Vaticinium volæ

Velg språk	Norrønt	Islandsk	Norsk	Dansk	Svensk	Færøysk	Latin
Denne teksten finnes i flere utgaver på følgende språk ►

Vaticinium volæ

Publicijuris primum facta à

Petro Joh. Resenio.

Latinè quodammodo redditum à Stephano Olai Islando.

Havniæ. M.DC.LXV.

1.

Sileant rogo omnes sanctæ cre-aturæ.

Majores minoresq́; filii Heimdalli;

vis me accurate enumerare vetusta elogia

virorum Valfödurs quæ remotissima recordor.

2.

Ego memini Centauros manè natos

qui olim me erudiverunt.

Novem accepi esse mundos, novem ideas.

Cremia novella infra pulverem.

3.

Mane erat seculorum cum Ymerus habitavir,

erat nec arena, nec mare, nec refrigerantes aurulæ

terra reperta est nusquam, nec in alto cælum.

Hiatus ingens erat spatii, & gramen nulli ibi.

4.

Anteqvam Bursonii tabulas allevarunt

qvi Midgardum novellum moliti sunt.

Sol illuminabat ex meridie lapides palatii

Tunc terra produxit viride porrum.

5.

Sol conjiciebat ex meridie suâ, lunam

dexterâ, trans cœlestis equi fores.

Sol nescivit ubi palatia possideret,

stellæ nesciverunt, ubi sedes sibi vendicarent,

luna nescivit ubi suæ vires sitæ essent.

6.

Tunc occuparunt Dii omnes tribunalia sanctuli Deastri

et hæc considerarunt

nocti sc: decrescentiq́; lunæ nomina indiderunt.

Mane vocarunt & meridiem.

Inclinationem & vesperam annis numerandis.

7.

Conveniebant Asæ in Ida campo

qui larana & fana alte exstruxerunt.

Fornaces struxerunt, pecuniam moliti sunt,

forcipes crearunt, & fabrilia instumenta fabricarunt.

8.

Calculis luserunt in area, hilares fuerunt,

nulla virtus desiderabatur illis in auro:

Donec tres advenerunt Thursorum virgines

præpotentes valdè ex Jötunheimum.

9.

Tunc denuo occuparunt Dii omnes tribunalia sanctuli

deastri, considerantes

qvinam deberet Dominus Nanos creare

ex Brimeri sangvine & blaviis cruribus.

10.

In quo Motsognerus primas obtinuit

inter Nanos omnes, Durinus autem secundas,

qvi Nani multas finxerunt humanas effigies

ex terrâ, tanqvam dixit Durinus.

11.

Nör & Nidi, Nordri & Sudri

Austre & Vestre, Althiofur Dvalin,

Bivör & Bavör, Baumbaur Nori;

An & Anar, Ai Miödvitner.

12.

Veigur & Gandalfur, Vindalfur Thrainn,

Theckur, Thorinn, Thror, Vitur & Litur.

13.

Nar & Niradur, nunc sunt à me Nanorum

virrutes & in consiliis prudentia ritè enumerata

Fili, Kili, Fundinn, Nali.

Heyte, Vili, Hanar, Svior.

14.

Frar, Hornbori, Frægor & Loni,

Aurvangur Jari Eikinskialldi.

Tempus est Nanos in Dvalini sodalitio

hominum filiis in honorem recensere

qui adduxerunt à Salarsteine profecti

Aurvangi agmen ex Jorvöllum.

15.

Ibi Drupner erat & Dolgthraser

Har Haugspore, Hlevangur, Gloi

Skirvir, Virvir, Skafidur, Ai,

Alfur & Ingvi Eikinskialldi.

16.

Fialar & Frosti, Finnur & Ginnar

hoc ipsum dum vivunt homines

celebrabitur inter seros nepotes.

17.

Donec tres venerunt ex illo agmine.

Præpotentes & amabiles Asæ ad domum qvandam.

Offenderunt in littore miseros

Askum & Emblam omni conatu destitutos.

18.

Animam nec possidebant, rationem nec habebant,

nec sangvinem nec sermonem, nec faciem venustam:

Animam dedit Odinus, rationem indidit Hønerus:

Lödur sangvinem addidit & faciem venustam.

19.

Ego fraxinum scio exstare Ygdrasil vocatam,

rigidas comas supersusam albo luto,

inde imbres ortum trahunt qui in valles decidunt,

stat semper virens supra Urdarbrunne.

20.

