Tialldastadir af bruna. var sua mikit vikra kast at slo hest til bana. ausku fall sua mikit at margr fen adr do af. færdi sik ratsin elldz vpp kuomunar or sialfu fiallinu ok i skogana litlu fyrir ofan Skard ok kom þar vpp med sua miklum bysnum at þar vrdu eptir .ij. fioll ok gia i milli. kom vpp elldurinn at fyrra æri enn sloknadi a þessu. vrdu þar i nændir huerar ok heit votn. voru .vij. skip pau æ Island at her hofdu verit ædr. regn sua mikit vm haustid at or hofi geck eftir Marteins messo. vatnavęxtir sua miklir at engi mundi slika. sua at þar fyrir drapz saudfe vida i Skaga firdi ok i Desey i Nordrærdal. hlupu skridurr nær vm allt land sua at vnyttuz bædi skogar eingiar tbdur ok wthagar. tok bæ allann at Hiallalandi i Vatzdal ok sex menn. komz þar eingi lifs vndan sa er i bænum var. tok ok bæ i Budarnesi ok onduduzst .xij. menn enn einn lifdi i husbrotunum ok hafdi heitid a Þord Jonsson. tok skrida allann manna bæinn i Longuhlid ok sua kirkiuna. letuzst þar .xvj. menn. enn vndan komuzst konur .ij. ok karlmadr er foru i fios. enn lifs funduzst pilltar .ij. i skridunni eptir vm morginnin. þar voru inni Rafn Botholfsson laugmadr ok Jngibiorg Þorsteins dottir kona hans ok born þeira .ij. Þorsteinn kusi ok adrir heima menn. fanz hustruin þegar vm morginenn liggr hon i kirkiu a Modru vollum. var gert testamentum hennar hælfr fimtitugr hundrada med þeim .xv. hundrodum er fadir hennar lagdi til. fanz nær ecki af gozsi ok leitadi meir enn .c. manna. tok þar ok naut ok nockud af heyium. wrdu þessi tidendi fimta dags kuelldit eptir dagsetr fyrir Clemens messo. stodu þessir bæir i Horgardal. var þa logmannzlaust vm Nordlendinga fiordung ok Vestfirþinga ffordung. topuduzst .iij. skip æ Skaga ok et fiorda fyrir Oslandzhlid ok .iiij. menn a hueriu.


1390 - 1391


a n. andadiz----------pafi tekinn til pafa---------- vigdr æ pafagardi til byskups Petrus danskr prestr til Hola ok lifdi þa Jonn byskup skalli. kom vt Þorstein Snorrason[18] ok vigdr til abbota j Danmork af Michele byskupi til Helgafellz ok skipadr officialis vm allt Skalholltz byskups dæmi. kom vt sira Halldorr Loptzson ok hafdi þegit af herra Michieli profastz dæmi milli Botzær ok Geirolfs ---------- fanz likami Rafns Botolfs sonar logmannz ok færdr til Hola ok grafinn hia Smid Andres syni frenda sinum. skipadr af hirdstiora æ alþingi med samllycki almughans Þorstein Eyiolfsson lógmadr yfir Nordlendinga ok Vestfirdinga ok sagdi eingan orskurd i logrettu. andadiz Jonn byskup at Holum Laurencius messo dag. landskialfti sua mikill fyrir sunnan land vm Grimsnes Floa ok Aulfos sua at fiortæn bæi skok nidr at nockuru leiti. enn Mideingi Burfell ok Laugardælar braut at ollu nema kirkian stod i Laugardælum ok do vndir nockurir fatækir menn. rifnadi vida iordin ok komu vpp votn. tok þessi landskialfti allt til Hollta vordu heidar. sæ ein kuinna i Suartárdal drottins dags morgininn i fostu innganga tua (!) tungl full bædi i vestri. vetr godr sumar gott haust sua gott framan til Magnus messo at næliga fraus huorki ne sniofadi enn ofan faull mikil f'yrir sunnan land sua at onyttuzst hey manna. hellt sira Einar officiolatus starfi vm allt Hola byskups dæmi enn sira Þordr Hola rædum. vann Ꜳrni Einarson mæl þeira sira Einars fódor sins ok Þorkels sæIs fyrir erchibyskupi. fangadr Sæmundr Stephansson vt af Þyckabæiar klaustri ok tekinn af eftir domi. komu vt Biorn Einarson Þordr Sigmundarson ok Þordr Ꜳrnason med sira Halldori ok hofdn allir gengit til Roms. sott mikil i Noregi. vtanferd sira Pæls sira Gudmundar Orms Þorsteins sona. Jons Gudmundar sonar. andadiz sira Pæll litlu sidar enn hann kom fram. hafde Hakon Jonsson kyrsett ant hans gozs enn sialfr vm sagdr. hellduz oll drottningar volld æ Islandi. kalladi hirdstiori til Skoga enn Sumarlidi heIlt fodur sins vegna. vó Hallr Eireks son Þoruard Jonsson ok voru þeir manni firnari enn brædrungar. feck Þordr kollr Valgerdar Jons dottur. topuduzst þriu skip med monnum i vestfiordum enn onnur þriu sunnan landz. kom vt Wigfus Flosason ok hafdi ecki farit til Roms sem hann var skylldugr. þui hann hafdi tekit lausn allra sinna mæla af Heinreki Grænlandz byskupi. vrdu auerkar med Sumarlida Þorsteins syni ok Runolfui Palssyni ok pilltum þeira. tok meir S. ok hans monnum. tekinn til kongs sa madr er Eirekr heitir barn at alldri gaf honum kongsnafn Hakon Jonsson. ok andadiz litlu sidar. var þessi madr sagdr systurson drottningar Margretar en faderni hans veri i þyduersku landi. fanzst ollum Noregs monnum litid vm þa breytni ok einkanliga i skattlondunum. sigldi Jonn Gudmundzson


