Remser fra Snorra Eddas håndskrifter (B1)

Fra heimskringla.no
Hopp til navigering Hopp til søk
Velg språk Norrønt Islandsk Norsk Dansk Svensk Færøysk
Denne teksten finnes på følgende språk ► Original.gif Dansk.gif
Original.gif


Den norsk-islandske skjaldedigtning


ved
Finnur Jónsson
1912-1915


I. Þulur
Navneremser fra det 12. og 13. årh.


Remser fra Snorra Eddas håndskrifter


a. Sækonunga heiti.

1. Atli, Fróði,
Áli, Glammi,
Beiti, Áti
ok Beimuni,
Auðmundr, Goðmundr,
Atall ok Gestill,
Geitir, Gauti,
Gylfi, Sveiði.

2. Gœir, Eynæfir,
Gaupi ok Endill,
Skekkill, Ekkill,
Skefill ok Sǫlvi,
Hálfr ok Hemlir,
Hárekr ok Gorr,
Hagbarðr, Haki,
Hrauðnir, Meiti.

3. Hjǫrolfr ok Hrauðungr,
Hǫgni, Mýsingr,
Hundingr, Hvítingr,
Heiti, Mævill,
Hjalmarr, Móir,
Hœmir, Mævi,
Róði, Rakni,
Rær ok Leifi.

4. Randverr, Rǫkkvi,
Reifnir, Leifnir,
Nævill, Ræfill,
Nóri, Lyngvi,
Byrvill, Kílmundr,
Beimi, Jórekr,
Ásmundr, Þvinnill,
Yngvi, Teiti.

5. Virfill, Vinnill,
Vandill, Sǫlsi,
Gaurekr ok Húnn,
Gjúki, Buðli,
Hómarr, Hnefi,
Hǫrvi, Sǫrvi.
Sékkat ek fleiri
sækonunga.

b. Jǫtna heiti (I).

1. Ek mun jǫtna
inna heiti.
Ymir, Gangr, Mímir,
Iði ok Þjazi,
Hrungnir, Hrímnir,
Hrauðnir, Grímnir,
Hveðrungr, Hafli,
Hripstútr, Gymir.

2. Harðverkr, Hrøkkvir,
ok Hástigi,
Hræsvelgr, Herkir,
ok Hrímgrímnir,
Hymir ok Hrímþurs,
Hvalr, Þrígeitir,
Þrymr, Þrúðgelmir,
Þistilbarði.

3. Geirrøðr, Fyrnir,
Galarr, Þrívaldi,
Fjǫlverkr, Geitir,
Fleggr, Blapþvari,
Fornjótr, Sprettingr,
Fjalarr, Stígandi,
Sómr ok Svósuðr,
Svárangr, Skrati.

4. Surtr ok Stórverkr,
Sækarlsmúli,
Skærir, Skrýmir,
Skerkir, Salfangr,
Ǫskruðr ok Svartr,
Ǫnduðr, Stúmi,
Alsvartr, Aurnir,
Ámr ok Skalli.

5. Kǫttr, Ǫsgrúi
ok Alfarinn,
Vindsvalr, Víparr
ok Vafþrúðnir,
Eldr, Aurgelmir,
Ægir, Rangbeinn,
Vindr, Víðblindi,
Vingnir, Leifi.

6. Beinviðr, Bjǫrgolfr
ok Brandingi,
Dumbr, Bergelmir,
Dofri, Miðjungr,
Nati, Sǫkmímir -
nú eru upp talið
ámátligra
jǫtna heiti.

c. Trǫllkvenna heiti.

1. Skalk trollkvinna
telja heiti.
Gríðr ok Gnissa,
Grýla, Brýja,
Glumra, Geitla,
Gríma ok Bakrauf,
Guma, Gestilja,
Grottintanna.

2. Gjǫlp, Hyrrokkin,
Hengikepta,
Gneip ok Gnepja,
Geysa, Hála,
Hǫrn ok Hrúga,
Harðgreip, Forað,
Hryðja, Hveðra
ok Hǫlgabrúðr.

3. Hrímgerðr, Hæra,
Herkja, Fála,
Imð, Járnsaxa,
Íma, Fjǫlvǫr,
Mǫrn, Íviðja,
Ámgerðr, Simul,
Sívǫr, Skríkja,
Sveipinfalda.

4. Ǫflugbarða
ok Járnglumra,
Ímgerðr, Áma
ok Járnviðja,
Margerðr, Atla,
Eisurfála,
Leikn, Munnharpa
ok Myrkriða.