Inde emergunt virgines multisciæ

tres ex isto mari quod cauduci subest

Urd unam nominarunt, aliam Verdandi,

inciderunt Skidiæ tertiam, Skulld dictam.

21.

Hæ leges sancierunt, hæ vitam dispensarunt

seculorum filiis & fata mortalium.

Hujus illa cædis primæ in mundo meminit

cum Gullveigam bipennibus fulcierunt

et in aula Hari ipsam exusserunt.

22.

Tribus vicibus combusserunt, tribus vicibus natam

sæpè & non rarò, quæ tamen adhuc vivit.

Heide appellata est, qvamcunq́; villam veniret.

Ac Vola bona vaticinans, qvæ magicos baculos execrata

venesica carmina edocta, incantamentis artem juvit,

exhibens semper malæ mulieri molestiam.

23.

Tunc denuo occuparunt Dii omnes tribunalia sanctuli Deastri

considerantes, num Asis sinistri consilii damna essent reportanda,

an verò deberent Dii omnes symposia sibi vendicare.

24.

Fecit impetum Odinus & in catervas populi jaculatus est

quæ adhuc prima erat cædes in mundo

fracta est diametralis via Civitatis Asarum

potuerunt Vaner à bello campis cavere.

25.

Tunc denuo occuparunt Dii omnes tribunalia sanctuli Deastri

considerantes; quisnam æther universum mari miscuisset.

Et generationi Centaurorum virginem Odi dedisset.

26.

Thorus unus ibi erat ira turgidus,

qui rarò sedet cum tales rumores percipit,

rescindebantur juramenta, pollicitationes & condicta,

ut & formulæ omnes quæ intervenerant.

27.

Novit illa Heimdalli vocem abditam

sub serenitati assvetis sanctis comis

amnem illa videt undatim ruere limosâ cataractâ

continentem depositum Valfödurs (Odini) intelligitis adhuc, nonne?

28.

Sola sedebat subdio cum priscus advenit,

yggiongur Asarum & oculos aspexit.

Quid me interrogatis? quare me tentatis?

Satis novi Odine ubi Oculum abdidisti

in novo scilicet fonte Mimeri.

Bibit mulsum Mimerus mane quolibet,

continens depositum Valfödurs (Odini) intelligitis adhuc, nonne?

29.

Tradidit illi Herfodur annulos & monilia,

præcepta ditescendi, sapientiæ, & fatidicos lituos

patuit ipsi latè & quidem perlate mundus quilibet,

30.

Vidit illa Valkyriur peregre advenientes

adornatas ut eqvestres ad Godthiod pergerent.

Skulld gestavit Skutum, Skögul erat altera

Gunnur, Hilldur Gondul & Geirskögul.

Nunc enumeratæ sunt famulæ Herjans

instructæ, ut per campos equitent Valkyriur.

31.

Ego vidi Baldro Asæ cruore perfuso

Odini filio fata deposita

stetit campo quæ creverat altior

tenuis & speciosa spina.

32.

Qua de spina, ut mihi quidem visum est,

evenerunt plagæ deplorandæ: Haudus quidem jaculari cœpit,

Baldri frater ante diem natus

Odini filius noctem natus cædem commisit.

33.

Quamvis nunquam manus vel caput mundificaret,

antequam in flammam ferret Baldri hostem:

Verum Frygga lugebat in Fensolum

custos Valhallæ, intelligitis adhuc nonne?

34.

Vinctum jacere vidut illa sub Hunorum luco

persidem funus: Lokam quidem representans.

ibi Sigyna sedet, nunquam suo

viro satis dilecta, intelligitis adhuc, nonne?

35.

Amnis ab ortu decurrens interluit venenosas valles,

ac secum rapit limum & cespites vivos, Slid ille vocatur:

Stetit aquilonem versus in Nidafiöllum.

Curia aurea familiæ Sindrinæ

verum alia stetit Okolni

cerevisiaria Centauri, curia Brimer nuncupata.

36.

Palatium illa stare novit à Sole remotum

in Nastrøndum boream versus spectant fores.

Impluunt venenatæ guttæ per fenestras.

Hæc est contexta curia spinis serpentinis.

37.

Illic vadere ipsa vidit amnes rapidos

homines perjuros, sicarios,

nec non illos qui alterius vellicat aurem conjugis

ibi excarnificavit Nidhoggur corpora exstincta.

Laceravit viros sera truculenta, intelligitis adhuc nonne?

38.

Versus orientem sedebat prisca illa, vincta ferreis catenis,

ubi enixa est Fenris filios

e quibus omnibus unus evasit prodigiosus,

Lunæ liguritor giganteas indutus exuvias.