1391 - 1392


gf .m kom vt herra Petr Nichulasson ok brotnadi skipit fyrir Krysu vik ok tapadiz mestr luti góz enn hellduzst menn allir. þar kom vt Arni Einarson ok hafdi geingit sudr. reid byskup heim til Hola þegar vm haustid ok med honum Jonn prest (!) Magnusson. brodir einn danskr er Enis het herra Sueinn prestr mathis skylldr byskupi. Sueinn diakn Petr[19] gammi steikari[20] smasueinn allir danskir. Þorstein klerkr norǫnn mann. Jonn slettr ok Ormr hialltlenzskr mann. heIlt sira Einar Haflida son officiolatus starfui ok allri sinni makt ok var i mestum kærleikum vid byskup. heIlt sira Þordr Hola rædum var helldr fááátt med byskupi ok sira Steinmodi Þorsteins syni. þess at hann heIlt ollum sinum heidri ok storfum. leet byskup alla presta hallda sinum vaulldum. heIlt herra Þorsteinn abboti ollum sinum volldum ok þotti þa byskupsdæmid helldr vel standanda. heIlt sira[21] rædum i Skælhollti. hellt Vigfus Juarsson hirdstiorn enn Þorsteinn Eyiolfsson lógsogn ok sua Narfui. kom Þiodbiorn vt med bref drottning Margretar huert er hon beiddi med skylldu at huer madr gæfi henni hælf mork forngillda ok lagin vid landræd. var þui fyst þungliga suarad nær af ollum monnum. hofuzst mælaferli milli Pæls Þoruardz sunar ok Runolfs Pæls sunar vm peninga er fallnir voru eftir sira Pæl Þorsteinsson. gifti Biorn Einarsson Kristinu dottur sina Joni Guthorms syni ok heIlt brudkaupit vm haustid vm vetr natta skeid i Vatzfirdi. hafdi hirdstiori þar fyst vppi bónar bref drottningar. iattudu þa þegar margir enir betri menn. sat sira Handor Loptzson æ Heynesi þuiat hann hafdi leigt iordina fyrr af Micheli byskupi. heIlt hann ok voldum sinum sudr þar. hafdi hann ok profastzdæmi vm Eyiafiord ok halldit þui alla stund siþan herra Jonn byskup veitti honum þat ok sua meþan hann var vtan. Reid Gisli Andresson heim i Krosshollt at heimta peinga sina at Vigfusi Flosasyni. skildu þeir sua at GisIi handlagdi Vigfus kuittann ok þotti flestum þat hælf kugan verit hafa sakir orda ok ofrikis þuiat Vigfus var mannfleiri. vrdu vpplaup ok astaudur milli þeira fedga Vigfusar ok Narfa a Kolbeinstodum var Halldor kægill særdr er hann hliop i milli þeira. Sott mikil i Noregi ok manndaudi. andadiz Jonn Gudmundzson Ormr Þorsteinsson Jonn muli Grimr paui Þorkell prestr Sælssun. Asbiorn prestr. Arni angelus Sigmundr prestr. Þorgils prestr. Biorn. Gudmundr prestr Einar prestr Augmundr prestr Þordr prestr Rafnsuartr prestr Grimr prestr. voru þessir allir or Skalholltz byskupsdæmi. Þorgils Magnus prestar. Hallr Magnusson kiarni. Helgi son hans. Þorkell hæll. Olafr Skeggiason. Sturli Boduarsson. Suartr ÞorIeifsson ok son hans Pæll Narfui Þor'darson. Hiallti Benedictzson Þorarinn Kodranson. Jonn Klofabiarnarson. Þorleifr Gudmundzson. Þorleifr Marteinsson ok Þorleifr nef. Sigurdr Groson. Hialti Gudmundz[22]. Þorkell rutr. Oddr Karason. Hallr Eyiolfsson. Oddr Þorsteinsson gullsmidr Asmundr Þorsteinsson Olafr profastr Jonsson Gudmundr Loptzson. Bragi Hallzson. Einar dampr. Pæll grænlendingr. Halla Snorra dottir. Helga Loptz dottir. Margret Jonsdottir. Helga Philippusdottir. Þora Sueins dottir ok margir adrir badi islendzkir ok norænir. andadiz Arngrimr Þordarson i langa fostu. veitti herra Þorsteinn sira Vermundi Selærdal. Oddi Þorsteinssyni Stafafell.