5. Leirvǫr, Ljóta
ok Loðinfingra,
Kráka, Varðrún
ok Kjallandi,
Vígglǫð, Þurbǫrð -
viljum nefna
Rýgi síðarst
ok Rifingǫflu.

d. Þórs heiti.

Þórr heitir Atli
ok Ásabragr,
sá es Ennilangr
ok Eindriði,
Bjǫrn, Hlórriði
ok Harðvéorr,
Vingþórr, Sǫnnungr,
Véoðr ok Rymr.

e. Ása heiti (I).

Burir ro Óðins
Baldr ok Meili,
Víðarr ok Nepr,
Váli, Áli,
Þórr ok Hildolfr,
Hermóðr, Sigi,
Skjǫldr, Ingvifreyr
ok Ítreksjóð,
Heimdallr, Sæmingr,
Hǫðr ok Bragi.

f. Jǫtna heiti (II).

1. [Enn eru eptir
jǫtna heiti.]
Eimgeitir, Verr,
Ímr, Hringvǫlnir,
Viddi, Víðgrípr,
Vandill, Gyllir,
Grímnir, Glaumvarr,
Glámr, Sámendill,
Vǫrnir, Harðgreipr
ok Vagnhǫfði.

2. Kyrmir, Suttungr
ok Kaldgrani,
Jǫtunn, Óglaðnir
ok Aurgrímnir,
Gillingr, Gripnir,
Gusir, Ófóti,
Hlói, Ganglati
ok Helreginn.

3. Hrossþjófr, Dúrnir,
Hundalfr, Baugi,
Hrauðungr, Fenrir,
Hróarr ok Miði.

g. Ása heiti (II).

[Enn skal telja
ása heiti.]
Þar es Yggr ok Þórr
ok Ingvifreyr,
Víðarr ok Baldr,
Váli ok Heimdallr,
þá es Týr ok Njǫrðr,
telk næst Braga,
Hǫðr, Forseti,
hér es øfstr Loki.

h. Ásynja heiti.

1. Nú skal ásynjur
allar nefna.
Frigg ok Freyja,
Fulla ok Snotra,
Gerðr ok Gefjun,
Gnó, Lofn, Skaði,
Jǫrð ok Iðunn,
Ilmr, Bil, Njǫrun.

2. Hlín ok Nanna,
Hnoss, Rindr ok Sjǫfn,
Sól ok Sága,
Sigyn ok Vǫr,
þá es Vór, ok Syn
verðr at nefna,
en Þrúðr ok Rón
þeim es næst talið.

3. Grét ok at Óði
gull Freyja.
Heiti eru hennar
Hǫrn ok Þrungva,
Sýr, Skjólf ok Gefn
ok et sama Mardǫll.
Dœtr eru hennar
Hnoss ok Gørsemi.

4. Enn eru aðrar
Óðins meyjar:
Hildr ok Gǫndul,
Hlǫkk, Mist, Skǫgul,
þá es Hrund ok Eir,
Hrist, Skuld talið.

5. Nornir heita,
þær es nauð skapa,
Nipt ok Dísi
nú mun ek telja.

i. Kvinna heiti.

Snót, brúðr, svanni,
svarri, sprakki,
fljóð, sprund, kona,
feima, ekkja,
rýgr, víf ok drós,
ristill, sæta,
man, svarkr ok hæll,
mær ok kerling.

j. Manna heiti.

1. Mál es at segja
manna heiti.
Greppar ok gumnar,
gumar ok drengir,
gotnar, rekkar,
garpar, seggir,
sveit, snillingar
ok sælkerar.

2. Bragnar, þegnar,
beimar, hǫlðar,
firar ok flotnar,
fyrðar . . .
fǫruneyti, drótt,
flokkr, harðmenni,
kníar ok kappar,
kenpur, nautar.

3. Ǫld ok ærir
ok afarmenni,
liðar ok lofðar,
lýðr ok sagnir,
ljóðr, oflátar,
ljónar ok ferðir,
snillingr, mæringr,
mannbaldr, spekingr.

4. Þá es glæsimaðr
ok gollskati,
þá eru snyrtimenn
ok sælkerar,
auðkýfingar
ok oflátar,
herr ok helmingr
ok hǫfðingjar.

5. Folk ok fylki,
fundr, almenningr,
nú es þrǫng ok þyss,
þorp, auðskatar,
drótt ok syrvar,
dúnn, prýðimenn,
sǫgn ok samnaðr,
seta, stertimenn,
[fjǫrr ok brjónar].