39.

Saturatur vitâ morientium hominum

aspergens divinum exercitum rubro sangvine

nigrum evadit lumen solare seqventi æstate

et venti omnes maligni, intelligitis adhuc nonne?

40.

Insidebat tumulo & lusit citharà

Gygæ opilio lætus Egderus

accinuit huic in Gaglvide

purpureo colore gallus Fialar nomine.

41.

Cantavit de Asis Auricristatus

qvi Heroës excitat apud Herfødur (Odinum)

verum alter cantat infra terram

pullo colore gallus in palatiis Helæ.

42.

Latrat horrendum Garmus ante Gnipense antrum

rumpentur catanæ, ruet autem Freco

multa scit sapiens illa, longius ego prævideo

de acerbo interitu Asarum divinitatis.

43.

Fratres pugnabunt & mutuo cadent,

consobrini cognationem conspurcabunt

Durum est in mundo, adulteria magna

barbara ætas, ensea ætas, scuta finduntur

ventosa ætas, ferina ætas, anteqvam mundus corruat

nec erit ullus qui alteri parcet.

44.

Ludunt filii Mimeri, sed comburuntur cremia

prope sonorum Giallarhorn.

Altum inflat Heimdallus cornu sublevatum,

alloquitur Odinus caput Mimeri,

personat vetusta illa arbor; solvitur a: Centaurus.

Horret Yggdrasilli fraxinus erecta.

45.

Latrat Garmus ante Gnipense antrum,

rumpentur catenæ, ruet autem Freco,

Hrymur aurigat ab ortu, intumescit aqva.

Convolvitur Jormungandus cum cyclopico animo.

46.

Carina allabitur ex oriente, adventabant Muspellsonii

per mare populi, Lokus autem clavum tenet.

Adducunt Fiflonis filii Freconem omnes

qvibus comes est frater Bifleisi.

47.

Qvid rei apud Asas? qvid rei apud faunos,

fragore personat omnis Centaurorum mundus,

Asæ forum celebrant,

ingemiscunt Naniante scopulorum fores.

Asyli Saxei non ignari, intelligitis adhuc nonne?

48.

Surtur prodit ex meridie cum Svigalesi,

radiat instar solis ensis Valtivi.

Alliduntur saxa, indignantur Deastri

calcant homines Helæ viam, cælum antem diffinditur.

49.

Tunc prodit Hlinarus dolor alter

cum Odinus pugnam cum lupo aggreditur.

Verum Belicida candidus Surto se opponit.

Tum Fryggæ occumbet maritus.

50.

Tunc prodit magnus ille filius Odini Sigfodurs

Vidarus, dimicaturus cum funebri animali,

qui manu extensa in medium rictum

ense cor attingit, hoc modo necem patris vindicans.

51.

Tunc prodit venustus filius Hlodyniæ

instituit Odini filius cum lupo duellum

intersicitq; animosè angvem Midgardianum.

Mortales omnes nos alio mutabimus.

Graditur passus novem proles Fiorgunæ

debilitatus ab angve tetro & esuriente.

52.

Nigrescit sol, immergitur mari terra,

subducuntur è cælo serenæ stellæ.

Desævit ignis in vetustam machinam,

pertingit altus color ad ipsum cælum.

53.

Latrat Garmus ante Gnipense antrum

rumpentur catenæ, ruet autem Freko.

Videt illa emergere dennò

terram ex mari undiq vaq́; virentem

defluunt cataractæ, supervolat aquila

qvæin monte pisces venatur.

54.

Conveniunt Asæ in Ida-Campo

et de mundanis calamitatibus magnis colloqvuntur

ut & de Fimbultyri vetustis runis.

55.

His peractis, admirabiles

Deaurati in gramine reperientur calculi,

qvos in primordio possederant.

56.

Erunt sine satione agri

adversa secundabuntur omnia, adveniet Baldrus,

habitabunt Haudus & Baldrus, Hropti, Sigtopter

Asæ sine incommodis, intelligitis adhuc nonne?

57.

Tunc validus Hænerus sortitur facultatem Vidarum eligendi

et necessarii fratrum amborum habitandi

Vindheim vastum. Scio adhuc nonne?

58.

Curia stat clarior sole

auro tecta in Gimle

illam probi populi colent

per secla fruentes summo bono.

59.

Ecce venit obscurus Draco subvolans

viperinus à Nidafiöllum,

fert in pennis, campum supervolans,

Nidhøggur funera. Nunc illi terra dehiscet.