1392


e d Skipadi Petr byskup vm vorit sira loni Magnussyni officiolatus starf þuiat sira Einar villdi þa af leggia. lagdi Þordr af Hola ræd þuiat hann villdi eigi leingr hafa af þij at fætkadizst heUdr med þeim byskupi. tok þa radin sira Jon Magnusson. sættuzst þeir sira Steinmodr ok Gunar Petrson. hellduzst oIl onnur enu stærri volId bædi lærdra ok leikmanna a lslandi. vo ---------- i Eyia firdi ---------- vo ---------- Olaf knapa enn Olafr[23] hafdi adr vegit brodur hans ok lukt eigi allar bætr. andadiz sira Einar Haflidason. decimo kalendas octobris var hann vetri einumtt i niutighi æra gamall enn halldit Breidabolstad einu æri fatt i fimtigi. enn verit officialis ---------- enn Hola ræd ---------- var hann ollum monnum harmdaudi. hann feck ok alla þionustu þa cristnum monnum til heyrir. var hann færdr til Hola med sæmiligri likfylgiu var Ꜳrni son hans formadr þeirar ferdar ok kosta di likmenn bædi at mat ok mungati. var hann iardadr i kirkiu at Holum i Hialtadal. stod þar yfir greftri hans herrra Petr byskup ok mikit fiolmenni. var veittr Breidabolstadr sira Joni Magnus syni.