6. Enn eru eptir
aldar heiti.
Hirð ok gestir
ok húskarlar,
inndrótt ok hjón,
ef ek alt segi,
rúni ok þopti
ok ráðgjafi.

7. Innhýsingar,
aldaþoptar,
sessi ok máli,
serlar og fylgðir,
þá eru félagar
ok frændr saman,
vinr, einkili,
verðung, halir.

8. Ái ok óttungr,
afi, sonr, faðir,
bróðir, barmi,
blóði, lifri,
jóð, burr, nefi
ok arfuni;
þá eru hlýrar
ok hǫfuðbaðmar.

9. Niðr, hleytamaðr,
niðjungr ok barn,
konr ok kynkvísl,
kundr, ættbogi,
mǫgr, mólunautr,
mágr ok spjalli,
ættbaðmr, ættslóð,
ofskǫpt ok sveinn.

10. Sessunautar
ok sifjungar,
afspringr es þá
ok ættstuðill,
þá es róðunautr
ok ráðgjafi;
þjónar, þrælar,
þírr, ǫnnungar,
verkmenn, kefsar
ok vílmegir.

k. Kvinna heiti.

1. Þau eru heiti:
hjaldr ok rimma,
gǫll, geirahǫð
ok geirþriful,
róg ok róma,
randgríðr ok storð,
svipyl ok snerra,
sig, folk, jara.

2. Sóta, morð ok víg,
sókn, dolg ok ógn,
dynr, gnýr, tara,
drífa, ímun,
þá es orrosta
ok ørlygi,
hríð ok etja,
herþǫgn, þrima.

l. Sverða heiti.

1. Ek mun segja
sverða heiti.
Hjǫrr ok hrotti,
hǫguðr, dragvandill,
gróa, gramr, gellir,
gjallr ok neðanskarðr,
sigðr ok snyrtir,
sómi, skjómi.

2. Skálkr, skerkir, skúfr,
skrýmir, laufi,
ǫltir, langbarðr
ok ormþvari,
leggbiti, kyrr, galmr
ok Leifnis-grand,
herberi, hneitir
ok hræfrakki.

3. Lotti, hrǫnduðr,
lǫgðir, mækir,
mǫnduðr, mundriði
ok mistilteinn,
malmr, þrór ok marr
ok miðfáinn,
fetbreiðr, grindlogi
ok fjǫrsoðnir.

4. Vægileiptr, veigarr,
vallangr ok brandr,
verr, ulfr, valnir,
vindbjartr ok kvǫl,
askr, angrvaðill,
eggjumskarpi,
svipuðr ok svipaljótr,
salgarðr, hnefi.

5. Hvati, hǫfuðhvessingr,
hausamølvir,
hrævagautr, herbrái
ok holdmímir,
bensœgr, brigðir,
brimir, huglognir,
skyggðir, skreyfir,
skarðr, grindlogi.

6. Mímungr, fellir
ok málvitnir,
taurarr, hrævarðr,
trani, vindþvari,
liðnir, kvernbítur,
ljómi, herðir,
vitnir, ýfrir,
veggjalestir.

7. Skelkvingr, fylvingr,
flæmingr, skerðingr,
skotningr, skilfingr,
skǫfnungr, rifjungr,
brotningr, hvítingr,
bæsingr, tyrfingr,
hœkingr ok hringr,
hittask mun nættingr.

8. Logi ok mundgjallr,
langhvass ok eldr,
ǫrn ok œgir
ok naglfari,
brigðir, mǫrnir,
blær ok skerðir,
hyrr ok helsingr,
hríðir, atti.

9. Fellir, fǫlvir,
fáfnir, raufnir,
ímnir, eimnir,
afspringr, þinorr,
sigðir, snyrtir,
svelgr, skarr ok nár,
góinn, gestmóinn,
gárr, þrimarr, níðhǫggr.

Heiti á sverði:

10. Oddr, blóðvarta
ok benknúar,
blóðrefill, blóðvarp
ok blóðiða,
blóðvaka, ljúgfengr
ok blóðhnefi,
iðvarp ok brandr,
eggteinar, folk.

11. Emjar, þremjar
ok ǫlrøðarnautr,
merki, véttrim
ok missifengr,
ónn ok skafningr,
undirdregningr,
vargr, kaldhamarsnautr,
valbǫst ok herðr.

