Gandkvæði Tróndar (J.H.O. Djurhuus)
Hopp til navigering
Hopp til søk
Føroysk kvæði
Velg språk | Norrønt | Islandsk | Norsk | Dansk | Svensk | Færøysk |
---|---|---|---|---|---|---|
Denne teksten finnes på følgende språk ► | ![]() |
J. H. O. Djurhuus 1908
Yrkingar 1914.
- Hevjið í homrum
- harðmælta kvæðið,
- villu valkyrjur,
- vetrarins børn,
- tit mínar frælsu,
- froysandi hvirlur,
- føddar av ódn.
- Hastið í hernað
- hamranna døtur,
- vekið til veldis
- vilt glaðustrok;
- gravið frá grunni
- goysandi orrusturok.
- Ramar eg risti
- rúnir, ið rinda
- ravni ræ.
- Sanna skal Sigmundur:
- Tróndur trøllsterkur kvað.
- Verjast skal Valhøll,
- ið vølvur veittu
- miklum norðlanda
- monnum til mið.
- Eydnast at inna
- ei skal Sigmundi
- eystlanda sið.
- Fjallfríðu Føroyar,
- ramasta rúnin
- ritað av gudum
- um einstakra rætt!
- Trygdareið Tróndur
- hann treystligt at verja
- svór síni ætt.
- Hevjið í homrum
- harðmælta kvæðið,
- villu valkyrjur
- veitið mær vørn.
- Fram móti Sigmundi
- skip hansar sorandi,
- land honum forðandi,
- fram móti kristni,
- kirkjurnar brótandi,
- Tróndur til Tórs og Óðins er blótandi,
- høgt kvøður heiðin ørn.