1393


saung byskup sina fyrstu messo a Machaels (!) messu. var þar þa mikit fiolmenni ok veitti byskupinn hardIa sæmiliga. resigneradi Hallr abboti stettinn ok beiddiz afur[24] i Þingaeyra klaustr var þa æbotalaust at Þuera. for vtan Sumarlidi Þorsteinsson i austfiordum a sneckiunni. komu fiogur skip til Islandz eitt i Talkna fiord annat i Hualfiord tua (!)) a Eyrarbacka ok braut annat var biargat monnum ok mestum luta goz. sagdi Narfui logmadr Pæli Þoruardar syni goz þat allt sem þeir Runolfr deilldu vm ok heIlt Runolfr sem adr. vard samkuoma vndir Gnupi i Dyrafirdi milli Biarnar Einars sunar ok Þordar Sigmundar sonar ok sueinum þeira. voru þar i hel slegnir tueir menn af Birni Hrormundr(!) Imason ok Oddr Jonsson enn flestir allir menn hans lamdir ok sua hann sialfr. lysti Gudmundr Jonsson a sik vigi Hromundar enn Halldor Kristiforusson fothauggi Hromundar. Stacka grimr lysti handar hauggi Hromundar ok vigi Oddz enn Brandr Sigurdarson at hann hefdi slegit Jon blaber. Jon Þoralfsson hefdi slegit Þorstein purku. enn Arni Wason hefdi lagit til Liotz Jonssonar griss. gengu þessir . viij. vt fimtu dags natt fyrir Ceciliu messo. Kraki formadr a Cristiforussudinni. Brandr Sigurdarson Grimr Ketilsson Halldor Cristiforusson Gudmundr Jonsson. Jngialldr Arnorsson Arni Wason ok Ionn Þoralfsson. Þa sogdu sumir menn at Olafr Margretarson hefdi vt geingit. hafdi Hromundr .vij. sær. enn Oddr eitt m fætinum vinstra vm kneIidin. en Liotr mikit sær æ bakinu fyrir ofan miodm. Aunundr litid sær fyrir ofan kne. enn Gizzur Þordarson litla ben i andliti. en Blaber ækuomu i andIiti. Jnni i stofunni feck Kraki sær i hofud af Þorsteini þurku med sleddu. enn Ꜳrni Wason skeindizst æ knifi er Biorn átti. var Þordr bondi inni meþan samkuoman vard vti ok kom ei fyrr vt enn Biorn var i kirkiu kominn ok hans menn. baud Þordr þa Birni vt enn Biorn villdi ecki til. var Biorn ok hans menn i kirkiunni vm nattina ok nockut fram æ fostudaginn. tok Sigurdr bondi Kollzson milli þeira mænadar dag ok for Biorn þa in til Myra med sina menn ok eftir þat heim til Vatzfiardar. Hromundr do þa þegar vm nattina enn Oddr lifdi fram æ jol ok lysti pij adr at hann dæi af sott ok þotti monnum su lysing ecki afl hafa. reid Gisli Suartzson vestr til motz vid Þord mæg sinn ok sat þar miok fram til fostu. enn Biorn sat heima i Vatzfirdi ok fiolgadi ecki sinn flock. reid hann nordr vm land vm vetrin fyrir fostu ok siþan sudr vm land ok kom sua vndir sik flestum ollum enum bezstum monnum æ landinu. Druknudu fiortan menn i Vtskælaosi vær Eyiolfr Eyuindzson formadrinn. hofuzst Lundar mæl gras voxtr mikill vrdu litt todur enn vel vthey. vetr godr framan til iola. spurdizst or Noregi mikil tipendi at þyduerskir hofdu komit inn i Biorguin vm vorit i pascha uiku med ---------- skipa ok kolludu kong Albrikt allann Noreg. enn hann var i fanghelsi i Danmork med drottniginni ok Eirikr son hans. foru þeir med hernadi enn ok geingu vpp a fimtadagin eftir. enn bæiar menn rucku vid ok borduzst. fell margt manna af huorum tueggium ok þo fleira af þyduerskum fengu bæiar menn vsigr. hofdu þyduerskir niu hundrat skytta. het sa Enis er fyrir þeim var þyduerskr herra skylldr Albrikt. annarr het Mækinborg enn herra næinn Albrigt ok fell hann i bardaganum ok var iardadr inn at brædra ok gerd i Enis hans vtferd hardIa sæmiliga enn let taka allt annat sitt folk þat er fallit hafdi ok roa med vt æ voginn ok sockua þar nidr. Jonn darri var fyrir bæiar monnum þuiat hann var fehirdir ok dugdi hardla karlmanliga ok vard fangadr af þyduerskum. Þessir fellu af landzmonnum. Heinrikr Aslaksson hann bar merki þeira ok bardizst agæta vel. var hann skotinn i andlitid ok vt vm hnackann er hann lypti fra blikinu sakir hita ok var þa miok vti bardaginn. Jfuar treyia

ok fioldi mannz annat nær ---------- bet sa Eirekr er skaut Mækinborg nordr fara madr. gerd u enir þyduer"sk (!) þar et mesta heruirki bædi i rænum ok manndrapum. sua rauskudu þeir bædi kirkna rett ok kuenna. ræntu þeir sua ramliga at þat sem þeir kuomuzst eigi med soktu þeir i siofar diup hofdu brottu skip ok ackeri sem þeir kuomuzst med vtan Langbein ackerit er Olafr kongr hefir ætt þat gætu þeir huergi or stad fært. let herra Enis sueria landit Albrigt ef hann veri rettr kongr. Suoru þessir menn

fengu margir menn orkyml ok stor sær þo eigi felli ok hofdu dugat hardla vel. sem Þordr biarki Eirekr spadfotr