12. Sverð ok gelmingr
ok samnagli,
hugró, sigrhnoð,
hjalt ok tangi,
mundriði, hǫggstaðr
ok meðalkafli.

m. Øxar heiti.

Øx, jarðhyrna
ok járnsparða,
skjáfa ok skeggja,
skráma ok genja,
reginspǫnn, gnepja,
gýgr ok fála,
snaga ok búlda,
barða ok vígglǫð,
þveita, þenja,
þá es arghyrna;
hon es øfst talið
øxar heita.

n. Spjóts heiti.

Darr, spjót ok nǫt,
dǫf, lenz ok vigr,
snata, fleinn ok sváf,
sviða, hræmæki,
geirr, spjǫr, nata,
gefja, kesja,
gaflak, frakka,
gungnir, peita.

o. Ǫrvar heiti.

1. Ǫr es ok akka,
oddr, hvítmýlingr,
fenja, drífa,
flaug, dynfara,
bǫsl, bǫl, bílda,
broddr ok hremsa,
gǫgnflaug ok þrǫs,
gǫgn ok skaptsnǫr.

2. Flugglǫð, flugsvinn,
fífa ok skeyti,
geta skal Fennu
ok Gusis smíðis;
Jólfs smíði es,
en øfst þura.

p. Boga heiti.

Almr, dalr, bogi,
ýr ok tvíviðr,
sveigr, glær ok þrymr,
sómr, skálgelmir.

q. Vápna heiti.

Enn kveðk heita
ǫll vǫ́pn saman:
jǫ́rn, ǫr ok slǫg,
ísarn ok spjǫr.

r. Skjaldar heiti.

1. Skjǫldr, þrunginsalr,
skaunn, salbendingr,
bugnir, hlébarðr
ok buklari,
véttlimi, targa,
veðrglaðr ok hlíf,
víðbleiknir, rít,
vígglaðr ok lind.

2. Gjallr, dǫggskafi
ok gunnskýlir,
barðljós, grýta
ok bǫðskýlir,
svalinn ok randi,
saurnir, borði,
skuttingr, barði,
skírr, tvíbyrðingr.

3. Ørlygr ok svarmr,
eilífnir, heiðr,
baugr, fagrbláinn,
bera, miðfjǫrnir.

s. Hjálms heiti.

1. Hropts hattar skalk
heiti segja.
Hjalmr, gollfáinn,
hrørr, valhrímnir,
hallhrímnir, skólkr
ok hlífandi,
fjǫrnir, þokki
ok fíkmóinn.

2. Hildigǫltr, kellir,
herkumbl ok velgr,
gríma, œgir,
glævir, stefnir.

t. Brynju heiti.

Brynja, kund, hjalmgǫll,
hrauð ok náin, kǫld,
[Finnsleif],
bǫðfara, þýð, syn
ok blóðleika.

u. Sjóvar heiti.

1. Sær, sílægja,
salt, ægir, haf,
lǫgr, sumr, lœgir,
lagastafr ok vágr,
gjallr, gnap, geimi,
gnár, svífr ok marr,
súgr, sog, sami,
svelgr, rǫst ok fjǫrðr.

2. Sund, ǫgr, velfœrr,
sími, víðir,
hríð, ver, breki,
húm, flóð ok brim,
grœðir, glýjuðr,
gymir ok vægir,
gniðr ok órór,
gjalfr, fen, snapi.

3. Gnat, vǫrr, vika,
vǫst, hóp ok mið,
vatn, djúp ok kaf,
vík, tjǫrn ok sík,
stormr, díki, hylr,
straumr, lœkr ok bekkr,
áll, bruðr, kelda,
iða, fors ok kíll.

4. Hefring, alda,
hvítingr ok ló,
hrǫnn, rón, kolga
ok himinglæva,
drǫfn, uðr ok solmr,
dúfa, bylgja,
boði ok bára,
blóðughadda.

v. Á heiti.

1. Gjǫll, glit, gera,
glóð ok valskjólf,
vón, víð, vimur,
ving ok ýsa,
síð, suðr, freka,
sœkin, einstika,
elfr, ró, ekla,
ekin, rennandi.

2. Þyn, rín ok nið,
þǫll, rimr, ysja,
dún, ǫgn, dýna,
dyn, hǫllfara,
órun ok bró,
auðskjólg, lodda,
mun, merkriða,
mein ok saxelfr.

3. Tífr, durn, vína,
tems, vǫnd ok strind,
mǫrn, móða, þrym,
morn ok gautelfr,
alin, uðr, olga,
ok evfrátes,
ógn, eiðrennir
ok apardjón.

4. Rǫgn, hrǫnn ok raun,
raumelfr, hnipul,
hnǫpul, hjǫlmunló,
humra, vína,
vil, vín, vella,
valin, sœmð, salin,
nepr, drǫfn, strauma,
nis, mynd, gnapa.

5. Gilling ok níl,
ganges, tvedda,
luma, vervaða,
leira ok gunnþró,
iðsvǫl, vegsvinn,
yn, þjóðnuma,
fjǫrm, strǫnd ok spé
ok fimbulþul.

6. Nyt, hrǫnn ok nauð,
nǫt, slíðr ok hríð,
kǫrmt, leiptr ok ǫrmt,
kerlaugar tvær,
gǫmul, sylgr ok yn
ok geirvimul,
ylgr, vǫð ok flóð,
Jórdón es á lesti.

x. Fiska heiti.

1. Lax ok langa,
lýsa, brosma,
birtingr, hœingr,
bust ok hrygna,
humarr, hrognkelsi,
hveðnir, flóki,
ǫlunn, aurriði
ok andvari.

2. Síld, seiðr, skata,
síl, reyðr ok ǫggr,
skreiðungr ok síkr,
skalgi, flyðra,
fyldingr, styrja
ok fuðryskill,
hámerr, steinbítr
ok háskerðingr.

3. Fjǫrsungr, þrǫmmungr
ok fengrani,
hamarr, sandhverfa
ok horngœla,
marknútr, glǫmmungr
ok marþvara,
sílungr, skelfiskr,
sverðfiskr ok lýr.

4. Þyrsklingr, upsi,
þorskr, vartari,
grunnungr, gedda,
gjǫlnir, keila,
áll ok karfi,
krabbi, geirsíl,
hár ok goðlax,
hornsíl, igull.

y. Hvala heiti.

1. Hafrhvalr, geirhvalr
ok hafgufa,
hnísa, hafstrambr
ok hnýðingar,
reyðr, reyðarkalfr
ok rauðkembingr,
búrungr, rostungr
ok blæjuhvalr.

2. Norðhvalr, búrhvalr,
náhvalr ok leiptr,
skeljungr, fiskreki
ok skútuhvalr,
sléttibaka, skjaldhvalr
ok sandlægja,
hrosshvalr, andhvalr,
hrafnreyðr ok vǫgn.

z. Skipa heiti.

1. Nú mun ek skýra
of skipa heiti.
Ǫrk, árakló,
askr, sessrúmnir,
skeið, skúta, skip
ok skíðblaðnir,
nór, naglfari,
nǫkkvi, snekkja.

2. Byrðingr, búza,
barðkaldr ok hreinn,
bakki, hǫmlungr,
hélugbarði,
rǫst, bátr ok regg,
rǫð, hringhorni,
lung, kjóll, langskip,
leifnir, karfi.

3. Hringr, gnóð, freki,
hrauð, móðrói,
hemlir, barði
ok hylbauti,
ugla, leðja
ok askvitull,
kœna, ketla,
kati, reið ok skalpr.

4. Knǫrr, kuggr, knúi,
keipull, eikja,
dreki, elliði,
drómundr ok prámr,
fura, vigg, galeið,
ferja, skálda,
fley, flaust ok þekkr,
fartíðr ok lið.

Heiti á skipi.

5. Segl, skǫr, sigla,
sviðvíss, stýri,
sýjur, saumfǫr,
súð ok skautreip,
stag, stafn, stjórnvið,
stuðill ok sikulgjǫrð,
snotra ok sólborð,
sess, skutr ok strengr.

6. Sǫx, stœðingar,
sviptingr ok skaut,
spíkr, siglutré,
saumr, leggstólpar,
laukr, siglutoppr,
lína, eyru,
flaug, flaugarskegg
ok farnagli.

7. Húnn, húnbora
ok hjǫlmunvǫlr,
húfr, hlýr, hrefni
ok halsstefni,
hefill, hals, hanki
ok hǫfuðbendur,
háir, hæll, hamarr,
hjalpreip ok lík.

8. Rǫ́, rakki, rif,
rengr ok hǫmlur,
vindáss, vengi,
vǫndr, langnefjur,
vǫlt, beitiáss,
varta, brandar,
bitar, bóglína,
búlkastokkar.

9. Barð, kné, byrði,
belti ok kinnungr,
kjǫlr, borð, keili
ok kjǫlsýja,
kraptar, kerling,
klœr ok þoptur,
kalreip, þrimir,
klofar ok þiljur.