andadiz sira Haflidi Magnusson ---------- kuomu vt a Brotaskipinu æ Eyrarbacka tueir menn danskir het annar Jussi enn annarr nefndiz Ormr ok foru heim til Hola ok sætu hia byskupi. balldinn skoli at Holum. var Boduar diakni skola meistari. gerdi Hola byskup vigslur af Skalholltz byskups dæmi. veitti herra Þorsteinn abboti Olafui prest Kolbeinssyni Stad æ IoIldurygg ok heIlt þo Reykihollt einu æri fyrr enn Gunnar Gilssyni Reykiahollt. Pæli Grimssyni Gilsbacha. Vigfusi Sueinbiarnarsyni Mela. Steinmodi Þorsteinssyni Garda. Joni Þordarsyni skreps Kælfuafell. Joni rèf Miklahollt. Oddi prest rædsmanni Breidabolstad ok hellt þo Vallanes sua at hann tok ævoxtu af enn Sigurdr prestr Sigurdarson hafdi. hafdi hirdstiori vppi a þingi drottningar bòn ok iattudu allir enir bestu menn at gefa atta alnar hafnar vodar. fyrir Vigfus skylld ok skilldu fra at þat skylldi skattr heita ne optar krefia. vtan Eyfirþingar þeir villdu eigi gefa. Druknadi Olafr toni i Steinolfsdalsæ


1394


d b. kom vt Vilkin byskup ---------- son i Hualfirdi vigdr af Vinallda erchibyskupi. ok kom heim i Skalhollt Bartholomeus messo. kom vt med honum Jonn prestr Þordarson ok hafdi vtan verit sex ær ok halldit cross kirkiu ok Gudmundr prestr Þorsteinsson. Hauskulldr prestr Jonsson ok veittr Breidabolstadr af byskupi. þar kom ok vt a Heinreks skipinu sem byskupinn var i. Þorbiorg Ormsdottir. enn formadrinn var Ketill ribbr. þar kom ok Þostolasudin var Andres kaffall fyrir þui. settuzst þeir aftr a smiorskipinu. sigldu þeir ecki i Talknafirdi. leet vt Lysu buzsan æ Eyrarbacka fóstudaginn fyrir Mariumesso sidarri. foru þar i sueinar Peturs byskups herra Suein prestr mathis ok Þorsteinn klerkr

let vt i Hafnarfirdi ---------- Reid Biorn Einarsson vestr yfir Glmmu miduikudaginn eftir Þorlaks messo ok med honum Vigfus Jfuarsson hirdstiori Þorsteinn Eyiolfsson lógmadr. sira Halldor Loptzson. sira Þordr Þordarsson. Jonn Hakonarson. Sigurdr huitkollr. Sæmundr Þorsteinsson. Einar Dalksson. Jonn Sighuatzson Benedict Gizorarson. Steingrimr Sigurdarson Þordr Sturluson. Eirekr Þorleifsson. ok nær niu tigum mannz ok flestir allir tyiadir panzserum iarnhattum ok vopnhanzskum. stefndi hirdstiori Þordi Sigmundarsyni ok ollum hans pilltum vm vijga mæl Hromundar ok Oddz fyrir sik ok lógmenn til Mosualla fimtudag ok fóstudag næsta. kom Þordr i stefnuna ok med honum Sigurdr bondi Kollzson. Gisli Suartzson. Þordr kollr Sigurdarson, Oddr leppr Þordarson. Sigurdr skalli ok nær fimmtigum manna vel tuttugu tygiadir. tok Þordr kollr dag af hirdstiora ok Birni fyrir Þord ok hans menn. sotti Þorsteinn purka ok Ime med styrk Biarnar Þord Sigmundarson Brand Sigurdarson Halldor Kristiphorusson Jngialld Arnorsson Ion Þoralfsson ok Arna Wason ok alla til vtlegdar eftir domi ok urskurdi sua landvist þeira veri vndir kongs miskunn enn Grimr ok Gudmundr voru rettir vegendr. sættuzst þeir siþan Biorn ok Þordr med atgangi enna bezstu manna. skylldi Biorn einn gera þeira æ, milli sem hann villdi ok honum yrdi mestr heidr i Þordi forsmanarlaust i alla stadi nema hann villdi helldr nefna menn til. sem Biorn gerdi. nefndi Wigfus hirdstiora lógmann. sira Halldor sira Þord. Jon Hakonarson, Sigurd Kollzson. Gisla Suartzson. Þord koll. Sigurd huitkoll. Einar Dalkson. Sæmund Þorsteinsson. Jon Sighuatzson Odd lepp ok Þord Sturluson gerdu þeir at Þordr skylldi bioda Birni ok Solueigu hustru hans ok ollum þeira sueinum sæmiliga veizslu ok gefa Birni til fimtigi hundrada i i gripum ok sæmiligum þingum. veitti Biorn hardla sæmiliga sinum monnum fyrri dagana. ok leysti alla ena bezstu menn vt med sæmiligum giofum. gifti Þordr Sigmundarson Olofu dottur sira Ara Gudmundzsyni. var sættzst æ Lundar mæI. veitti Oddr Sigurdarson Gudmundi Gizsorar syni auerka milli iola ok faustu. andadiz hann þar af vm vorid eftir pascha. Gaf sira Einar Þoruardzson vpp Grimatungna stad. enn hann var veittr Þorsteini prest Þorfinnzsyni af herra Petri byskupi. veitti byskup ok Joni Þorualldzsyni Hola i Vestrhopi. enn Birni Aslakssyni Hof a Skagastrond. atti hann eignarlut i Spækonufelli enn hellt kirkiunar luta af byskupi, enn Þorsteini Skeggia syni..... [25] i Rutafirdi. enn Þorsteini teskli Lauf æs, tok sira Steinmodr Þorsteinsson Hola ræd ok profastzdæmi vm Skaga fiord. hent hann ok Greniadarstad ok profastzdæmi vm Þingeyiar þing. lystr Vigfus Flosason bannsettr af herra Þorsteini abbota ok officialis fyrir sin fyrri mælaferli ok þotti hann enn ecki gerazst spakr, vrdu averkar i Hualfirdi fyrir Mariu messo sidarri. vann Jonn kolli at Teiti Kolbeinssyni ok sua Teitr æ Joni. vann Pæll Gudmundarson a Ketli Einarsyni en prikadi Einar' kaupsuein ok blakadi Ketil ribb formann. sagdi herra Vilkin sina fyrstu messo a crossmessodag