10. dœla, árar,
aktaumar, rœr,
arinn ok nálar,
aurborð, kjalarhæll
ok akkeri,
hnakkmiði, austker
ok húnspænir.

æ. Jarðar heiti.

1. Jǫrð, fjǫrn, rofa,
eskja ok hlǫðyn,
gyma, sif, fjǫrgyn,
grund, hauðr ok rǫnd,
fold, vangr ok fíf,
frón, hjarl ok barmr,
land, bjǫð, þruma,
láð ok merski.

2. Holt, hals ok fjǫll,
hlíð ok leiti,
hóll, heiðr ok hvilft,
hváll ok brekka,
hró, dalr ok vǫllr,
hvammr ok tunga,
mold, flag, rimi,
mór, laut ok sandr.

ö. Øxna heiti.

1. [Enn skal segja
øxna heiti].
Árvakr, drjóni
ok jǫrmunrekr,
simi, freyr, reginn,
smiðr, eyþvari,
rauðr ok rekningr
ok røkkvihliðr,
viggi, bautuðr,
vingnir, stjóri.

2. Himinhrjóðr, simir
ok harðfari,
hœfir, digni,
hjǫlluðr, simull,
hliðr, stúfr ok litr,
hríðr, forsimi,
arfr, jǫrmuni
ok eikismiðr.

3. Gneisti, apli,
gollinhorni,
auðr, kvígr, ǫldungr
ok arfuni,
griðungr, olgr, gellir,
glymr ok hreiði,
tíðungr, boli,
tarfr, aurgefinn.

4. Kýr heitir skirja,
kvíga ok frenja
ok auðhumbla,
hon es elzt kúa.

aa. Hrúts heiti.

Hrútr, ofrhyrningr,
hornumskváli,
gumarr, hornglóinn
ok gjaldhróinn,
hveðurr, hornglói,
hallinskíði,
berr, hornhróinn
ok heimdali,
bekri, miðjungr,
blær, mǫrðr ok veðr.

bb. Hafrs heiti.

1. Hafr heitir grímnir
ok geirǫlnir,
tanngnjóstr, kjappi
ok tanngrisnir,
skimuðr ok brúsi,
bokkr, grímr taliðr..

2. Heitir ok heiðrún,
haðna ok kiðlingr,
es kolmúla
ok kið saman.

cc1. Bjarnar heiti.

Bjǫrn, bersi, bolmr,
bera, elgviðnir,
blájaxl, ísolfr
ok breiðvegi,
bestingr, bassi,
balti, hlébarðr,
úfr, frekr, vilnir,
jórekr, mǫsmi,
fetvíðnir, húnn,
fress, vetrliði,
íugtanni, jólfuðr,
ifjungr, vilskarpr.

cc2. Bjarnar heiti.

Hjǫrtr, duraþrór,
hliðr, eikþyrnir,
duneyrr, dáinn,
dvalarr, mótroðnir.

dd. Galtar heiti.

Gǫltr, valglitnir,
gríss ok hrímnir,
svíntarr, runi,
sæhrímnir, bǫrgr,
rái, valbassi,
røðr, drittroði,
þrór, vigrir, skunpr,
þrǫ́ndr, vaningi.

ee. Vargs heiti.

1. Vargr, ulfr, geri,
vitnir, grádýri,
hati, hróðvitnir
ok heiðingi,
freki ok viðnir,
fenrir, hlébarðr,
goti, gildr, glammi,
gylðir, ímarr,
ímr ok egðir
ok skólkinni.

2. Enn heitir svá:
ylgr, vargynja,
borkn ok íma,
.. .. svimul.

ff. Himins heiti.

Níu eru himnar
á hæð talðir.
Veitk enn nezta,
sá es vindbláinn,
sá es heiðornir
ok hreggmímir;
annarr heitir
andlangr himinn
- þat máttu skilja -
þriði víðbláinn;
víðfeðmi kveðk
vesa enn fjórða;
hrjóðr ok hlýrni
hygg enn sétta,
gimir, vetmímir -
getk nú vesa
átta himna
upp of talða,
skattyrnir stendr
skýjum øfri;
hann es útan
alla heima.

gg. Sólar heiti.

Sól ok sunna,
sýn, fagrahvél,
leiptr, hrjóðr, leika,
líknskin, rǫðull,
leiptr, ifrǫðull
ok ljósfari,
drífandi, alfrǫðull
ok Dvalins leika.