..... vigdi byskup Hall ---------- til abbota at Þuer æ. gerdizst mikil audn i stadargozsinu æ.t Holum. let byskupinn efna til hafskips gerdar skip er hann tok af Þorsteini lógmanni fyrir .lx. hundrada. let byskupinn ok ganga Hola feriu a Sniofellz nes. var hon forn ok lestizst fyrir Beru vik ok þar vpp sett et cetera .iij. ackerum. druknudu .v. menn a Sniofellznesi. vo Ormr danski sueinn byskupsins Gizsur Jonsson bosa saklausann drottindaginn næsta fyrir Mariu messo sidarri fyrir framann byskupstofuna i klaustrinu æ Modruvollum. var Gizsur ok sueinn byskups. nefndi hann sik þa Nichulas Ormsson er lysti viginu ok sagdiz med þui skirdr hafa verit enn medr Orms nafni fermdr. var Petr byskup þa nordr þar i visitatione. nu attu menn þetta haust at vinna eida at fe sinu ok minkudu fleiri sina peninga. hallæri mikit til kostar ok skreidar nær vm allt land. vór kallt grasuóxtr litill fellir nockur




Fodnoter

  1. tilskrevet over Linjen med samme Haand.
  2. her mangler vm.
  3. Feilskrift for sira.
  4. ikke Erlendr som Udg. af Flatøbogen.
  5. var mangler.
  6. tilsat over Linjen med samme Haand.
  7. fra [ tilsat med samme Haand paa de aabne Steder ved de to foregaaende Aar (med Henvisningsmærke).
  8. saa (rigtigt) Cd., ikke bordi, som Udg. har.
  9. over Linjen
  10. ok mangler
  11. ok mangler
  12. het mangler.
  13. saaledes (jfr. S. 280 95), ikke hardr, som Udgaven har.
  14. saaledes, ikke heidir, som Udg. har.
  15. ikke mikit (Udg.).
  16. Feilskrift for fundr.
  17. Feilskrift for heimta.
  18. Tilføiet senere med samme Haand.
  19. Skrevet over Linjen.
  20. Skrevet over Linjen.
  21. Navnet mangler.
  22. son mangler.
  23. ikke Eyolfr, som i Udgaven.
  24. Feil for aftur.
  25. Hul i Membran; det manglende er Navnet Stad.